Loading...
Улаанбатар хотын чихрийн шижинтэй хүмүүст хэрэглэж буй инсулины төрөл, гликемийн хяналтын байдлыг судалсан дүн
Зохиогч
Он
2024 оны нэгдүгээр сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
1
Start Page
113
End Page
116
ISSN
2959-6947
Хураангуй
Үндэслэл: Одоогоос 100-аад жилийн өмнө инсулин дааврыг нээсэн нь чихрийн шижин (ЧШ)-ийн тусламж үйлчилгээнд асар том ахиц дэвшлийг бий болгосон. Инсулин эмчилгээтэй өвчтнүүдэд гликемийн хяналт муу байх нь олон хүчин зүйлсээс хамаардгийн нэг нь инсулины төрөл юм. Дэлхийн өндөр хөгжилтэй улс орнуудын хувьд рекомбинант инсулины хэрэглээг бүрэн зогсоож, аналог инсулинд шилжээд байна. Манай улсын хувьд инсулин эмчилгээний төрөл, инсулин эмчилгээ хийгдэж буй өвчтнүүдийн гликемийн хяналтын талаар хийгдсэн судалгааны ажил ховор байгаа нь энэхүү судалгааг хийх үндэслэл боллоо. Зорилго: Чихрийн шижинтэй хүмүүст хэрэглэж буй инсулины төрөл, гликемийн хяналтыг судлан тогтоох гэх мэт. Арга, аргачлал: Бид энэхүү судалгааг эмнэлэгт суурилсан нэг агшингийн судалгааны загварыг ашиглан АШУҮИС-ийн Төв эмнэлэг болон Улаанбаатар хотын 6 дүүргийн дотоод шүүрлийн эмч нарын хяналтанд буй инсулин эмчилгээ хийгдэж буй ЧШ-тэй 18-65 насны 280 хүнийг хамруулсан. Судалгаанд оролцогчдоос 2 бүлэг 44 асуулттай асуумж авч, биемахбодийн хэмжилт хийсэн. Судалгааны статистик боловсруулалтыг SPSS-25 программ ашиглан, статистик ялгааг р<0.05 байгаа тохиолдолд статистик үнэн магадлалтай гэж тооцсон. Үр дүн: Судалгаанд хамрагдсан хүмүүсийн дундаж нас нь 54.3±12.9 жил ба эдгээрээс 46.8% (131) нь эрэгтэйчүүд байв. Чихрийн шижингийн үргэлжилсэн дундаж хугацаа 12.6±6.3 жил, инсулин эмчилгээнд хамрагдсан хугацаа 5.4±5.1 жил тус тус байв. Судалгаанд хамрагдагсдын 85% нь рекомбинант, 15% нь аналог инсулин хэрэглэж байгаа нь тодорхойлогдлоо. Гликемийн хяналтын хувьд нийт хүмүүсийн дундаж HbA1C 11.0±2.8 % ба 90.4% нь гликемийн хяналт муу байгаа нь тодорхойлогдлоо. Гликемийн хяналтын үзүүлэлтүүдийг харьцуулахад статистик ач холбогдол бүхий ялгаа ажиглагдаагүй ч аналог инсулин хэрэглэж буй хүмүүст глюкозжсон гемоглобины хэмжээ харьцангуй бага (10.7±2.2) % буюу гликемийн хяналт сайн байна. Инсулин эмчилгээг дагаж мөрдөх байдлыг судлахад нийт судалгаанд хамрагдагсдын 27.0% нь ямар нэг байдлаар инсулин эмчилгэээний дэглэм алддаг буюу тасалдуулдаг, тунг багасгаж тарьдаг байв. Дүгнэлт: Монгол улсад чихрийн шижинтэй, инсулин эмчилгээ хийгдэж буй хүмүүсийн зөвхөн 15%-д аналог инсулин хэрэглэж байна. Судалгаанд хамрагдсан хүмүүсийн 90.4% нь гликемийн хяналт муу, 27% нь инсулин эмчилгээний дэглэм баримталдаггүй байна.
Background: The discovery of insulin over a century ago revolutionized diabetes care, but achieving optimal glycemic control remains challenging, influenced by various factors, including insulin type. While developed countries have shifted from recombinant to analog insulin, research on insulin types and glycemic control in our country is lacking. Aim: This study aims to investigate the relationship between insulin type and glycemic control in individuals with diabetes. Materials and Methods: Employing a hospital-based cross-sectional design, we surveyed 280 individuals (aged 1865) with insulin use across six districts of Ulaanbaatar. Two groups responded to a 44-question questionnaire, and body measurements were recorded. Statistical analysis utilized the SPSS-25, considering at p<0.05 as statistically significant. Results: Subjects had a mean age of 54.3±12.9, with 46.8% males. Diabetes duration was 12.6±6.33 years, and insulin treatment duration was 5.37±5.15 years. Notably, 85% used recombinant insulin, while only 15% used analog insulin. Overall, mean HbA1C was 11.0±2.80, indicating poor control in 90.4%. Although no significant differences were observed in glycemic control indicators, individuals using analog insulin exhibited lower glycated hemoglobin (10.7±2.15), suggesting better control. Regarding insulin therapy adherence, 27.0% missed doses, interrupted their regimen, or reduced insulin doses. Conclusions: 1. In Mongolia, only 15% of individuals with diabetes on insulin treatment use analog insulin. 2. A significant majority (90.4%) exhibit poor glycemic control, and 27% do not adhere to insulin therapy.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/977
Эшлэл
Б.Энхтуул, Д.Болормаа, Д.Даваадулам, Ш.Мөнгөнчимэг, Я.Энхжаргал, Х.Алтайсайхан нар. Улаанбатар хотын чихрийн шижинтэй хүмүүст хэрэглэж буй инсулины төрөл, гликемийн хяналтын байдлыг судалсан дүн. Эрүүл мэндийн шинжлэх ухаан. 2024;20(1):113-116.