Loading...
Биеших эмгэгийн зүү эмчилгээний үр дүн: Системчилсэн тойм үнэлгээ
Зохиогч
Он
2023 оны хоёрдугаар сарын 16
Төрөл
journal article
Journal
Эрүүл мэндийн шинжлэх ухаан
Volume
19
Issue
1
Start Page
156
End Page
158
ISSN
2959-6947
Хураангуй
Үндэслэл: Олон улсад зүү эмчилгээг Биеших эмгэгт өргөн хэрэглэдэг болсонтой холбоотой анагаах ухааны цахим мэдээллийн сангуудад эмчилгээний үр дүнг үнэлсэн эмнэлзүйн судалгааны олон тооны ажлууд хэвлэгдэж байгаа тул тэдгээрийн системчилсэн тойм үнэлгээ хийх шаардлага гарч байна. Зорилго: Биеших эмгэгийн үеийн төрөл бүрийн өвдөлт, сэтгэл гутрал, сэтгэл түгшилд зүү эмчилгээний үр дүнг системчилсэн тойм үнэлгээний аргаар тооцох. Арга, аргачлал: Cochraine, Pubmed, Embase, CNKI, Wanfang мэдээллийн сангуудаас хайлт хийж, чанарын ба үр дүнгийн үнэлгээ хийсэн. Үр дүн: Бидний зорилгод нийцсэн системчилсэн тойм үнэлгээнд хамруулах чанарын шалгуурыг 15 эрдэм шинжилгээний өгүүлэл хангасан. Үүнээс хураангуйлж үзэхэд зүү эмчилгээ болон эмийн эмчилгээтэй хосолсон эсвэл зүү эмчилгээг дангаар нь эмийн эмчилгээтэй харьцуулсан судалгаа 2 бүлгийн хооронд ялгаатай гэсэн үр дүн гарсан. Мөн сувгийн гадна хатгах арга нь зүүний сүв дээр хатгах аргаас илүү үр дүнтэй байв. Зүү эмчилгээ дууссанаас 1-3 сарын дараах давтан үнэлгээгээр туршилтын бүлгийн үр дүн хэвээр буюу ялгаагүй тодорхойлогдсон байна. Дүгнэлт: 1. Эмнэлзүйн туршилт судалгааны арга аргачлал харилцан адилгүйгээс Биеших эмгэгийн зүү эмчилгээний үр дүнг батлах буюу үгүйсгэх боломжгүй байв. 2. Зүү эмчилгээ нь Биеших эмгэгийн үед илрэх олон төрлийн өвдөлтийг багасгах үйлдэлтэй байна. 3. Биеших эмгэгийн зүү эмчилгээ нь хавсран илэрх сэтгэл гутрал, сэтгэл түгшлийг бууруулж амьралыг чанарыг сайжруулах нөлөө үзүүлдэг байна.
Background: In recent years, researchers have conducted studies evaluating the effectiveness of acupuncture for Somatization disorders, and few clinical trials have been published in medical databases. Therefore, there is a need for a systematic review. Aim: To study the effectiveness of acupuncture for Somatization disorder. Materials and Methods: The Cochraine, Pubmed, Embase, CNKI and Sinomed were searched and reference list from relevant trials were reviewed. Results: Fifteen articles of different qualities met the inclusion criteria in our systematic review. There was a difference in the trial with acupuncture combined with drug therapy comparing drug trial. Also, extra-meridian needling was more effective than standard acupuncture treatment. Repeated evaluation 1-3 months shows the same or no difference in all trials. Because of different outcome assessments, there was not possible to make a meta-analysis. Conclusion: 1. It was not possible to confirm or deny the results of acupuncture for Somatization disorder due to differences in clinical trial research methods. 2. Acupuncture has been shown to reduce many types of pain associated with Somatization disorders. 3. Acupuncture for Somatization disorders has the effect of reducing concomitant depression and anxiety and improving the quality of life.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/805
Эшлэл
У.Номин-Эрдэнэ, Б.Лагшмаа, В.Энхтуяа, Г.Батбаатар. Биеших эмгэгийн зүү эмчилгээний үр дүн: Системчилсэн тойм үнэлгээ. Эрүүл мэндийн шинжлэх ухаан. 2023;19(1):156-158.