Loading...
Улаанбаатар хотын үсчид, маникюрчид, шивээсчдийн дунд Гепатит B, C вирусийн тархалт тодорхойлох, мэдлэг, хандлага, дадлыг үнэлэх нь
Зохиогч
Он
2023 оны хоёрдугаар сарын 16
Төрөл
journal article
Journal
Эрүүл мэндийн шинжлэх ухаан
Volume
19
Issue
1
Start Page
102
End Page
105
ISSN
2959-6947
Хураангуй
Үндэслэл: Дэлхийн Эрүүл Мэндийн Байгууллагын тооцоолсноор дэлхий даяар 350 сая гепатит В вирус, 170 сая гепатит С вирус өвчлөлтэй байна. Манай улсад элэгний эст өмөнгийн шалтгааны 46% нь гепатитийн С вирус, 35% нь гепатитийн В вирус,14% нь В,С вирусийн хавсарсан халдвартай болохыг судалгаачид тогтоосон байна. Монгол улс 100,000 хүн амд ногдох элэгний эст өмөнгийн шалтгаант нас баралтаар дэлхийд 1-р байранд байгаа бөгөөд энэ нь дэлхийн дунджаас 8 дахин их бөгөөд манай улс Гепатит В вирусийн халдвар нутагшмал тархсан оронд тооцогддог.ГВВ болон ГСВ-н халдвар нь хөгжиж буй орнуудад үсчид, шивээсчид, маникюрч нарын мэргэжлээс шалтгаалах эрсдэлд хамаарч байна.Манай улсад үсчид, шивээсчид, маникюрч нарын дунд ГВВ болон ГСВ-ийн тархалт болон мэдлэг, хандлага, дадлын талаар хийгдсэн судалгааны ажил одоогоор үгүй байгаа нь энэхүү судалгааг хийх үндэслэл болсон. Зорилго: Улаанбаатар хотын үсчид, шивээсчид, маникюрч нарын дундах ГВВ, ГСВ-ийн тархалтын түвшинг тодорхойлж, мэдлэг, хандлага, дадлыг үнэлэх. Арга, аргачлал: Ажиглалт судалгааны нэг агшингийн загварыг ашиглан Үсчин, гоо сайханч, шивээсчний мэргэжлээр ажилладаг 361 хүнийг санамсаргүй түүврийн аргаар сонгон авч судалгаанд хамруулсан. Үр дүн: Судалгаанд оролцсон хүмүүсийн 84% нь эмэгтэй, 16% нь эрэгтэй байв.Тэдний 61% нь гараа зүсэх, шалбалах, хайчлах, зүүнд хатгуулах зэргээр эрсдэл бүхий гэмтэл авсан болох нь тодорхойлогдлоо.Оролцогчдын 52% нь урьд өмнө нь Гепатит В,С вирусийн шинжилгээ өгч байснаас 6% нь Гепатит вирусийн архаг халдвар оношлогдож хоол боловсруулах эмчийн хяналтанд байдаг байна. Шинжилгээгээр 8.6% HCV, 6.7% нь HbsAg халдвартай байв.Түүнчлэн Гепатит В вирусийн урьдчилан сэргийлэх вакцинд хамрагдсан хувь 17% эзэлж байв. ГВВ болон ГСВ нь вируст өвчин гэдгийг 68%, цусаар дамжих боломжтойг 76%, багаж хэрэгсэлээр дамжих боломжтойг 84%, элэгний хатуурал үүсгэдэг гэдгийг 69% нь мэддэг байна. Судалгаанд хамрагдагсдын нэг удаагийн хэрэгслийн хэрэглээ 77% байна. Дүгнэлт: Үсчид, гоо сайханчид, шивээсчдийн дунд ГВВ, ГСВ-н халдварын тархалт 15.3% байна. Үсчид, гоо сайханчид, шивээсчдийн дунд мэдлэг, дадал хангалттай байна.
Background: According to World Health Organization,350 million people worldwide are chronically infected with Hepatitis B virus and 170 million people are infected with Hepatitis C virus. Studies in Mongolia have shown that within the cause of hepatocyte carcinoma 45% is Hepatitis C, 35% is Hepatitis B and 14% is co-infections with Hepatitis B, C. Mongolia ranks first in the world in terms of death due to hepatocyte carcinoma per 100,000 population, which is 8 times higher than the world average, and is considered a country where Hepatitis B virus infection is endemic. Moreover, HBV and HCV infections have also been implicated as an occupational hazard of the barbers, beauticians and tattoo artists in developing countries. Data on the infection, knowledge, attitude and practice of barbers, beauticians and tattoo artists about HBV and HCV in Mongolia are lacking. Hence the study was aimed to investigate them. Materials and Methods: To estimate infection rate and to assess knowledge, attitude, practice among barbers, beauticians, and tattoo artists regarding Hepatitis B and Hepatitis C infection in Ulaanbaatar city of Mongolia. 361 people working as barbers, beauticians, and tattoo artists will be selected and subjected to the study by random sampling using a cross-sectional study of observational research. Results: 84% of participants are women,16% of participants are men.61% of them had some kind of risky injury by accidentally cutting, scratching their hands, or poking them with needles while working. Among the participants, 52% were tested for Hepatitis B and C viruses, and 6% were diagnosed with Hepatitis virus infection and are under the supervision of a gastroenterologist. Blood test showed that 8.6% of them were infected by HCV and 6.7% of them were infected by HBV.17% were vaccinated against Hepatitis B virus. Among participants, 68% of them knew that HBV and HCV are viral diseases, 76% of them knew that it can be transmitted through blood, 84% of them knew that it can be transmitted through unsterilized tools, 69% of them knew that it can cause cirrhosis and liver cirrhosis. The use of disinfection and disposable tools in barbershops and beauty salons is 77%. Conclusion: Infection rate of HBV and HCV among barbers, beauticians, and tattoo artists is 15.3%. Knowledge and practice of Hepatitis B and Hepatitis C infection among barbers, beauticians, and tattoo artists are sufÏcient.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/793
Эшлэл
Ж.Ариунтуяа, О.Баярсайхан, Д.Даваадорж. Улаанбаатар хотын үсчид, маникюрчид, шивээсчдийн дунд Гепатит B, C вирусийн тархалт тодорхойлох, мэдлэг, хандлага, дадлыг үнэлэх нь. Эрүүл мэндийн шинжлэх ухаан. 2023;19(1):102-105.