Loading...
Тамхины хэрэглээний түвшинг Шизофренитэй эмчлүүлэгчдийн дунд тодорхойлж түүнд нөлөөлөх эрсдэлт хүчин зүйлстэй уялдуулан судалсан дүн
Зохиогч
Он
2023 оны арван нэгдүгээр сарын 3
Төрөл
journal article
Journal
Эрүүл мэндийн шинжлэх ухаан
Volume
19
Issue
5
Start Page
82
End Page
86
ISSN
2959-6947
Хураангуй
Үндэслэл: Тамхи нь татах, зажлах, үнэрлэх зэргээр хэрэглэдэг, мансууруулах нөлөөтэй, хараат байдал үүсгэх чадалтай никотин хэмээх бодис агуулдаг.5 Тамхинд 5000 гаруй төрлийн химийн хорт бодис агуулагддаг бөгөөд үүний 250 орчим нь хорт хавдрын 60, хавдрын бус 48 төрлийн өвчнийг үүсгэдэг.6 Тамхи нь хэрэглэгчдийнхээ тал хувийг устгадаг бөгөөд ДЭМБ-ын тооцооллоор жил бүр 8 сая хүн тамхины хэрэглээний эмгэгээр, 1.2 сая хүн дам тамхидалтын улмаас, ам насаа алддаг байна.7 Олон улсад шизофренитэй эмчлүүлэгчдийн тамхины хэрэглээтэй холбоотой судалгаа олон байдаг ч манай улсад одоогоор уг сэдвээр судалгаа хийгдээгүй байгаа нь бидний судалгааны үндэслэл болж байна. Зорилго: Шизофренитэй эмчлүүлэгчдийн тамхины хэрэглээний түвшин, түүнд нөлөөлөх зарим хүчин зүйлсийг судлах. Арга, аргачлал: Судалгааг дискрептив судалгааны агшингийн загвараар, санамсаргүй түүврийн аргийг сонгон, асуумж судалгааны аргаар 2023 оны 3 дугаар сараас 2023 оны 8 дугаар сар хүртэлх хугацаанд СЭМҮТ-ийн амбулатори, клиникүүдийг түшиглэн хийсэн. Судалгаа хийх ёс зүйн зөвшөөрлийг АШУҮИС-ийн Судалгааны Ёс зүйн хяналтын хорооны 2023 оны 02 дугаар сарын 17 өдрийн хурлаар 2023-03-02 хэлэлцүүлж ёс зүйн зөвшөөрөл авсан ба эмчлүүлэгчдээс таниулсан зөвшөөрлийн хуудсаар дамжуулан зөвшөөрөл авч гарын үсгээр баталгаажуулан судалгааны картанд хавсаргасан. Судалгааны үзүүлэлтүүдийг Microsoft Word, Microsoft Excel программуудыг ашиглан график дүрслэл, хүснэгт хийж, STATA 14 программыг ашиглан тойм болон нарийвчилсан статистик боловсруулалт хийсэн. Үр дүн: Судалгаанд 18–79 насны нийт 209 шизофренитэй эмчлүүлэгч хамрагдсанаас хүйсийн хувьд 48.8% (n=102) эрэгтэй, 51.2% (n=107) эмэгтэй байв. Тамхи хэрэглэдэг шизофренитэй эмчлүүлэгчдийн 57.9% (n=121) нь тамхины хэрэглээтэй, 42.1% (n=88) нь тамхины хэрэглээгүй байгаа нь тус тус тодорхойлогдлоо. Тамхины нийт хэрэглээг хүн ам зүйн ерөнхий үзүүлэлттэй харьцуулаж үзэхэд нас (p=0.230), харъяалал (p=0.261), боловсрол (p=0.292), гэрлэсэн эсэх (p=0.553), гэртээ хэн хэнтэйгээ хамт амьдардаг эсэх (p=0.896), хаана амьдардаг эсэх (p=0.896), ажил эрхлэлтийн байдал (p=0.702), удам (p=0.942) зэрэг үзүүлэлт нь статистикийн хувьд (p=0) ач холбогдолгүй байсан бол хүйс (p=0.002) нь статистик ач холбогдол бүхий хамааралтай байв. Тамхи хэрэглэдэг эмчлүүлэгчдийн 36% (n=44) нь бүрэн дунд боловсролтой, 74% (n=90) нь ганц бие, 84% (n=102) нь хөдөлмөрийн чадвар алдалт тогтоогдсон, 34% (n=42) нь орон сууцанд, 33% (n=41) нь хашаа байшинд амьдардаг зэрэг үзүүлэлтүүд нь ихэнхи хувийг эзэлж байсан бол тамхи татаж эхэлсэн дундаж нас нь 22.9±10.4 жил, тамхи татсан хугацаа нь 19.9±12.3 жил байсан бөгөөд хоногт татдаг нийт тамхины тоо 16±14 ширхэгийн хооронд байгаа нь тус тус тодорхойлогдлоо. Дүгнэлт: Тамхи хэрэглэдэг шизофренитэй эмчлүүлэгчдийн никотины хамаарлын түвшин 30.5% нь маш бага, 19.8% нь бага зэрэг, 11.5% дунд зэрэг, 24.7% хамаарал ихтэй, 13.2% маш өндөр хамааралтай байна. Ихэвчлэн хэрэглэдэг тамхи нь их түвшний хортой байсан ба энэ нь хоногт хэрэглэх тамхины ширхэг болон никотины хамааралтай холбоотой байна. Тамхи татахад нөлөөлж буй хүчин зүйлс нь эцгийн тамхины хэрэглээ, мөн уг өвчнөөр өвчилснөөс хойш тамхи их хэрэглэж байгаа нь бусдыг даган дуурайж хэрэглэсэнтэй холбоотой байж болох юм.
Background: Cigarettes are used by smoking, chewing, and snifÏng, and contain a substance called nicotine, which has a narcotic effect and is capable of causing addiction.Cigarettes contain more than 5,000 types of toxic chemicals, of which about 250 cause 60 types of cancer and 48 types of non-cancer diseases. Tobacco kills half of its users, and according to WHO estimates, 8 million people die each year from tobacco use disorders, and 1.2 million people die from second-hand smoke. Internationally, there are many studies related to the use of tobacco by patients with schizophrenia, but the fact that there is no research on this topic in our country is the basis of our research. Aim: To study the level of tobacco use and some factors influencing it among patients with schizophrenia. Materials and Methods: The research was conducted using a descriptive survey model, random sampling method, and a questionnaire survey from March 2023 to August 2023 based on outpatient clinics and clinics of the National Health Service. Ethical permission to conduct research was discussed and ethical permission was obtained on 03-02-2023 at the meeting of the Research Ethics Control Committee of ASHUU on February 17, 2023, and the permission was obtained through the consent form identified by the therapists and attached to the research card. Research indicators were graphically represented and tabulated using Microsoft Word and Microsoft Excel programs, summary and detailed statistical processing was performed using STATA 14 software. Results: A total of 209 schizophrenic patients aged 18–79 years were included in the study, 48.8% (n=102) were male and 51.2% (n=107) were female. It was determined that 57.9% (n=121) of the schizophrenic patients who use tobacco use tobacco, and 42.1% (n=88) do not use tobacco. When comparing total smoking with general demographics, age (p=0.230), nationality (p=0.261), education (p=0.292), being married (p=0.553), and living with someone at home (p=0.896), where they live (p=0.896), employment status (p=0.702), and lineage (p=0.942) were not statistically significant (p=0), while gender (p=0.002) was statistically significant was related. 36% (n=44) of physicians who use tobacco have completed secondary education, 74% (n=90) are single, 84% (n=102) have been diagnosed with work disability, 34% (n=42) live in an apartment, 33% (n=41) lived in a shack, and the average age at which they started smoking was 22.9±10.4 years, the duration of smoking was 19.9±12.3 years, and the total number of cigarettes smoked per day was 16±14 between are determined respectively. Conclusions: Among schizophrenic patients who use cigarettes, the level of nicotine dependence is 30.5% very low, 19.8% low, 11.5% moderate, 24.7% high dependence, and 13.2% very high dependence. Commonly used cigarettes had high levels of toxicity, and this was related to the number of cigarettes consumed per day and nicotine dependence. Factors that contribute to smoking include father’s smoking, as well as increased smoking after developing the disease, which may be due to imitation.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/932
Эшлэл
Ж.Чимэгсайхан, М.Елик, З.Хишигсүрэн. Тамхины хэрэглээний түвшинг Шизофренитэй эмчлүүлэгчдийн дунд тодорхойлж түүнд нөлөөлөх эрсдэлт хүчин зүйлстэй уялдуулан судалсан дүн. Эрүүл мэндийн шинжлэх ухаан. 2023;19(5):82-86.