Loading...
COVID-19 өвчний үеийн ялгаварлан гадуурхалтыг сэтгэл түгшилт болон сэтгэл гутралын байдалтай харьцуулан судлах
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
257
End Page
260
ISSN
2959-6947
Хураангуй
Үндэслэл: Хувь хүнийг өвчилсөн өвчнөөр нь бусдаас гадуурхан, иргэний эрхийг хязгаарлах, хасахыг өвчнөөр нь ялгаварлан гадуурхах үзэл хэмээн нэрлэх бөгөөд дэлхий дахинаа COVID-19 цар тахал эхэлснээс хойш хүн амын дунд уг өвчнөөр өвдсөн иргэдийг ялгаварлан гадуурхах нь олон хэлбэрээр илэрч байна. Бид COVID-19 өвчнөөр өвдсөн иргэдийн сэтгэл түгшилт болон ялгаварлан гадуурхалтанд өртсөн байдлыг судлан тогтоохыг зорьсон юм. Арга, аргачлал: Судалгааг тойм судалгааны агшингийн загвараар онлайн асуумж судалгааны аргыг ашиглан зохион байгуулав. Үр дүн: Шинээр COVID-19 өвчтэй болох нь батлагдсан 18-85 насны, нийт 265 эмчлүүлэгч бөглөсөн бөгөөд 67.2% (n=178) нь эмэгтэй, 71.3% нь дээд боловсролтой, өрхийн дундаж орлого 1000000-2000000 төгрөг байв. Судалгаанд оролцогсодын 62.26%-д нь сэтгэл түгшилт; 66.42%-д (n=176) нь сэтгэл гутрал илэрч байв. Эмэгтэй хүйсийн оролцогчдод сэтгэл гутрал (p=0.005) болон сэтгэл түгшилтийн (p=0.001) түвшин илүү байсан. Нийт оролцогчийн 98% нь ялгаварлан гадуурхалд өртсөн байсан ба тэдний 36%-д нь өөрийн гадуурхалтын түвшин дунд зэрэг, 61.9%-д нь өөрийн гадуурхалтын түвшин өндөр байсан. Хүйсийн хувьд эрэгтэйчүүд илүү өөрийгөө ялгаварлан гадуурхах байдалтай тодорхойлогдсон нь статистикийн хувьд ач холбогдол бүхий ялгаатай (x2=8.172; p=0.017) байсан бол нийгмийн (x2=2.74; p=0.254) ялгаварлан гадуурхалтанд өртсөн байдал нь хүйсийн хувьд ялгаагүй байв. Сэтгэл түгшилтийн илрэлийг нийгмийн (x2=19.47; p=0.003) ба өөрийн (x2=37.27; p=0.001) ялгаварлан гадуурхалтанд өртсөн байдлын түвшингээр харьцуулахад, статистик ач холбогдол бүхий ялгаатай байлаа. Дүгнэлт: COVID-19 өвчнөөр өвчлөгсөд нийгмийн болон өөрийн ялгаварлан гадуурхалтанд 98% өртсөн бөгөөд сэтгэл түгшилтийн илрэлийн түвшингээс хамааран нийгмийн (p=0.003) ба өөрийн (p=0.001) ялгаварлан гадуурхалтанд өртсөн байдал ач холбогдол бүхий ялгаатай тодорхойлогдсон боловч сэтгэл гутралын илрэлээс ялгаварлан гадуурхалтын хэлбэрүүд статистик ач холбогдол бүхий ялгаагүй илэрч байв.
Background: Stigma is when someone discriminates against a person by his/her illness and restricts or excludes his/her civil rights. Since becoming the pandemic around the world, stigma against people infected with the COVID-19 disease is taking many forms. We aimed to detect the anxiety and discrimination of infected people with COVID-19 disease. Materials and Methods: The study was conducted using a descriptive cross-actional design and a semi-structured online questionnaire. Results: Totally 265 patients aged 18-85, who were newly diagnosed with COVID-19 disease, were completed the survey questionnaire. 67.2% (n=178) were female, 71.3% had higher educated, and the average household income was 1.000.000-2.000.000 MNT. Anxiety (62.26%) and depression (66.42%) of the respondents were more assessed in female with higher levels than males (p≤0.005). Of the total respondents, 98% were discriminated against, 36% of those had a moderate, and 61.9% had a high level of self-stigma. There was a statistically significant difference (x2=8.172; p= 0.017) in which men were more likely to self-stigma than in women, and but there was no difference in gender for social-stigma (p= 0.254). The level of anxiety was statistically significant compared to the level of social (x2=19.47; p=0.003) and self-stigma (x2=37.27; p=0.001). But social & self-stigma no differences with statistically significant to comparing agegroup, marital status, personality types and depression level. Conclusion: 98% of people with COVID-19 had social and self-stigma. However the anxiety level was significantly different with the level of social (p=0.003) and self-stigma (p=0.001), but stigmatization types no significantly differences for depression level.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/589
Эшлэл
Б.Баттуяа, З.Хишигсүрэн, Д.Оюунсүрэн. COVID-19 өвчний үеийн ялгаварлан гадуурхалтыг сэтгэл түгшилт болон сэтгэл гутралын байдалтай харьцуулан судлах. Эрүүл мэндийн шинжлэх ухаан. 2022;18(1):257-260.