Loading...
Соронзон резонанст томографийн T2, DWI, ADC дарааллуудаар умайн хүзүүний хорт хавдрыг оношлох асуудалд
Зохиогч
Он
2022 оны зургаадугаар сарын 12
Төрөл
journal article
Journal
Эрүүл мэндийн шинжлэх ухаан
Volume
18
Issue
3
Start Page
121
End Page
126
ISSN
2959-6947
Хураангуй
Үндэслэл: Манай улсад умайн хүзүүний хорт хавдар (УХХХ) нь эмэгтэйчүүдэд тохиолдох хавдрын дотор тархалтаараа элэгний хавдрын дараа буюу 2-рт ордог бөгөөд 2021 онд 312 шинэ тохиолдол бүртгэгдсэн нь өвчлөлийн хувьд 100 000 хүн амд 19.1 тохиолдож байна. Соронзон резонанст томографи (СРТ) нь УХХХ-ын байрлал, хэмжээ, тархалт болон ойролцоох эрхтэн дэхь нэвчилтийг үнэлэхэд харьцангуй мэдээлэл сайтай, эмчилгээний тактикийг боловсруулахад чухал ач холбогдолтой шинжилгээнүүдийн нэг юм. Манай орны хувьд УХХХ-н тохиолдол болон нас баралт өндөр, түүнчлэн УХХХ-ын дүрс оношилгоо, тэр дундаа СРТ-ийн оношилгооны талаар судалгааны ажил харьцангуй ховор байгаа нь уг судалгааг хийх үндэслэл болсон. Зорилго: СРТийн мэдрэг дарааллуудаар умайн хүзүүний хорт хавдрыг оношлох, хими-туяа хавсарсан эмчилгээ (ХТХЭ)-ний үр дүнг судлах. Арга, аргачлал: Бид 2018-2022 оны хооронд “Мед травма” эмнэлгийн Дүрс оношилгооны тасагт бага аарцгийн СРТ хийлгэсэн 155 үйлчлүүлэгчийн мэдээлэлд ретроспектив аргаар судалгаа хийсэн. Үр дүн: Судалгаанд 28-89 насны нийт 155 хүн хамрагдсан бөгөөд дундаж нас 52.66±12.06 жил байв. 58-аас дээш насны шинжлүүлэгч хамгийн их буюу 55%-ийг эзлэж байв. УХХХ-ын оношилгооны нарийвчлал Т2 дараалалд 72.9%, тодосгогч тарьсны дараах Т1 дараалалд 84.9%, Т2 болон тодосгогчтой Т1 дараалал хавсрахад 84.9%, Т2 болон нэвчилтээр жинэлэгдсэн дараалал (НДЖ)-уудыг хавсрахад 92.2% буюу хамгийн мэдрэг байлаа. Т2 болон НДЖ-г хавсруулан хэрэглэх нь статистик ач холбогдолтой буюу р утга <0.05 байв. УХХХ-тай шинжлүүлэгч ХТХЭ-д орж эмчилгээ үр дүнтэй хийгдсэн тохиолдолд илэрхий нэвчилтийн коэффициент (ИНК)-ийн тоон үзүүлэлт өсөж байсан бөгөөд энэ нь статистик ач холбогдолтой байлаа. ХТХЭ-нд үр дүн өгөөгүй тохиолдлуудын эмчилгээний өмнөх ба эмчилгээний дараах ИНК-ын дундаж нь ойролцоо байсан бөгөөд р утга<0.05 байв. Хавдрын ургалтын хэлбэр наснаас хамаарч байсан ба энэ нь статистикийн үнэн магадлалтай байлаа. Дүгнэлт: УХХХыг илрүүлэхэд СРТ-ийн Т2 болон НЖД-ыг хавсран хэрэглэхэд оношилгооны нарийвчлал 92.2% байна.СРТ-ийн ИНК-ийн тоон ба чанарын үзүүлэлт нь умайн хүзүүний хорт хавдрын ХТХЭ-ий үр дүнг үнэлэх гол шалгуур болж байна.
Background: Cervical carcinoma is the second most common cancer among women after liver cancer, with a prevalence of 19.1 cases per 100,000 people and 312 new registered cases as of 2021. Magnetic resonance imaging (MRI) is an important method for evaluating the location, size, extension of cervical carcinoma and infiltration in the nearby organ, as well as one of the best methods of examination for treatment planning. The reason for the choosing of the topic was based on the high incidence and mortality rate fo cervical cancer in the country, as well as the lack of reports on MRI imaging. Aim: To diagnose cervical cancer using MRI sensitive sequences and monitoring the results of CCRT (concurrent chemoradiation therapy). Materials and Methods: We conducted a retrospective study of 155 patients who underwent pelvic MRI at the Radiology Department of Med Trauma Hospital between 2018 and 2022. Results: A total of 155 people aged 28-89 were surveyed, with an average age of 52.66±12.06 years. Patients over the age of 58 accounted for the largest share, 55%. The diagnostic accuracy of MRI was 72.9% in the T2 sequence, 84.9% in the T1 sequence after contrast injection, 84.9% in the T2 and contrast T1 sequences, and 92.2% in the T2 and DWI sequences. The combined use of T2 and DWI was statistically significant, with a p value of <0.05. The number of ADC increased when CCRT was successfully performed in patients with cervical cancer, was statistically significant. The mean pre-CCRT and post-CCRT ADC values for those who did not respond to CCRT were similar, and the p value was <0.05. The type of tumor growth was age-dependent and was statistically significant. Conclusion: The combination T2/DWI sequences had an accuracy of 92.2% for cervical cancer diagnosis. The quantitative and qualitative values of ADC are the main criterias for indicating the effectiveness of CCRT on cervical cancer.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/650
Эшлэл
Д.Уян-Эгшиг, Г.Мэндсайхан, Д.Мөнхбаатар. Соронзон резонанст томографийн T2, DWI, ADC дарааллуудаар умайн хүзүүний хорт хавдрыг оношлох асуудалд. Эрүүл мэндийн шинжлэх ухаан. 2022;18(3):121-126.