Loading...
Настнуудын бөөрний үйл ажиллагааны алдагдлыг Кокрофт-Голт тэгшитгэлээр үнэлэн эмийн хэрэглээтэй холбон судалсан дүн
Зохиогч
Он
2023 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
19
Issue
4
Start Page
82
End Page
87
ISSN
2959-6947
Хураангуй
Үндэслэл: Физиологийн хөгшрөлт болон хавсарсан архаг өвчинтэй холбоотой нас ахих тусам хүний бие махбодын бодисын солилцоо удааширч, бие махбодийн үйл ажиллагааны дасан зохицох чадвар болон дархлал буурах зэрэг эрхтэн тогтолцооны насны өөрчлөлтийн улмаас эмийн бодисийн шимэгдэлт, тархалт, хувиралт, ялгаралт зэрэг эмийг фармакокинетик өөрчлөгддөг. Түүдгэнцэрийн шүүлтүүрийн хурд (GFR) 10 жил тутамд дунджаар 8 мл/мин/1.73м2 хэмжээгээр буурдаг тул бөөрний үйл ажиллагаанаас хамааруулан эмийн тунг зохицуулах шаардлага үүсдэг. Настны эмийн хэрэглээг зөв зохистой аюулгүй байлгахын тулд нэн тэргүүнд тухайн үйлчлүүлэгчийн бөөрний үйл ажиллагааны алдагдлын зэргийг тодорхойлж эмийн зохимжит тунг тогтоох шаардлагатай байгаа нь энэхүү судалгааг хийх үндэслэл боллоо. Зорилго: Лавлагаа шатлалын эмнэлэгт хэвтэн эмчлүүлж буй настнуудын бөөрний үйл ажиллагааны алдагдлын зэргийг Кокрофт Голт тэгшитгэлээр үнэлж эмийн хэрэглээтэй холбон судлах. Арга, аргачлал: Бид санамсаргүй түүвэрийн аргаар 88 настныг сонгон авсан бөгөөд эмийн хэрэглээг 44 асуулт бүхий асуумж болон нэг агшингийн баримтанд суурилсан судалгааны аргаар хийсэн. Үр дүн: Кокрофт Голт-ийн тэгшитгэлийг ашиглан настнуудын бөөрний үйл ажиллагааны алдагдлын зэргийг тооцоход 39 (44.3%) нь I зэрэг, 20 (22.7%) нь II зэрэг, 19 (21.6%) нь III зэрэг, 6 (6.8%) нь IV зэрэг, 4 (4.5%) нь V дугаар зэргийн алдагдалтай. Ампициллин хэрэглэж буй настнуудын 71.4% нь I дүгээр зэрэг, 25.6% нь II ба түүнээс дээш зэрэг, цефтриаксон хэрэглэж буй настнуудын 38.5% нь I дүгээр зэрэг, 61.5% нь II ба түүнээс дээш зэрэг, цефотаксим хэрэглэж буй настнуудын 22.7% нь I дүгээр зэрэг, 77.3% нь II ба түүнээс дээш зэрэг, левофлаксацин, аспирин, кетотифин, лизиноприл болон амитриптилин хэрэглэж буй настнууд 100% II ба түүнээс дээш зэргийн бөөрний үйл ажиллагааны алдагладтай байсан бол ванкомицин хэрэглэж буй настнууд 100% I дүгээр зэргийн бөөрний үйл ажиллагааны алдагладтай байна. Настнуудын дунд бөөрний үйл ажиллагааны алдагдал түгээмэл байгааг эмийн тунгийн зохцуулалт хийх шаардлагатай байна. Дүгнэлт: 1. Лавлагаа шатлалын эмнэлэгт хэвтэн эмчлүүлж буй настнуудын бөөрний үйл ажиллагааны алдагдлын зэргийг тодорхойлоход 44.3% нь I дүгээр зэрэг, 55.7% нь II ба түүнээс дээш зэргийн бөөрний үйл ажиллагааны алдагдалтай байна. 2. Лавлагаа шатлалын эмнэлэгт хэвтэн эмчлүүлж буй настнуудын дийлэнх нь буюу 39.7% нь клопидогрел хэрэглэж байна. 3. Настнуудын эмэн эмчилгээг бөөрний үйл ажиллагааны алдагдлын зэргээр нь харьцуулан судлахад левофлаксацин, аспирин, кетотифин, лизиноприл болон амитриптилин хэрэглэж буй настнууд 100% II ба түүнээс дээш зэргийн бөөрний үйл ажиллагааны алдагладтай байна.
Background: With age associated with physiological aging and concomitant chronic diseases, the pharmacokinetics of drugs such as drug absorption, distribution, metabolism and excretion change due to age-related changes in organ systems such as slowing metabolism, adaptation of physical activity and immunodeficiency. Aim: To study the degree of kidney function loss in elderly patients in a reference level hospital by evaluating the Cockcroft-Golt equation in relation to the use of drugs. Materials and Methods. The sample filtration rate (GER) decreases every 10 years by an average of 8 ml/min/1.73m2, so there is a need to regulate the dose of the drug depending on kidney function. In order to ensure proper and safe administration of the drug for the elderly, the priority is to determine the degree of renal dysfunction of the client and determine the appropriate dosage of the drug. Results: 88-year-olds were selected using a randomized sample, and drug use was carried out using a 44-question questionnaire and a single snapshot fact-based survey. Using the Cockroft-Gault equation to calculate the degree of renal dysfunction in adults, 39 (44.3%) of the population lost their degree, 20 (22.7%) of the population lost their Degree, 19 (21.6%) of the population lost their degree, 6 (6.8%) of the population lost their degree, and 4 (4.5%) of the population lost their degree. The prevalence of kidney dysfunction among the elderly requires a dose correction of the drug. Conclusion: 1. Determining the degree of renal dysfunction of the elderly hospitalized in the reference level hospital, 44.3% have grade I and 55.7% have grade II or higher renal dysfunction. 2. 39.7% of the elderly hospitalized in the referral hospital are using clopidogrel. 3. When comparing the medical treatment of the elderly according to the degree of renal dysfunction, 100% of the elderly using levofloxacin, aspirin, ketotifin, lisinopril and amitriptyline have renal dysfunction of grade II or higher.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/890
Эшлэл
Б Дүүрэнжаргал, Ц.Тамираа, У.Нямдаваа, П.Цэдэн, Н.Халиун. Настнуудын бөөрний үйл ажиллагааны алдагдлыг Кокрофт-Голт тэгшитгэлээр үнэлэн эмийн хэрэглээтэй холбон судалсан дүн. Эрүүл мэндийн шинжлэх ухаан. 2023;19(4):82-87.