Loading...
Мэргэжил хоорондын хамтран суралцахуйн үр нөлөөг олон мэргэжлийн багийн үнэлгээнд тулгуурлан цахим сургалтанд нэвтрүүлэн судалсан нь
Зохиогч
Он
2022 оны арван нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
18
Issue
4
Start Page
73
End Page
77
ISSN
2959-6947
Хураангуй
Үндэслэл: Хоёр ба түүнээс дээш мэргэжилтнүүд хамтран ажилласнаар чанартай тусламж үйлчилгээг үзүүлдэг4. Эмнэлгийн мэргэжилтнүүд хамтран ажиллахаас гадна үйлчлүүлэгч2,3,4, тэдгээрийн ар гэрийнхэнтэй хамтран ажилласнаар аюулгүй тусламж үйлчилгээг үзүүлэх нөхцлийг бүрдүүлдэг. Мэргэжил хоорондын хамтран суралцахуй нь оюутнуудын бусад мэргэжилтнүүдийн үүрэг оролцооны талаарх ойлголтыг дээшлүүлж, бүлгийн ажилд тэгш оролцох боломжийг бүрдүүлж, баг доторх мэргэжил бүрийн үүрэг хариуцлагыг ухамсарлаж, улмаар илүү сайн хамтын ажиллагаа, эрүүл мэндийн тусламж үйлчилгээ үзүүлэхэд чухал үүрэг гүйцэтгэсэн нь тодорхойлогдсон ба багт суурилсан сургалт нь мэргэжлийн хамтын ажиллагааны талаарх ойлголт, хандлагад үнэтэй өөрчлөлт оруулдаг болохыг тогтоожээ4,5,6,7. Зорилго: Эмнэл зүйн тохиолдолд суурилан асуудлыг шийдвэрлэх явцад олон мэргэжлийн багийн оюутнуудын хамтын ажиллагааны байдлыг судлах. Арга, аргачлал: Судалгааны өгөгдлийг хүчин зүйлийн анализын аргаар үр дүнгийн боловсруулалт хийсэн. Судалгаанд эх баригч, сувилагч, эмчийн ангид суралцаж буй оюутнуудыг тус тус олон мэргэжлийн багийн туршилтын бүлэгт хамруулсан. Үр дүн: Судалгаанд нийт 4 мэргэжлийн оюутны төлөөлөл цахим сургалтанд хамрагдан нийт туршилтын 3 бүлэг, хяналтын 3 бүлэг, уламжлалт сургалтын 1 бүлэг мэргэжил хоорондын хамтын ажиллагаанд оролцож хамтран суралцсан байна. цахим сургалтанд оролцсон бүх мэргэжлийн түвшинд хүчин зүйлд хандах хандлага эерэг байна. Бүлгүүдэд сургалтын үр Бүлгүүдэд сургалтын үр нөлөөг paired t test –ээр үзэхэд t-3.6, Р≤.05 байна. Хувьсагч хоорондын хүчин зүйлийн хамаарал хүчтэй хамааралтай байна. Дүгнэлт: 1. Туршилтын бүлэгт үзүүлэлтүүд эмч, сувилагч, эх баригч, эм зүйч нарын хамтын ажиллагаа харилцан хамаарал бүхий хүчин зүйлүүд тодорхойлогдсон байна. 2. Хүчин зүйлийн хамаарлаар хамтын ажиллагаа нь харилцах, туслах гэсэн хүчин зүйлтэй хамааралтай байна.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/694
Эшлэл
Б.Азжаргал, С.Оюунцэцэг, Н.Сүмбэрзул. Мэргэжил хоорондын хамтран суралцахуйн үр нөлөөг олон мэргэжлийн багийн үнэлгээнд тулгуурлан цахим сургалтанд нэвтрүүлэн судалсан нь. Эрүүл мэндийн шинжлэх ухаан. 2022;18(4):73-77.