Loading...
Бүдүүн гэдэсний хорт хавдрын бай эмчилгээний үед цусны дэлгэрэнгүй шинжилгээний өөрчлөлтийг судалсан дүн
Зохиогч
Он
2024 оны нэгдүгээр сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
1
Start Page
26
End Page
30
ISSN
2959-6947
Хураангуй
Үндэслэл: Монгол улсад 2021 оны байдлаар хүн амын хорт хавдрын өвчлөлийн VI байрыг бүдүүн, шулуун гэдэсний хорт хавдар эзэлж байгаа бөгөөд жил бүр 250 гаруй шинэ тохиолдол бүртгэгдэж байна. Эдгээрийн 80 гаруй хувь нь хожуу үедээ оношлогдож байгаа талаар баримт байна1. Бүдүүн, шулуун гэдэсний хожуу шатны хорт хавдрын үндсэн эмчилгээний арга нь хими эмчилгээ юм. Монгол хүмүүст бай эмчилгээний гол төлөөлөгч болох бевацизумаб эмийг хими эмчилгээтэй хавсран хэрэглэх үед гаж нөлөөний нийтлэг шалгуур үзүүлэлт (CTCAE)-ийг ашиглан тооцсон судалгаа одоогоор хийгдээгүй байгаа нь энэхүү судалгааг хийх үндэслэл болсон. Зорилго: Бүдүүн, шулуун гэдэсний хожуу шатны хорт хавдартай өвчтөнд бевацизумаб эмийг хэрэглэсэн үед цусны дэлгэрэнгүй шинжилгээнд илэрсэн өөрчлөлтийг судлах. Арга, аргачлал: Энэхүү судалгааг бүдүүн, шулуун гэдэсний хожуу шатны хорт хавдартай өвчтөнүүдийн өвчний түүх, цусны дэлгэрэнгүй шинжилгээг ашиглан эмнэлзүйн тохиолдол-хяналтын судалгааны загварыг ашиглан гүйцэтгэв. Судалгаанд хамрагдагсадыг А бүлэг: FOLFIRI схемээр эмчилгээ хийлгэсэ, Б бүлэг: Бевацизумаб + FOLFIRI схемээр эмчилгээ хийлгэсэн бүлгүүдэд хувааж судалгааны үр дүнг тооцов. Үр дүн: Судалгаанд оролцогчдод цус багадалтыг гаж нөлөөний нийтлэг шалгуур үзүүлэлт (CTCAE)-ийг ашиглан үнэлэхэд судалгааны А ба Б бүлэгт I зэргийн цус багадалт 36.67% ба 27.42%, II зэргийн цус багадалт 1.67% ба 4.84%, III ба IV зэргийн цус багадалт зөвхөн Б бүлэгт 0.01% ба 3.23% (RR=0.83, 95% CI=0.64-1.08, p=0.17) тус тус илэрсэн багаа нь тодорхойлогдлоо. Судалгааны бүлгүүдийн хооронд тромбоцитопени ба нейтропени нь Б бүлэгт өндөр буюу статистикийн хувьд ач холбогдолтой (RR=1.21, 95%, CI=1.10-1.46, p=0.000) байлаа. Судалгаанд оролцогчдод хүнд зэргийн буюу III зэргийн тромбоцитопениг CTCAE шалгуур үзүүлэлтээр үнэлэхэд А ба Б бүлэгт 5% ба 11.29%, IV зэргийн тромбоцитопени 1.67% ба 6.45% тус тус илэрсэн. III зэргийн нейтропени А ба Б бүлэгт 3.33% ба 8.06%, IV зэргийн нейтропени 1.67% ба 12.90% тус тус тодорхойлогдсон. Дүгнэлт: 1. Бидний судалгаанд иринотекан ба флюроурацилд суурилсан стандарт хими эмчилгээ хийлгэсэн эмчлүүлэгчдэд хөнгөн зэргийн анеми, тромбоцитопени, нейтропени илэрч байна. 2. Бай эмчилгээ болох бевацизумабыг хими эмчилгээтэй хавсруулан хэрэглэх нь дан FOLFIRI схемийн эмчилгээтэй харьцуулахад хүнд зэргийн анеми, нейтропени болон тромбоцитопени үүсгэх нь харьцангуй өндөр тохиолдож байна.
Background: Colorectal cancer is the third most common cancer and the second leading cause of cancer death in the world. In 2021, colorectal cancer is the sixth most frequently diagnosed cancer and 278 new cases were registered in Mongolia. More than 80% of these diseases were diagnosed at a late stage1. Chemotherapy is the mainstay of treatment for late stage colorectal cancer. The reason for conducting this study is that no study has been conducted using Common Terminology Criteria for Adverse Events (CTCAE) when bevacizumab is used in combination with chemotherapy in Mongolian people. Aim: Comparison of blood parameters changes in patients with colorectal cancer treated with targeted therapy Materials and Methods: This study was performed retrospectively using a clinical case-control study design, using medical history and detailed blood analysis of patients with late-stage and metastatic colorectal cancer treated with FOLFIRI and A-FOLFIRI regimen. The results of the study were calculated by classifying the participants as follows: Group A: treated with FOLFIRI regimen, Group B: treated with Bevacizumab + FOLFIRI regimen Results: According to the CTCAE criteria, anemia was 61.67% and 62.90% in study groups A and B, grade I anemia was 36.67% and 27.42%, grade II anemia was 1.67% and 4.84%, grade III and grade IV anemia was found only in a group B, 3.23% (RR=0.83, 95% CI=0.64-1.08, p=0.17). Compared between the two study groups, thrombocytopenia and neutropenia were statistically significant (RR=1.21, 95%, CI=1.10-1.46, p=0.000) and higher in a group B. In the study participants, grade III thrombocytopenia was evaluated by CTCAE criteria in groups A and B, 5% and 11.29%, grade IV thrombocytopenia was 1.67% and 6.45%, respectively. Grade III neutropenia was in group A and B, 3.33% and 8.06%, grade IV neutropenia was 1.67% and 12.90%, respectively. Conclusion: In our study, mild anemia, thrombocytopenia, and neutropenia occurred in patients treated with standard chemotherapy based on irinotecan and fluorouracil. Adjunctive chemotherapy combined with bevacizumab (a targeted therapy), resulted in a significantly higher incidence of severe anemia, neutropenia, and thrombocytopenia compared with FOLFIRI regimen alone.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/961
Эшлэл
Ц.Учрал, Х.Ариунаа, М.Адилсайхан. Бүдүүн гэдэсний хорт хавдрын бай эмчилгээний үед цусны дэлгэрэнгүй шинжилгээний өөрчлөлтийг судалсан дүн. Эрүүл мэндийн шинжлэх ухаан. 2024;20(1):26-30.