Loading...
Бөөр, шээсний замын чулуу өвчтэй хүмүүст бөөрний гэмтлийн маркер KIM1 уургийг тодорхойлох нь
Зохиогч
Он
2023 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
19
Issue
4
Start Page
26
End Page
29
ISSN
2959-6947
Хураангуй
Үндэслэл: Сүүлийн үеийн олон судалгаануудаас харахад KIM1 (kidney injury molecule-1) уураг нь бөөрний хэвийн үйл ажиллагааны үед бөөрний проксимал гуурсан хоолойн хучуур эдийн эсүүдбага ялгардаг бөгөөд бөөрний цочмог болон архаг үрэвслийн (гэмтлийн) үед ихэсдэг байна. Түүнчлэн Гохан болон Мансур нарын хийсэн судалгаанаас харахад KIM1 уураг нь бөөрний чулууг оношлох, түүнчлэн бөөрний паренхимийн гэмтлийг тодорхойлоход чухал үүрэгтэй хэмээн үзжээ. Бөөрний чулуу нь бөөр шээс дамжуулах замын түгээмэл эмгэгүүдийн нэг бөгөөд сүүлийн жилүүдэд манай орон төдийгүй дэлхий даяр ихсэж байгаа өвчин юм. Судлаачдын үзэж байгаагаар KIM1 уураг нь бөөрний чулууг оношлоход ач холбогдолтой уураг байж болох юм хэмээн үзэж байна. Зорилго: Бөөр, шээсний замын чулуутай хүмүүст бөөрний үйл ажиллагааг үнэлж, бөөрний гэмтлийн маркер KIM1 уургийг тодорхойлох. Арга, аргачлал: Судалгааг УГТЭ-ийн Бөөрний мэс заслын тасагт хэвтэж эмчлүүлсэн бөөр, шээсний замын чулуу оноштой 45 өвчтөн болон харьцангуй эрүүл 45 хүнийг хамруулан,тохиолдол хяналтын судалгааны загвараар хийв.Судалгаанд хамрагдсан өвчтөнүүдэд биохимийн шинжилгээний креатинин, кали, кальци,шээг болон шээсний хүчил, аммони үзүүлэлтүүдийг тодорхойлов. KIM1 уургийг фермент холбоот эсрэгбиеийн урвалаар тодорхойлов. Үр дүн: KIM1 уургийн хэмжээ бөөрний чулуутай бүлэгт 366.0± 7.65 пг/мл, хяналтын бүлэгт 356.8±17.93 пг/мл байсан нь статистик ач холбогдол бүхий ялгаагүй байв (p>0.05). KIM1 уургийн хэмжээг бөөрний чулууны хэмжээтэй харьцуулан үзэхэд 10мм хүртэл хэмжээтэй бөөрний чулуутай хүмүүст 332.1±24.95 пг/мл, 10мм-ээс дээш хэмжээтэй хүмүүст 433.8± 64.32 пг/мл байсан нь статистик ач холбогдол бүхий ялгаатай байв (p<0.05). Дүгнэлт: Бөөрний чулуу өвчтэй хүмүүст уургийн солилцооны үзүүлэлтүүд болох шээсний хүчил, шээг, креатинин болон аммонийн түвшин өөрчлөгдсөн байна. KIM1 уургийн хэмжээ бөөрний чулуутай болон хяналтын бүлэг хооронд статистик ач холбогдол бүхий ялгаагүй, харин бөөрний чулууны хэмжээ нэмэгдэх тусам бөөрний гэмтлийн маркер KIM1 уургийн түвшин ихэсч байв.
Background: According to the recent studies have shown that the KIM1 (kidney injury molecule-1) protein is secreted on renal proximal tubule epithelial cells of normal kidney and increased during acute and chronic kidney injury. According to a study by Matsuura et al., this finding may pave a way towards identifying KIM1 as a prognostic marker for kidney stone and kidney injury. In our country, the number of cases of kidney stones has been increasing in recent years. According to the researchers, evaluate the role of KIM-1 as a screening marker of kidney stone.KIM1 molecule affect the formation of kidney stones, and in this study. Aim: To investigate the investigate kidney function of people with kidney and urinary tract stones and to determine the KIM1 protein, a marker of kidney damage. Materials and Methods: We designed the study as a case-control study and 45 patients in the control group, 45 people in the control group were involved to analyses potassium, uric acid, urea, creatinine and ammonium. Serum was separated and was used to measure serum electrolytes, urea/creatinine levels by automation and KIM-1 levels by sandwich ELISA. Results: The KIM1 molecule level was 366.0±27.65 pg/ml in the kidney stone group and 356.8±17.93 pg/mlin the control group. There were no statistically significant differences between the case and control groups. When comparing KIM1 protein level with kidney stone size, it was 332.1±24.95 pg/ml in group with kidney stones up to 10 mm and 433.8±64.32 pg/ml in group with kidney stones larger than 10 mm, which is statistically significant (p<0.05).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/880
Эшлэл
Б.Чинзориг, Ж.Мөнхцэцэг, Т.Буянхүү. Бөөр, шээсний замын чулуу өвчтэй хүмүүст бөөрний гэмтлийн маркер KIM1 уургийг тодорхойлох нь. Эрүүл мэндийн шинжлэх ухаан. 2023;19(4):26-29.