Loading...
Тамирчдын стресс болон сэтгэл гутралын түвшнийг тодорхойлон, хамаарлыг судалсан дүн (Монгол улсын Зэвсэгт хүчний харьяа Алдар спорт хороо, Спортын төв ордон, Женко спорт клубийн тамирчдын жишээ дээр)
Зохиогч
Он
2024 оны нэгдүгээр сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
1
Start Page
85
End Page
89
ISSN
2959-6947
Хураангуй
Үндэслэл: Монгол улсын хувьд сэтгэц, зан үйлийн эмгэгийн тохиолдол 2000 онд 10.000 хүн амд 77.4, 2016 онд 109.5, 2019 онд 127.9 болж нэмэгджээ. Насны бүтцийн хувьд авч үзвэл 30-54 насны хүн амд хамгийн өндөр үзүүлэлттэй байгаа бөгөөд сүүлийн жилүүдэд хүүхэд, өсвөр насныхны өвчлөл ихсэх хандлагатай байна. Зорилго: Тамирчдын стресс, сэтгэл гутралын түвшин тогтоож, зарим хамаарлыг судлах. Арга, аргачлал: Бид 2023 оны 02 дугаар сараас 2023 оны 04 дүгээр сарын хооронд Монгол улсын Зэвсэгт хүчний харьяа Алдар спорт хороо, Спортын төв ордон, Женко спорт клубийн тамирчдаас санамсаргүй түүврийн аргаар, нэг агшингийн загвараар Этүгэн их сургуулийн ёс зүйн хорооны 2023 оны 03 дугаар сарын 22-ны өдрийн 2023/1-01 тоот зөвшөөрөлтэй таниулсан зөвшөөрлийн хуудсаар зөвшөөрөл авч, 119 тамирчдыг хамруулсан бөгөөд стрессийн түвшнийг SRQ-20 асуулга болон сэтгэл гутралын түвшнийг PHQ-9 асуулгаар судалгааг хийж гүйцэтгэв. Үр дүн: Судалгаанд 16-54 насны тамирчид хамрагдсан бөгөөд дундаж нас нь 22.68 жил байв. Хүйсийн хувьд авч үзвэл эрэгтэй 89 (74.79%), эмэгтэй 30 (25.21%) хүн, спортоор хичээллэсэн хугацаа дунджаар 5.48 жил байсан бөгөөд хамгийн бага нь 1 жил, их нь 18 жил тус тус байв. Судалгаанд оролцогчдын 75 (63.03%) стрессгүй, 44 (36.97%) стресстэй байгаа нь тодорхойлогдлоо. Судалгаанд оролцсон тамирчдын 11 (9.24%) нь хүнд зэргийн стресстэй, сэтгэл зүйн тулгамдсан асуудалтай байгаа бөгөөд сэтгэцийн эмчийн үзлэг, оношилгоо, сэтгэл зүйчийн зөвлөгөө шаардлагатай байна. Сэтгэл гутралын түвшингөөр авч үзвэл 37 (32.50%) нь эрүүл, 33 (27.5%) бага зэргийн сэтгэл гутралтай, 27 (22.69%) нь дунд зэргийн сэтгэл гутралтай, 16 (13.33%) нь дундаас их сэтгэл гутралтай багаа бол 6 (5%) хүнд хэлбэрийн сэтгэл гутралтай байв. Хүнд хэлбэрийн сэтгэл гутралтай тамирчдын 50% нь 4-6 жил спортоор хичээллэж байгаа тамирчин байв. Сэтгэл гутралын түвшин спортын зэргийн хувьд (Chi2=10.74) ялгаатай байгаа үр дүн дисперсийн шинжилгээгээр гарав. Сэтгэл гутралын тулгамдсан асуудал болон стрессийн оноо r=0.87 хүчтэй эерэг хамааралтай байв. Нэг хүчин зүйлийн шугаман регрессээр сэтгэл гутралын тулгамдсан асуудлын оноо нэгээр нэмэгдэхэд сэтгэл гутралын оноо 0.61 дахин нэмэгдэж байгаа нь (p=0.04) статистик ач холбогдолтой байв. Дүгнэлт: Судалгаанд оролцсон тамирчдын стресс болон сэтгэл гутралын тархалт харьцангуй өндөр байгаа нь нийгмийн харилцааны энгийн үйл ажиллагаа явуулах боломжгүй, амиа хорлох эрсдэлтэйг илтгэх тул цаашид гүнзгийрүүлэн судлах шаардлагатай болохыг харуулж байна. Сэтгэл гутралын тулгамдсан асуудал стрестэй хүчтэй шууд, сэтгэл гутралтай сул хамааралтай байгаа нь сэтгэл зүйн тулгамдсан асуудлыг эрт илрүүлж, цаг тухайд нь тохирсон арга хэмжээг авснаар сэтгэл гутрах эмгэгээс урьдчилан сэргийлэх боломжтой болохыг илтгэж байна.
Background: In Mongolia, the incidence of mental and behavioral disorders increased to 77.4 per 10,000 population in 2000, 109.5 in 2016, and 127.9 in 2019. In terms of age structure, the highest rate is in the population aged 30-54, and the incidence of children and adolescents has been increasing in recent years. Aim: To determine the level of stress and depression of athletes and to study some relationships. Methods and Methods: We randomly sampled athletes from the Aldar Sports Committee, Central Sports Palace, and Jenko Sports Club under the Armed Forces of Mongolia from February 2023 to April 2023 according to the Etugen University Ethics Committee No. 03, 2023. 119 athletes were included, and the stress level questionnaire SRQ-20 and depression level PHQ-9 questionnaire were completed. Results: Athletes between the ages of 16 and 54 were included in the study, with a mean age of 22.68 years. In terms of gender, there were 89 (74.79%) males and 30 (25.21%) females, and the average length of time they had practiced sports was 5.48 years, with a minimum of 1 year and a maximum of 18 years. It was determined that 75 (63.03%) of the participants were not stressed and 44 (36.97%) were stressed. 11 (9.24%) of the athletes who participated in the study had severe stress and psychological problems and needed psychiatric examination, diagnosis, and psychological counseling. Considering the level of depression, 37 (32.50%) were healthy, 33 (27.5%) had mild depression, 27 (22.69%) had moderate depression, 16 (13.33%) had moderate to severe depression, and 6 (5%)) had severe depression. 50% of the athletes with severe depression were athletes who had been participating in the sport for 4–6 years. The results of the analysis of variance showed that the level of depression is different according to the level of sports (Chi2=10.74). Depressive problems and stress scores were strongly positively correlated with r=0.87. In univariate linear regression, a one-fold increase in depression problem score was associated with a 0.61-fold increase in depression score (p=0.04), which was statistically significant. Conclusion: The relatively high prevalence of stress and depression among the athletes who participated in the study indicates the inability to perform simple social activities and the risk of suicide, so further in-depth research is necessary. Depressive problems are strongly directly related to stress and weakly related to depression, indicating that depression can be prevented by early detection of psychological problems and appropriate measures in time.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/972
Эшлэл
С.Пагмадулам, П.Батчулуун, З.Нандин-Эрдэнэ, Д.Цогзолмаа, М.Туул. Тамирчдын стресс болон сэтгэл гутралын түвшнийг тодорхойлон, хамаарлыг судалсан дүн (Монгол улсын Зэвсэгт хүчний харьяа Алдар спорт хороо, Спортын төв ордон, Женко спорт клубийн тамирчдын жишээ дээр). Эрүүл мэндийн шинжлэх ухаан. 2024;20(1):85-89.