Loading...
Бамбайн эмгэгийн бус шалтгаант дааврын өөрчлөлтийг илрүүлсэн дүн
Зохиогч
Он
2022 оны зургаадугаар сарын 12
Төрөл
journal article
Journal
Эрүүл мэндийн шинжлэх ухаан
Volume
18
Issue
3
Start Page
26
End Page
28
ISSN
2959-6947
Хураангуй
Үндэслэл: Зарим эмгэгүүд, ялангуяа халдварт өвчний үед бамбайн эмгэгийн бус дааврын өөрчлөлт илэрдгийг Олон улсын эрүүл мэндийн байгууллагуудаас анхааруулсаар байна. Ялангуяа энэхүү түр зуурын өөрчлөлтийн үед хүчтэй эмүүдийг хэрэглэхээс татгалзаж хянах талаарх зөвлөмжийг бий болгох шаардлагатай байна. Зорилго: Ковид-19-ийн халдварын үед тохиолдох бамбайн эмгэгийн ба эмгэгийн бус шалтгаант бамбайн дааврын өөрчлөлтийг илрүүлэх. Арга, аргачлал: Судалгааг агшингийн болон проспектив судалгааны аргаар хийж гүйцэтгэсэн. 2022 оны 03 сарын 04-ний өдрөөс 03 сарын 24-ний өдрийн хооронд Улсын Нэгдүгээр Төв Эмнэлгийн болон Халдварт Өвчин судлалын Үндэсний Төвийн Ковид-19 хэвтэн эмчлүүлэх тасагт эмчлүүлсэн 189 оролцогчийн мэдээлэлд дүн шинжилгээ хийж, өөрчлөлт бүхий оролцогчдыг 1 сар даган судалсан ба дагаж судалсан хугацаанд гарсан дааврын өөрчлөлт үр дүнг тооцсон. Үр дүн: Судалгаанд хамрагдсан хүмүүс (n=124) -ийн дундаж нас 51±17.3 ба 60.4% (n=75) нь эмэгтэй байв. Бамбайн дааврын өөрчлөлт нийт хүмүүсийн 40%-д илэрсэн. Ковидын хүндийн зэрэг нэмэгдэх тусам TSH дааврын хэмжээ буурах хандлагатай байна. Ковид-19 халдварын хүнд зэргийн үед TSH хэвийн лавлах хэмжээнээс буурсан хүний эзлэх хувь 40%, харин хүндэвтэр зэргийн үед 31.6% байв. Ямар нэг эмийн эмчилгээ хийгдээгүй 30 хоногийн дараах давтан шинжилгээгээр дааврын өөрчлөлттэй байсан хүмүүсийн 68% (n=33)-д TSH дааврын үзүүлэлт хэвийн хэмжээнд орсон байв. Дүгнэлт: 1. TSH дааврын өөрчлөлт нь Ковид-19-ийн хүндийн зэргийг таамаглах чухал үзүүлэлт болохоос гадна ковидын улмаас бамбайн эмгэгүүд элбэг тохиолдож байна. 2. Ковид-19 халдварын үед бамбайн эмгэгийн бус шалтгант TSH дааврын өөрчлөлт илэрч байгаа бөгөөд энэ үед антитиройд эм хэрэглэхээс татгалзаж 1 сарын хугацаанд хянах менежмент баримтлах нь илүү оновчтой байна.
Background: International health organizations continue to warn of non-thyroid hormonal changes in some diseases, especially infectious diseases. In particular, recommendations need to be made to control the use of strong drugs during these temporary changes. Objective: To detect thyroid abnormalities and non-pathological thyroid hormones that occur during Covid-19 infection. Materials and Methods: The study was conducted by cross-sectional nd prospective designs between March 4 and March 24, 2022. The data of 189 participants treated at the Covid-19 inpatient department of the First State Central Hospital and the National Center for Infectious Diseases were analyzed, and the participants with changes were followed for 1 month. Results: The mean age of the respondents (n=124) was 51±17.3 and 60.4% (n=75) were women. Thyroid hormone changes occur in 40% of the study population. As Covid’s severity increases, TSH levels tend to decrease. In severe cases of Covid-19, the proportion of people whose TSH was below normal was 40%, and in mild cases it was 31.6%. Repeated tests after 30 days of no treatment showed that 68% (n=33) of those with hormonal changes had normal TSH levels. Conclusions: TSH changes are an important indicator of the severity of Covid-19, and thyroid disorders are common due to Covid-19. Covid-19 infection is characterized by non-thyroid TSH hormone changes, in which case it is best to discontinue antithyroid medication and follow up with control for 1 month.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/629
Эшлэл
Д.Дариймаа, Т.Оюундарь, О.Баатархүү, Б.Оюунтөгс. Бамбайн эмгэгийн бус шалтгаант дааврын өөрчлөлтийг илрүүлсэн дүн. Эрүүл мэндийн шинжлэх ухаан. 2022;18(3):26-28.