Loading...
“Фитонефро-САН” бэлдмэлийн найрлага дахь ургамлын түүхий эдийн чанарын зарим үзүүлэлт
Зохиогч
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
171
End Page
176
ISSN
2959-6947
Хураангуй
Үндэслэл: Монгол улсад 2021 оны байдлаар хүн амын өвчлөлийн тэргүүлэх шалтгаанд шээс, бэлгийн тогтолцооны өвчлөл дөрөвдүгээрт орж байна. Тухайлбал: 10000 хүн амд ногдох шээс, бэлгийн тогтолцооны өвчин Улаанбаатар хотод 670, орон нутагт 693 ногдож байна. Шээс, бэлгийн тогтолцооны өвчнүүдийн бүтцийг харахад 2021 онд бөөрний сувганцрын өвчнүүд 44 хувь, бөөрний түүдгэнцрийн өвчнүүд 2.6 хувь, бөөрний дутмагшил 2.9 хувь, бөөр чулуужих өвчин 2.1 хувьтай байна. Ургамлын гаралтай эмийн эрүүл мэндэд үзүүлж байгаа ашиг тусыг уламжлалт анагаах ухааны салбарт хэдэн мянган жил ашиглаж байна. Орчин үед эмийн хүртээмж хязгаарлагдмал, хөгжиж буй орнуудад ургамлын гаралтай эм нь эрүүл мэндийн тусламж үйлчилгээ үзүүлэхэд чухал үүрэг гүйцэтгэсээр байна. Бөөр хамгаалах үйлдэлтэй Сөөгөн боролзгоно (Dasiphora fruticosa L.), Артишок (Cynara scolymus L.), Өргөст нохойн хошуу (Rosa acicularis L.) найрлага бүхий “ФитонефроСАН” бэлдмэлийг гарган авахын тулд бэлдмэлийн найрлага дахь ургамлын түүхий эдийн чанарын үзүүлэлтүүдийг тодорхойлсноор аюулгүй чанарын баталгаатай бэлдмэлийг эмчилгээний практикт нэвтрүүлэх ач холбогдолтой тул уг судалгааг хийх үндэслэл боллоо. Зорилго: “Фитонефро-САН” бэлдмэлийн найрлага дахь ургамлын түүхий эдийн чанарын үзүүлэлтүүдийг тодорхойлох. Арга, аргачлал: Энэхүү судалгааг АШУҮИС-ийн Эм зүйн сургууль, Эм шинжилгээний итгэмжлэгдсэн лаборатори, Эм зохион бүтээх лаборатори, ЭЭХХЗГын Үндэсний Лавлагаа Лаборатори, ШУА-ын Ботаникийн хүрээлэнг түшиглэн 2022 оны 7 сараас 2023 оны 4 сарын хооронд хийж гүйцэтгэв. Сөөгөн боролзгоно ургамлын түүхий эдийн чанарыг MNS 5997:2009 “Сөөгөн боролзгоны цэцэг ба навч”, Артишок ургамлын түүхий эдийн чанарыг MNS 6502:2015 “Таримал Гэрийн заруул /Артишок/-ын навч”, Өргөст нохойн хошуу ургамлын түүхий эдийн чанарыг MNS 0527:2014 “Нохойн хошууны жимсийг түүх, хатаах, тээвэрлэх” болон МУҮФ 2011 аргачлалын дагуу тодорхойлсон. Үр дүн: Сөөгөн боролзгоно ургамлын түүхий эдийн чийглэг 7.30±0.47%, хар тугалга 1.54±0.27%, кадми 0.18±0.47%, органик хольц, эрдэс хольц, ялзарсан хөгцөрсөн ба хортон шавжид идэгдсэн хэсэг илрээгүй, таних урвалаар флавоноид илэрсэн, нийлбэр флавоноид 18.30±0.42%, микробиологийн үзүүлэлтүүд (Агаартан бактери 1г дээжинд 107 КҮН-с ихгүй, Хөгц мөөгөнцөр 1г дээжинд 10 КҮН-с ихгүй, Escherichia coli 1г дээжинд 102 КҮН-с ихгүй, Salmonella илрээгүй) шаардлага хангасан. Артишокын түүхий эдийн чийглэг 5.34±0.08%, хар тугалга 1.91±0.13%, кадми 0.004±0.0008%, эрдэс хольц, ялзарсан хөгцөрсөн ба хортон шавжид идэгдсэн хэсэг илрээгүй, таних урвалаар цинарин илэрсэн, цинарин 0.31±0.03%, микробиологийн үзүүлэлтүүд (Агаартан бактери 1г дээжинд 107 КҮН-с ихгүй, Хөгц мөөгөнцөр 1г дээжинд 105 КҮН-с ихгүй, Escherichia coli 1г дээжинд 102 КҮН-с ихгүй, Salmonella илрээгүй) шаардлага хангасан. Нохойн хошууны түүхий эдийн чийглэг 9.63±0.35%, органик хольц илрээгүй, эрдэс хольц 0.18%, Витамин С 0.0224±0.0003%, микробиологийн үзүүлэлтүүд (Агаартан бактери 1г дээжинд 107 КҮН-с ихгүй, Хөгц мөөгөнцөр 1г дээжинд 105 КҮН-с ихгүй, Escherichia coli 1г дээжинд 102 КҮН-с ихгүй, Salmonella илрээгүй) шаардлага хангасан. Дүгнэлт: “Фитонефро-САН” бэлдмэлийн найрлага дахь ургамлын түүхий эдүүд нь чанарын шаардлага хангаж байна. Сөөгөн боролзгоно Артишок, Нохойн хошуу Түүхий эд Чанарын үзүүлэлт
Background: Urinary system diseases are the fourth leading cause of diseases among the population in Mongolia in 2021. For example, per 10,000 population, urinary and genital diseases are 670 in cities and 693 in the provinces. The structure of diseases of the urinary and reproductive system, in 2021, 44 percent of renal tubular diseases, 2.6 percent of renal cysts, 2.9 percent of kidney failure, and 2.1 percent of nephrolithiasis. Kidney related deaths rank 13th in the world, and the number of deaths increased from 813,000 in 2000 to 1.3 million in 2019. The quality standardization of medicinal plant raw material is crucial for the proper selection of medicinal plant raw materials for the production of highly active, domestic herbal medicine “Phytonephro-SAN” preparation. Aim: Determine some requirements of the quality of plant raw materials in the composition of “Phytonephro-SAN” preparation Materials and Methods: The quality standardization of raw materials of Dasiphora frutocosa L. determined according to MNS 5997:2009 “Flowers and leaves of Dasiphora fruticosa L.”, the quality standardization of raw materials of Artichoke determined according to MNS 6502:2015 “Cultivated Artichoke”, the quality standardization of raw materials of Rosa acicularis L. determined according to MNS 0527:2014 “Harvesting, drying and transportation of Rosa acicularis L.” and Mongolian National Pharmacopeia 2011 methodology. Results: The moisture of the raw material of the Dasiphora fruticosa L. was 7.30±0.47%, the content of lead was 1.54±0.27%, cadmium was 0.18±0.47%, organic impurities, mineral impurities are not detected, yellow spot detected by the identification reaction, total flavonoid was 18.30±0.42%, microbial test (Total number of aerobic bacteria, Number of molds, Enterobacter, Salmonella) are qualified. The moisture of artichoke raw material was 5.34±0.08%, lead was 1.91±0.13%, cadmium was 0.004±0.0008%, mineral impurities were not detected, brown spot detected by identification reaction, cynarin 0.31±0.03%, microbial test (Total number of aerobic bacteria, Number of molds, Enterobacter, Salmonella) are qualified. The moisture of the raw material of Rosa acicularis L. was 9.63±0.35%, organic impurities are not detected, mineral impurities was 0.18%, Vitamin C was 0.0224±0.0003%, and the microbial test (Total number of aerobic bacteria, Number of molds, Enterobacter, Salmonella) met the requirements. Conclusion: The plant raw materials in the composition of “Phytonephro-SAN” preparation meet the quality requirements.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/862
Эшлэл
И.Ануужин, Д.Даваадагва, Ч.Ерөөлт, Б.Тунгалаг. “Фитонефро-САН” бэлдмэлийн найрлага дахь ургамлын түүхий эдийн чанарын зарим үзүүлэлт. Эрүүл мэндийн шинжлэх ухаан. 2023;19(3):171-176.