Loading...
Хийн өвчний үед хэрэглэсэн эмийн хэрэглээг Уламжлалт Анагаах Ухаан Технологийн Хүрээлэнгийн эмнэлгийн жишээ дээр судалсан дүн
Зохиогч
Б.Сийлэгмаа
Ч.Чимэдрагчаа
Б.Ууганбаяр
Н.Оюунцэцэг
Он
2023 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
19
Issue
4
Start Page
163
End Page
166
ISSN
2959-6947
Хураангуй
Үндэслэл: Монгол улсын “Эмийн бүртгэл”-д уламжлалт эм нь албан ёсоор бүртгэлтэй байдаг бөгөөд эдгээр эмийн эмнэлзүйн практикт хэрэглэж байгаа байдлыг хараахан судлаагүй байна. Иймд бид зонхилон тохиолдох өвчний нэг болох хийн өвчний үед хэрэглэж байгаа эмийн хэрэглээний байдлыг судлах шаардлага зүй ёсоор тавигдаж байна. Зорилго: Уламжлалт анагаах ухааны чиглэлээр үйл ажиллагаа явуулж буй УАУТХ-ийн эмнэлгийн хийн өвчний эмийн хэрэглээг судлах. Арга, аргачлал: Бид энэхүү судалгааг ретроспектив судалгааны аргаар баримтын загварыг ашиглан УАУТХ-ийн эмнэлэгт 2018-2020 оны хооронд хэвтэн эмчлүүлсэн үйлчлүүлэгчдийн өвчний түүхээс мэдээллийг цуглуулсан. Цуглуулсан мэдээллээ баримтын судалгааны арга, магадлан жагсаах аргуудаар судалж нэгтгэн, гарсан үр дүнгээ SPSS-25.0 программ ашиглан боловсруулалт хийсэн. Үр дүн: УАУТХийн эмнэлгээр хэвтэн эмчлүүлсэн нийт үйлчлүүлэгчдээс 2018 онд 6358аас 580 эмчлүүлэгч буюу 9.12%, 2019 онд 6610-аас 525 эмчлүүлэгч буюу 7.94%, 2020 онд 5938-аас 825 эмчлүүлэгч буюу 13.89% нь хийн өвчний оноштойгоор эмчлүүлсэн байна. Эдгээр хий өвчнийг дотор нь тавьсан оношоор ялгаж үзвэл 2018 онд 67.75%, 2019 онд 70.66%, 2020 онд 61.57% нь хий цусаар дээш хөөрөх оноштой эмчлүүлэгч байсан бол 2018 онд 27.93%, 2019 онд 23.61%, 2020 онд 30.18%нь хий долгисол, 2018 онд 3.96%, 2019 онд 6.66%, 2020 онд 7.15% нь тус тус нүүр нэг зүгт мурийх оноштойгоор эмчлүүлсэн байна. Тэдгээрт хийгдсэн эмийн эмчилгээнд дүн шинжилгээ хийж үзэхэд 2018-2020 оны хооронд Хий цусаар дээш хөөрөх оноштойгоор эмчлүүлсэн 1272 хүн байгаа бөгөөд Норов-7 танг 31.52%, Марчин-13 танг 30.18%, Агар-15 жорыг 26.17%, Сампилноров жорыг 21.77% бичсэн байна. Хий долгисол оноштойгоор эмчлүүлсэн 535 хүн байгаа бөгөөд Сорогзон-11 жорыг 33.83%, Сүгмэл-3 танг 32.71%, Агар-35 жорыг 26.91%, Норов-7 танг 26.54%, Нейровалин эмийг 21.68%, Сампилноров жорыг 20.56% тус тус бичигдсэн байна. Нүүр нэг зүгт мурийх оноштойгоор 117 хүн эмчлүүлсэн байгаа бөгөөд Норов-7 танг 50.42%, Сампилноров жорыг 42.73%, Шингүн-25 жорыг 38.46%, Агар-35 жорыг 32.47%, Гарьд-13 жорыг 30.76% тус тус бичсэн байна. Дүгнэлт: Уламжлалт анагаах ухаан, технологийн хүрээлэнгийн эмнэлэгт 2018-2020 оны хооронд хэвтэн эмчлүүлсэн үйлчлүүлэгчдийн 7.94-13.89% нь Хий цусаар дээш хөөрөх, Хий долгисол, Нүүр нэг зүгт мурийх гэсэн хийн өвчний оноштойгоор хэвтэн эмчлүүлсэн байгаа бөгөөд тэдгээр Марчин-13, Агар-15, Норов-7, Сампилноров жоруудыг хамгийн их хэрэглэсэн байна.
Background: Traditional medicines are ofÏcially registered in the “Register of drug” of Mongolia, and the usage of recipe in clinical practice has not yet been studied. Aim: To study and determine the use of drugs for wind diseases in the ITMT of hospital, working in the field of traditional recipe. Materials and Methods: The study was conducted using a case study method using a retrospective study method, and data were collected from the case histories of clients who were hospitalized at the ITMT of hospital in the period from 2018 to 2020. The information collected was analyzed and summarized by fact-finding methods and probability list methods and the results were processed using SPSS-25.0 software. Results: In 2018, 580 of 6358 patients or 9.12%, 525 of 6610 patients or 7.94% in 2019 and 825 of 5938 patients or 13.89% in 2020 were diagnosed with wind disease. If we distinguish these wind diseases by diagnosis, then in 2018 67.75%, in 2019 - 70.66%, in 202061.57% pathways where wind and blood run, and in 2018 - 27.93%, in 2019 - 23.61% and in 2020, 30.18% were diagnosed with agitation caused by wind, in 2018-3.96%, in 2019 - 6.66%, in 2020 - 7.15% were treated with a diagnosis of facial palsy. Analyzing the medical treatment carried out in them, from 2018 to 2020, 1272 people diagnosed with pathways where wind and blood run were treated, of which 31.52% prescribed Norov-7, 30.18% Marchin-13, 26.17% Agar-15 and 21.77% Sampilnorov. 535 people diagnosed with agitation caused by wind were treated, of which 33.83% were prescribed Sorogzon-11, 32.71% Sugmel-3, 26.91% Agar-35, 26.54% Norov-7, 21.68% Neurovalin and 20.56% of Sampilnorov. 117 people with a diagnosis of facial palsy were treated, 50.42% were prescribed Norov-7, 42.73%- Sampilnorov, 38.46% - Shingun-25, 32.47% - Agar-35, 30.76% - Gardi-13. Conclusion: In the period from 2018 to 2020, 10.31% of clients admitted to the ITMT hospital were hospitalized with a diagnosis of wind diseases a time. These were Marchin-13 and Agar-15, the most commonly used recipes were Norov-7 and Sampilnorov.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/906
Эшлэл
Б.Сийлэгмаа, Ч.Чимэдрагчаа, Б.Ууганбаяр, Н.Оюунцэцэг. Хийн өвчний үед хэрэглэсэн эмийн хэрэглээг Уламжлалт Анагаах Ухаан Технологийн Хүрээлэнгийн эмнэлгийн жишээ дээр судалсан дүн. Эрүүл мэндийн шинжлэх ухаан. 2023;19(4):163-166.