Loading...
Арилжааны ам зайлагч уусмалын Aggregatibacter actinomycetemcomitans-ийн эсрэг идэвхийг тодорхойлсон дүн
Зохиогч
Он
2023 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
19
Issue
4
Start Page
12
End Page
15
ISSN
2959-6947
Хураангуй
Үндэслэл: Шүдний тулгуур эд болон холбоос эдийн үрэвсэл (ШТХЭҮ) нь түгээмэл тохиолддог ба олон хүчин зүйлийн нөлөөгөөр үүсэж буйл, түүшин яс, холбоос эд, ясжмаг эд бүхлээр гэмтэж шүд хөдөлгөөнд орсноор шүдгүйдэлд хүргэдэг. ШТХЭҮ-ийн эмгэгтөрөгчийн нэг болох Aggregatibacter actinomycetemcomitans нь лейкотоксин (ltxA)ыг нийлэгжүүлдэг, хоруу чанар ихтэй бактери юм. Манай оронд түгээмэл хэрэглэдэг ам зайлагч уусмалын A.аctinomycetemcomitans-ийн эсрэг идэвхийг тодорхойлсноор ШТХЭҮ-ийн үеийн эмчилгээний үр дүнг нэмэгдүүлэх мөн урьдчилан сэргийлэх ач холбогдолтой. Зорилго: Монгол оронд түгээмэл хэрэглэж буй ам зайлах арилжааны уусмалын A.actinomycetemcomitans ATCC 43718 стандарт омгийн эсрэг идэвхийг тодорхойлох. Арга, аргачлал: Бид энэхүү судалгааг Аналитик судалгааны агшингийн загварыг ашиглан A.actinomycetemcomitans ATCC 43718 стандарт омог болон спиртийн агууламжтай, ургамлын гаралтай болон хлоргексидинтэй гурван өөр төрлийн түгээмэл ашигладаг ам зайлагч уусмалыг сонгосон ба АШУҮИС-ийн Судалгааны ёс зүйн хяналтын хороо болон АШУҮИС-ийн МонголЯпон эмнэлгийн Эмнэлзүйн судалгааны дэд хорооноос зөвшөөрөл авч хийж гүйцэтгэлээ (№2023/3-01, №13). A.actinomycetemcomitans стандарт омгийг үйлдвэрлэгчийн зааврын дагуу сэргээж, антисептик уусмалын бактерийн эсрэг идэвхийг шөлөнд бичил шингэрүүлэлтийн шинжилгээгээр тодорхойлсон. Статистик боловсруулалтыг SPSS 22 программыг ашиглан боловсруулав. Үр дүн: A.actinomycetemcomitans ATCC 43718 стандарт омгийг үйлдвэрлэгчийн зааврын дагуу сэргээж цустай тэжээлт орчинд тунгалаг, гүдгэр, дугуй, наалдамхай, жижиг хэлбэртэй колони өсгөвөрлөсөн. Шөлөнд бичил шингэрүүлэтийн шинжилгээгээр дээр дурдсан ам зайлагчийг 1:4-1:128 шингэрүүлэхэд 15-30 секундэд бактерийн эсрэг идэвхи үзүүлж байгааг тогтоосон. Дүгнэлт: Aggregatibacter actinomycetemcomitans-ийн стандарт омгийн эсрэг түгээмэл хэрэглээний ам зайлагч уусмалын идэвх сайн боловч найрлагаас хамаарч харилцан адилгүй үр дүн үзүүлж байна.
Background: Periodontal disease is one of the most common dental diseases. It is caused by many factors and causes damage to the gums, periodontal bone, conjunctive tissue, and osseous tissue, resulting in tooth loss due to tooth movement. Aggregatibacter actinomycetemcomitans, one of the causative agents of periodontitis, is a highly virulent bacterium that synthesizes leukotoxin (ltxA). Determining the A. actinomycetemcomitans activity of commonly used in Mongolia mouthwash solution in our country is important to increase the therapeutic effect of periodontal disease and prevent it. Aim: To determine the activity of commercial mouthwash solutions commonly used in Mongolia against A. actinomycetemcomitans, ATCC 43718 strain. Materials and Methods: We used to study the A. actinomycetemcomitans ATCC 43718 strain and three different commonly used herbal and chlorhexidine mouthwash solutions with alcohol content. Ethical committee approval was obtained by protocol 2023/3-01. The A. actinomycetemcomitans strain was recultured according to the manufacturer’s instructions, and the antibacterial activity of the antiseptic solution was determined by broth microdilution assay. Statistical processing was done using “SPSS 17.0” software. Results: The A. actinomycetemcomitans ATCC 43718 strain was reconstituted according to the manufacturer’s instructions and cultured clear, convex, round, small adherent colonies in blood media. A broth microdilution assay showed that the above-mentioned mouthwash had antibacterial activity in 15–30 seconds at a 1:4–1:128 dilution. Conclusions: The activity of commonly used mouthwash solutions against standard strains of Aggregatibacter actinomycetemcomitans is acceptable, but results vary depending on the formulation.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/877
Эшлэл
Э.Амгаланзаяа, Д.Золзаяа, М.Соёлмаа, Ч.Баттогтох. Арилжааны ам зайлагч уусмалын Aggregatibacter actinomycetemcomitans-ийн эсрэг идэвхийг тодорхойлсон дүн. Эрүүл мэндийн шинжлэх ухаан. 2023;19(4):12-15.