Loading...
Тусгай хүчний командлалын цэргийн алба хаагчдын дундах хеликобактерийн халдвар, ходоодны салстын эдийн шинжилгээний өөрчлөлтийг судалсан нь
Зохиогч
Я.Мөнх-Эрдэнэ
Он
2023 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
19
Issue
4
Start Page
110
End Page
113
ISSN
2959-6947
Хураангуй
Үндэслэл: Дэлхий дахинд жил бүр насанд хүрсэн нийт хүн амын 6-10% нь ходоод, дээд гэдэсний шархлаа өвчнөөр өвчилдөг ба 80% нь хеликобактерийн шалтгаантай гэдэг нь тогтоогдсон ба нийт хүн амын 50% нь хеликобактераар халдварлагдсан байна. Цэргийн алба хаагчдын амьдралын хэв маягаас шалтгаалан хоол боловсруулах эрхтэн тогтолцооны эмгэг нийтлэг тохиолддог бөгөөд нийт хүн амаас илүү ялгаатай өртдөг болохыг судлаачид тогтоосон байдаг. Монгол улсад энэ чиглэлээр судалсан судалгааны ажил цөөн байна. Зорилго: Тусгай хүчний командлалын цэргийн алба хаагчдын дундах хеликобактерийн халдварын тохиолдлыг уреазын түргэвчилсэн сорил, эдийн шинжилгээгээр тодорхойлж, ходоодны салстын өөрчлөлтийг үнэлэх. Арга, аргачлал: Судалгааг аналитик судалгааны агшингийн загвараар 2021 оны 04 дүгээр сарын 30-ны өдрөөс 2023 оны 01 дүгээр сарын 30-ны хооронд Монгол улсын Зэвсэгт хүчний тусгай хүчний командлалын цэргийн ангиудыг түшиглэн хийж гүйцэтгэв. Судалгааны мэдээ материалыг хоол боловсруулах дээд замын дурангийн шинжилгээ, лаборатори ба эдийн шинжилгээ, хоол боловсруулах замын өвчлөлийн эрсдэлт хүчин зүйлсийн асуумжаар цуглуулсан. Хеликобактерийн халдварыг дурангийн шинжилгээнд суурилж уреазын сорилоор тодорхойлсон. Ходоодны салстын эдийн эмгэг өөрчлөлтийг хоол боловсруулах дээд замын дурангийн шинжилгээ хийж, ходоодны 5 байрлалаас эдийн шинжилгээ авч үнэлсэн. Үр дүн: Судалгаанд 19-58 насны 116 цэргийн алба хаагч хамрагдсан бөгөөд оролцогчдын дундаж нас 33±7.9 жил, 73.3% (n=85) нь эрэгтэй албан хаагч байв. Уреазын түргэвчилсэн шинжилгээний дүнгээр 53.4%-д хеликобактерийн халдвар эерэг тодорхойлогдсон. Эдийн шинжилгээний дүнгээр нийт тохиолдлын 67.2%-д хеликобактерийн халдвар оношлогджээ. Хеликобактерийн халдвартай тохиолдлын 44.9% нь ходоодны салстын хатангиршил оношлогдсон байгаа нь халдваргүй алба хаагчдаас статистик ач холбогдол бүхий өндөр үзүүлэлт болж байв. Түүнчлэн ходоодны булчирхайн гэдэсжилт метаплази нь хеликобактерийн халдвартай тохиолдлын 46.2%-д илрэв (p=0.021). Дүгнэлт: Судалгаанд оролцсон алба хаагчдын дундах хеликобактерийн халдвар уреазын түргэвчилсэн сорилоор 53.4%-д эерэг, эдийн шинжилгээгээр 67.2%-д оношлогдсон нь энгийн хүн амын халдварын тархалтаас өндөр байна. Хеликобактерийн халдвартай цэргийн алба хаагчдын дунд ходоодны булчирхайн гэдэсжилт метаплази өөрчлөлтийн тархалт өндөр байв.
Background: Every year 6-10% of the adult population in the world suffer from stomach and upper intestinal ulcers and 80% are caused by H.pylori. 50% of the population is infected with H.pylori. Due to the lifestyle of military personnel digestive system disorders are common and different from the general population. There are few researches in this field in Mongolia. Aim: Determine the incidence of H.pylori infection among military personnel of the special military forces command by rapid urease test and tissue analysis and to evaluate pathological changes in the gastric mucosa. Materials and Methods: The survey was using an analytical research design. Between April 30, 2021 and January 30, 2023, it was carried out with the support of the military units of the special force command. Study data were collected through upper gastrointestinal endoscopy, laboratory and tissue tests, and gastrointestinal risk factor questionnaires. H. pylori infection was determined by endoscopic urease test. Pathological changes in the gastric mucosa were evaluated by endoscopic examination of the upper digestive tract and tissue analysis at 5 positions of the stomach. Results: The study included 116 military servicemen aged 19–58 years, the mean age of the participants was 33±7.9 years, and 73.3% (n=85) were male. H.pylori infection was determined positively in 53.4% of the results of the urease test. According to the results of tissue analysis, H.pylori infection was diagnosed in 67.2% of all cases. Gastric atrophy was diagnosed in 44.9% of H.pylori infected cases, which was statistically significantly higher than that of uninfected participants. In addition, intestinal epithelial changes were found in 46.2% of H.pylori infected cases (p=0.021). Conclusion: Among the population H.pylori infection more common in military personnel as compared to the civilians. The prevalence of gastric epithelial changes is high among military personnel infected with H.pylori.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/896
Эшлэл
Я.Мөнх-Эрдэнэ, Д.Даваадорж. Тусгай хүчний командлалын цэргийн алба хаагчдын дундах хеликобактерийн халдвар, ходоодны салстын эдийн шинжилгээний өөрчлөлтийг судалсан нь. Эрүүл мэндийн шинжлэх ухаан. 2023;19(4):110-113.