Loading...
Чихрийн шижин оношлогдсон хүмүүст натри хөөгч пептидийн сорилоор зүрхний дутагдлыг илрүүлэх нь
Зохиогч
Он
2022 оны арван хоёрдугаар сарын 26
Төрөл
journal article
Journal
Эрүүл мэндийн шинжлэх ухаан
Volume
18
Issue
7
Start Page
80
End Page
83
ISSN
2959-6947
Хураангуй
Үндэслэл: Зүрхний дутагдлын голлох шалтгаан эрсдэлт хүчин зүйлсийн нэг нь чихрийн шижин (ЧШ) ба тархалт нь дэлхий дахинд жилээс жилд нэмэгдсээр байна. Сүүлийн жилүүдэд N-төгсгөлийн про-В төрлийн натриуретик пептид (NT-proBNP) дааврыг ашиглан ЧШ-тэй өвчтөнүүдэд зүрхний дутагдлыг илрүүлэх судалгаа нэлээдгүй хийгдсэн. Монгол Улсад ЧШ-ийн үед натри хөөгч пептид (NT-pro BNP)-д суурилан зүрх судасны эрсдэл,зүрхний дутагдлыг илрүүлэх судалгааны ажил хараахан хийгдээгүй байна. Зорилго: Чихрийн шижинтэй хүмүүст зүрх судасны эмгэгийн эрсдэл болон натри хөөгч пептидийн түвшинг тодорхойлж хамаарлыг судлах. Арга, аргачлал: Судалгаанд Улаанбаатар хотын 3 дүүргийн 70 хүнийг шалгуурын дагуу сонгон авч, зүрх судасны эрсдэлт хүчин зүйлсийг асуумжаар үнэлэн, антропометрийн хэмжилт хийж, өлөн үеийн цусны ийлдэст HbA1C, их нягтралтай липопротейн, нийт холестрол, зүрхний дутагдлын биомаркер (NT-proBNP) тодорхойлж, шээсний дэлгэрэнгүй шинжилгээ хийсэн. Зүрх судасны эрсдлийн түвшинг Шинэ-Зеландын ойрын 5 жилийн ЗСӨ-ний эрсдэлийн тооцоолуураар тооцоолсон. Үр дүн: Судалгаанд оролцсон 70 хүнд сийвэнгийн натри хөөгч пептидийг Getein 1100 иммунофлуоресцентийн тоон анализаторын аппаратаар тодорхойлоход 9 тохиолдолд буюу 12.8%-д сийвэнгийн натри хөөгч пептид 125 пг/мл-ээс өндөр буюу эерэг тодорхойлогдсон. Судалгаанд оролцогсдод ойрын 5 жилийн ЗСӨ-ний эрсдэлийг үнэлэхэд 15.7% (11) маш бага эрсдэлтэй, 22.8% (16) бага эрсдэлтэй, 24.2% (17) дунд эрсдэлтэй, 22.8% (16) өндөр эрсдэлтэй, 14.2% (10) маш өндөр эрсдэлтэй байв. ҮЗСӨ-ний дунд эрсдэлтэй хүмүүсийн 17.6%(n=3), өндөр эрсдэлтэй хүмүүсийн 12.5%(n=2), маш өндөр эрсдэлтэй хүмүүсийн 40% (n=4)-д натри хөөгч пептид эерэг буюу эрсдлийн түвшин өндөр хүмүүст натри хөөгч пептидийн ихсэлт харьцангуй элбэг тохиолдож байна (p<0.05). Дүгнэлт: Зүрх судасны эрсдэлийн түвшин өндөр ЧШ-тэй хүмүүст натри хөөгч пептидийн ихсэлт харьцангуй элбэг тохиолдож байгаа нь статистикийн үнэн магадлалтай байна.
Background: One of the most significant risk factors for heart failure is diabetes, the prevalence of which is increasing year by year in worldwide. In recent years, studies have been conducted using N-terminal pro-B-type natriuretic peptide (NT-proBNP) to detect heart failure in patients with type 2 diabetes. However, in Mongolia, there has not been research on the detection of cardiovascular risk and heart failure based on the natriuretic peptide (NT-pro BNP). Aim: We aimed to identify the natriuretic peptide level and to assesscardiovascular risk inpatients with diabetes. Materials and Methods: In the current study, 70 individuals from 3 districtsin Ulaanbaatar city were selected according to inclusion criteria, cardiovascular risk factors were evaluated by questionnaire, anthropometric measurements were taken, HbA1C, high-density lipoprotein, total cholesterol, heart failure biomarker (NT-proBNP) were determined in fasting blood serum, and detailed urine analysis was performed. Participants were then assessed for CVD risk using the New Zealand 5-Year CVD Risk Calculator. Results: In 70 individuals who participated in the study, serum natriuretic peptide was determined by Getein 1100 quantitative immunofluorescence analyzer, in 9 cases or 12.8%, serum natriuretic peptide was higher than 125 pg/ml or positive. When assessing the risk of CVD in the next 5 years among the participants, 15.7% (11), 22.8% (16), 24.2% (17), 22.8% (16), and 14.2% (10) were at very low, low, moderate, high and very high risk, respectively. Among them, 17.6% (n=3) of modetrate-risk individuals, 12.5% (n=2) of high risk individuals, and 40% (n=4) of very high-risk individuals were positive for natriuretic peptide suggests that the relative higher incidence of positive NT-proBNP in high CVD-risk diabetic patients. Conclusion: 12.8% of study participants diagnosed with DMtype 2 had a positive natriuretic peptide test. People at high or very high CVD risk in the next 5 years had positive natriuretic peptide levels. There is a higher incidence of positive NT-proBNP in high CVD-risk diabetic patients, shows that a significant association between CVD risk and NT-proBNP.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/765
Эшлэл
Б.Биндэръяа, Б.Бурмаа, Ө.Цолмон, Б.Оюунтөгс, Х.Чингэрэл. Чихрийн шижин оношлогдсон хүмүүст натри хөөгч пептидийн сорилоор зүрхний дутагдлыг илрүүлэх нь. Эрүүл мэндийн шинжлэх ухаан. 2022;18(7):80-83.