Loading...
Зүрхний шигдээсийн өвөрмөц хэлбэрийн (aVR-ST өргөгдсөн) эмнэлзүйн зарим онцлог, эмнэлгийн нас баралтыг судалсан нь
Зохиогч
Он
2023 оны хоёрдугаар сарын 16
Төрөл
journal article
Journal
Эрүүл мэндийн шинжлэх ухаан
Volume
19
Issue
1
Start Page
40
End Page
44
ISSN
2959-6947
Хураангуй
Үндэслэл: Зүрхний цочмог шигдээсийн (ЗЦШ) үед зүрхний цахилгаан бичлэгээр (ЗЦБ) aVR холболтонд ST сегмент өргөгдөх нь харьцангуй ховор тохиолдох хэдий ч, эмэлзүйн явц хүнд, титмийн олон судасны эмгэгтэй байх нь цөөнгүй1-3. Түүнчлэн, уг үзүүлэлт нь ЗЦШ-ийн эрт үеийн тавиланг таамаглах боломж олгодог хэмээн судлаачид тэмдэглэжээ4 Иймд aVR холболтонд ST сегмент өргөгдсөн ЗЦШ-тэй өвчтөнд эмнэлзүйн явц, титэм судасны эмгэгийн онцлог, тавилан, нас баралт зэргийг уялдуулан судлах шаардалагтай байгаа нь энэхүү судалгааг хийх үндэслэл боллоо. Зорилго: Зүрхний шигдээсийн өвөрмөц хэлбэрийн (aVR холболтонд ST сегмент өргөгдсөн) эмнэлзүйн зарим онцлог, эмнэлгийн нас баралтыг ЗЦБ-ийн aVR холболтонд ST сегмент өргөгдөөгүй зүрхний шигдээстэй харьцуулан судлах. Арга, аргачлал: Судалгааг аналитик судалгааны агшингийн загвараар, 2019 онд Улсын гуравдугаар төв эмнэлэгт (УГТЭ) ЗЦШ-ийн улмаас хэвтэн эмчлүүлэгсдийн өвчний түүхээс чанарын ба тоон үзүүлэлтийг (6 бүлэг, 79 асуулт/үзүүлэлт) цуглуулж гүйцэтгэв. Үр дүн: ЗЦБ-ийн aVR холболтонд ST сегмент өргөгдсөн ЗЦШ-ийн (aVR-STЗШ) эмнэлзүйн явц, титэм судасны эмгэгийн онцлог, эмнэлгийн нас баралтыг судлахаар 25-92 насны, нийт 554 эмчлүүлэгчийн 76.4% (n=423) эрэгтэйчүүд, ST өргөгдсөн зүрхний шигдээс (STЗШ) 75.1% (n=402), aVR-STЗШ-ийн 71 тохиолдол байв. Эмчлүүлэгчдийн ор хоног aVR холболтонд ST өргөгдөөгүй ЗЦШ-ийн (aVR-STгүйЗШ) бүлэгт 4.3±2.9 хоног, aVRSTЗШ-ийн бүлэгт 5.56±4.1 хоног байсан (p<0.001). Эмнэлэгт хэвтэх үед aVR-STЗШ бүлгийн амьсгалын тоо (АТ18.9±3.6) ба захын цусны хүчилтөрөгчийн ханамжийг (SpO2 92.3±7.8%) өргөгдөөгүй бүлэгтэй (АТ 18.1±1.7; SpO2 94.6±4.4%) харьцуулахад бодит ялгаатай тодорхойлогдов (АТ p<0.001; SpO2 p<0.001). Зүрхний цочмог дутагдлын хүнд зэрэг, зүрхний шок (Киллип IV зэрэг) нь aVR-STЗШ бүлгийн 25.7%-д, харин aVR өргөгдөөгүй бүлэгт 9.4% тус тус тогтоогджээ (p<0.001). Эмнэлэгт хэвтэх үед зүрх зогсоод, эргэж сэргэсэн эсэхийг харьцуулахад дээрх 2 бүлэгт 6% ба 1.7% байсан нь aVR-STЗШ-ийн бүлэгт илүү байгааг харуулж байна (р<0.03). Титмийн олон судасны гэмтэл aVR-STЗШийн бүлэгт илүү буюу 61.5%, харин aVR-STгүйЗШ-ийн бүлэгт 39.1% тогтоогдсон (p<0.001). Эмнэлгийн нас баралт ч мөн aVR-STЗШийн бүлэгт илүү өндөр 21.1% (aVR-STгүйЗШ: 8.6%) байв (p<0.001). Дүгнэлт: aVR-STЗШ нь олон судасны гэмтэлтэй, эмнэлзүйд хүнд явцтай явагдах ба улмаар зүрхний шок, эмнэлгийн нас баралт илүүтэй тохиолдож байна.
Background: ST segment elevation (STE) in aVR (STE-aVR) is a less recognized finding and its clinical course is more severe and has a fewer prevalence than other walls of myocardial infarction and gives anticipation of early prognosis in some published evidences. Aim: To study clinical characteristics and in-hospital mortality in STE-aVR among Mongolian patients with acute myocardial infarction. Materials and Methods: This cross sectional study is based on patient’s medical records which admitted to coronary care unit of Shastin central hospital, Mongolia in 2019. Results: Total 554 patients records with acute coronary syndrome and 76.4% (n=423) of them were male, 75.1% were STEMI and among those STE-aVR were n=71. Total hospital length in non STE-aVR and STE-aVR group was 4.3±2.9 vs 5.56±4.1, respectively (p<0.001). Respiratory rate (RR) and SpO2 at hospital admission between 2 groups was RR: 18.9±3.6 vs 18.1±1.7 (p<0.001); SpO2: 92.3±7.8% vs 94.6±4.4% (p<0.001). Killip IV class cardiogenic shock was more observed in STE-aVR group compared to control group (25.7% vs 9.4%, p<0.001). Early cardiac arrest was also more frequently observed in STE-aVR group (6% vs 1.7%, p<0.03). Prevalence of multiple vessel disease was higher in STEaVR group (61.5% vs 39.1% p<0.001). In-hospital mortality was significantly higher in STE-aVR group compared to non-STE-aVR group (21.1% vs 8.6%, p<0.001). Conclusion: According to our study results, STE-aVR acute coronary syndrome’s clinical course is more severe, frequency and prevalence of cardiogenic shock and multiple vessel disease is higher and has a higher in-hospital mortality compared to non-STE-aVR acute coronary syndrome.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/781
Эшлэл
Г.Мөнхтулга, Г.Мижидсүрэн, Л.Бямбацогт, О.Бадамсүрэн, Ц.Батзаяа, Д.Нарантуяа нар. Зүрхний шигдээсийн өвөрмөц хэлбэрийн (aVR-ST өргөгдсөн) эмнэлзүйн зарим онцлог, эмнэлгийн нас баралтыг судалсан нь. Эрүүл мэндийн шинжлэх ухаан. 2023;19(1):40-44.