Loading...
Үр шилжүүлэн суулгах эмчилгээний үед Д витамины түвшин, нөлөөг судалсан дүн
Зохиогч
Он
2024 оны нэгдүгээр сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
1
Start Page
117
End Page
122
ISSN
2959-6947
Хураангуй
Үндэслэл: Д витамин нь нөхөн үржихүйн үйл ажиллагаанд өвөрмөц үүрэгтэй оролцдог бөгөөд үргүйдэлтэй холбосон судалгааны ажлууд ихээр хийгдэж байна. Зорилго: Үргүйдэлтэй эмэгтэйчүүдийн дунд Д витамины түвшинг тодорхойлж үр шилжүүлэн суулгах эмчилгээний үеийн өндгөн эсийн чанар, үр хөврөлийн хөгжилд нөлөөлөх эсэхийг судлах. Арга, аргачлал: Бид энэхүү судалгааг ретроспектив судалгааны загвараар, Си Эл Даблью Эйч эмнэлгийг түшиглэн хийж гүйцэтгэсэн. Оролцогчдын цусан дахь Д витамины хэмжээг үнэлэн хэвийн (≥30 ng/ mL), хангалтгүй (21–29 ng/mL), дутагдалтай (≤20 ng/ml) гэсэн 3 бүлэгт ангилсан. Мөн нас, биеийн жингийн индекс, Д витамины түвшинг тодорхойлсон улирал, өндгөвчний нөөцийн үзүүлэлтүүд, өндгөн эс болон үр хөврөлийн чанарын үзүүлэлтүүдийг цуглуулан кодолж, SPSS 21.0 программ ашиглан судалгааны статистик боловсруулалтыг хийсэн. Үр дүн: Судалгаанд нийт 22-45 насны 962 эмэгтэй хамрагдсан бөгөөд дундаж нас нь 33.9±5.5 жил байв. Судалгаанд хамрагдсан үргүйдэлтэй эмэгтэйчүүдийн 75.4% нь Д витамины дутагдалтай, 14.9% нь хангалтгүй түвшинтэй, 9.7% нь 30 ng/ml-ээс дээш буюу хэвийн хэмжээтэй байгаа нь тодорхойлогдсон. Д витамины дутагдалтай оролцогчдын зуны улирлын Д витамины дундаж хэмжээ нь намрын улирлаас өндөр байв. Өндгөвчний нөөц, өндгөн эсийн тоо болон морфологи өөрчлөлт, үр тогтолт, чанартай үр хөврөлийн эзлэх хувь нь судалгааны 3 бүлэгт статистик ач холбогдол бүхий ялгаагүй байв. Дүгнэлт: Үргүйдэлтэй эмэгтэйчүүдийн дунд Д витамины дутагдал өндөр хувьтай тохиолдож байна. Үр шилжүүлэн суулгах эмчилгээний өмнөх цусан дахь Д витамины түвшин тухайн эмчилгээний үеийн өндгөн эсийн чанар, үр хөврөлийн хөгжилд илэрхий нөлөө үзүүлдэггүй байна.
Background: Vitamin D is an essential nutrient, that was recognized for its importance in human fertility. Studies suggests an association between vitamin D infertility. Aim: The aim of this study was to determine the vitamin D levels among infertile women. To assess the effect of serum vitamin D level on oocyte quality and embryo development. Materials and Methods: A retrospective study was performed on 962 infertile patients who underwent the first IVF cycle at Mon-CL hospital. Participants were classified into three groups according their vitamin D levels (≥30 ng/mL sufÏcient; 21–29 ng/mL insufÏcient; ≤20 ng/ml deficient). In addition, we evaluated age, body mass index, ovarian reserve markers, oocyte count, oocyte morphology, fertilization and good embryo rate. The results were processed using SPSS 21.0. Results: The patients’s age ranged from 22 to 45 years (33.9±5.5 on average). 725 (75.4%) of the participants had vitamin D deficiency, 143 (14.9%) had levels between 20 and 29 ng/ml, and 94 (9.8%) had vitamin D sufÏcient. Median level of serum vitamin D level was higher in summer than autumn in deficiency group. There was no relationship between vitamin D levels and age, ovarian reserve markers, oocyte count, quality and good embryo rate. Conclusion: High prevalence of vitamin D deficiency occurs among infertile women. The level of serum vitamin D before IVF treatment does not have an obvious effect on the oocyte quality, embryo development during the treatment.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/978
Эшлэл
Д.Эрдэнэсувд, Н.Пүрэвжаргал, Чой Бум Чэй, Хюё Ён Пак, Г.Мэндсайхан, Б.Болорчимэг. Үр шилжүүлэн суулгах эмчилгээний үед Д витамины түвшин, нөлөөг судалсан дүн. Эрүүл мэндийн шинжлэх ухаан. 2024;20(1):117-122.