Loading...
Чамархайн эпилепсийн үеийн танин мэдэхүйн бууралт, нөлөөлөх зарим хүчин зүйлийг судалсан дүн
Зохиогч
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
190
End Page
195
ISSN
2959-6947
Хураангуй
Үндэслэл: Эпилепсийн эмнэлзүйн хэлбэрүүдээс хэсэгчилсэн эпилепси 60%, үүнээс чамархайн эпилепси 40%-ийг эзэлдэг болохыг судлаачид тэмдэглэжээ.1 Эпилепсийн үед танин мэдэхүй, хэл яриа, анхаарал, гүйцэтгэх үйл, ойн алдагдал түгээмэл илэрдэг. Аль ч хэлбэрийн эпилепсийн үндсэн шинж тэмдэг нь уналт таталт бөгөөд уналтын эсрэг эм удаан хэрэглэх, уналтын давтамж ихсэхийн хэрээр ой тогтоолт, танин мэдэхүй, өдөр тутмын өөртөө үйлчлэх чадвар буурах, амьдралын явцад эзэмшсэн мэдлэг, чадвар, туршлагаа алдан улмаар зан төрхийн өөрчлөлт үүсэх нөхцөл бүрддэг байна.2 Зорилго: Эпилепсийн үеийн зан төрхийн өөрчлөлт, танин мэдэхүйн бууралт, түүний онцлог шинж, танин мэдэхүйн бууралтанд нөлөөлөх эрсдэлт хүчин зүйлсийг судлах. Aрга, аргачлал: Бид энэхүү судалгааг нэг агшингийн загвараар СЭМҮТийн хяналтны 337 эпилепситэй үйлчлүүлэгчдийн уналтын ерөнхий хэв шинж, зан төрхийн өөрчлөлт, түүнээс чамархайн эпилепситэй 50 үйлчлүүлэгчийн уналтын талаарх мэдээлэл, танин мэдэхүйн бууралтыг судлах асуумжийн дагуу хийж гүйцэтгэсэн. Үр дүн: Судалгаанд тархины цахилгаан бичлэгийн шинжилгээнд эпилепсийн идэвхижил чамархайн холболтод илэрч буйг үндэслэл болгон түүвэрлэхэд нийт 460 үйлчлүүлэгчээс 50 (10.8%) нь судалгаанд хамрагдах шалгуурыг хангасан. Судалгаанд хамрагдагсдын дундаж нас 43.78±8.20 жил, уналт эхэлсэн дундаж нас 14.54±9.48 жил, хүйсийн хувьд 26 (52%) нь эрэгтэй, 24 (48%) нь эмэгтэй байв. Танин мэдэхүйн өөрчлөлтөөс ой тогтоолт буурах (66%), анхаарал төвлөрөлт буурах (52%) шинжүүд илүүтэй илэрч байсан ба ой тогтоолт муудахад нөлөөлөх хүчин зүйлсийг судлахад нас нэгээр нэмэгдэхэд ой тогтоолт муудах эрсдэл 1.31%-иар ихэсч байв (P=0.04). Дүгнэлт: Чамархайн эпилепсийн үед танин мэдэхүйн бууралт зонхилон тохиолдох ба ой тогтоолт буурах (66%), анхаарал төвлөрөлт буурах (52%) шинжүүд илүү давамгайлж, ой тогтоолт муудахад үйлчлүүлэгчийн нас гол нөлөөтэй байгаа нь тодорхойлогдов. Мөн уналтын давтамж олон байх нь зан төрхийн өөрчлөлт үүсгэх эрсдэлт хүчин зүйл болж байна.
Background: Among the clinical forms of epilepsy 60% is focal epilepsy, 40% of them is temporal lobe epilepsy (TLE).1 Impairment of cognition such as language, attention, and executive function impairments and memory loss is the most common in epilepsy. Seizures are one of the main symptoms of any form of epilepsy and long-term use of anti-seizure medication and increased seizure frequency can lead to a decline in memory, cognition, daily self-care, and loss of knowledge, skills, and experience acquired throughout life furthermore this creates the conditions for behavior change.2 Aim: To determine behavioral changes and cognitive impairment of epilepsy and clinical characteristics, and risk factors affecting cognitive impairment. Materials and Methods: A cross-sectional study included general pattern and behavior change of epilepsy in 337 epileptic patients of the National Center of Mental Health, and 50 patients with temporal lobe epilepsy participated a questionnaire to determine general clinical information for seizures and cognitive impairment. Results: Based on the EEG and clinical manifestation, 50 (10.8%) patients participated in this study. The mean age of the respondents was 43.78±8.20 year, the mean age of onset of seizure was 14.54±9.47, and 26 (52%) were male and 24 (48%) were female. The common etiology was structure changes at 22%, meningitis at 18%, and unknown causes at 48%. The most common symptoms of cognitive changes were memory impairment (66%) and attention deficit (52%), with a risk of memory impairment increased by 1.31% with increasing age by one (P=0.04). Conclusion: In temporal lobe epilepsy, cognitive impairment is prevalent including memory impairment (66%) and attention deficit (52%) furthermore age of patient has major effect on memory impairment. In addition, high frequency of seizure is a risk factor for behavioral changes.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/866
Эшлэл
С.Өлзийзаяа, З.Хишигсүрэн, А.Товуудорж. Чамархайн эпилепсийн үеийн танин мэдэхүйн бууралт, нөлөөлөх зарим хүчин зүйлийг судалсан дүн. Эрүүл мэндийн шинжлэх ухаан. 2023;19(3):190-195.