Loading...
Дорнод, Увс аймгийн артерийн гипертензитэй иргэдийн зүрх судасны өвчний эрсдлийг тодорхойлсон нь
Зохиогч
Ө.Номундарь
В.Даваахүү
Он
2024 оны нэгдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
20
Issue
2
Start Page
13
End Page
16
ISSN
2959-6947
Хураангуй
Үндэслэл: Дэлхийн эрүүл мэндийн байгууллага (ДЭМБ)-ын тооцооллоор Монгол улсын 30-70 насны хүн амын дундах халдварт бус өвчнөөр нас барах магадлал 35% байгаа нь дэлхийн дундаж 17.8%-иас 17.2%, бүсийн дундаж 15.6%-иас 19.4%-иар тус тус өндөр байгааг мэдээлжээ. Харин Монгол улсад зүрх судасны тогтолцооны өвчин нийт өвчлөлийн 12.2%г эзэлж, сүүлийн 10 жилийн дунджаас 249.1-ээр, өмнөх оноос 372.4-өөр нэмэгдсэн байна. ДЭМБ-аас шинэчлэн гаргасан удирдамжийн дагуу зүрх судасны өвчин (ЗСӨ)-ий үнэлгээг артерийн гипертензи (АГ)-тэй холбогдуулан судалсан судалгааны ажил ховор байгаа тул бид энэхүү судалгааг хийх үндэслэл боллоо. Зорилго: Артерийн гипертензитэй эмчлүүлэгчийн ЗСӨ-ий эрсдэлийг тодорхойлох Арга, аргачлал: Судалгааны ерөнхий мэдээллийг цуглуулахдаа тусгайлан боловсруулсан асуумжаар авсан ба судалгааг агшингийн загвараар хийж гүйцэтгэсэн. Эрсдлийг ангилахдаа: Маш бага эрсдэлтэй (<5%), бага эрсдэлтэй (510%), дунд эрсдэлтэй (10-20%), өндөр эрсдэлтэй (20-30%), маш өндөр эрсдэлтэй (≥30%) гэж дүгнэсэн. Бид уг ангилалын дагуу судалгааг хийж гүйцэтгэв. АШУҮИС-ийн Судалгааны ёс зүйн хяналтын хорооны 2023 оны 06 дугаар сарын 16-ны 2023/3-07 тоот хурлын шийдвэрийн дагуу судалгааг хийх ёс зүйн зөвшөөрлийг авч, судалгааг хийж гүйцэтгэв. Суда лгааны статистик боловсруулалт: Эрсдэлийн үзүүлэлтүүдийн статистик боловсруулалтыг хийхдээ “SPSS-22” программ ашиглав. Ингэхдээ р утга 0.05-аас бага тохиолдолд статистикийн хувьд ач холбогдолтой гэж үзсэн. Үр дүн: Судалгаанд нийт 290 АГ-тэй иргэд хамрагдсан бөгөөд дундаж нас 57.36±8.8 жил байв. Судалгаанд хамрагдагсдын 19.6% (57) нь тамхи татдаг, 80.4% (233) нь тамхи татдаггүй гэж хариулсан. Биеийн жингийн индекс (БЖИ) 28.93±5.2 кг, Систолын даралт (СД) 138.06±16.7 мм.МУБ, Диастолын даралт (ДД) 85.58±12.74 мм.МУБ тус тус байв. Судалгаанд хамрагдагсдын 41.4% (120) нь маш бага эрсдэлтэй, 33.1% (96) нь бага эрсдэлтэй, 21.4% (62) нь дунд эрсдэлтэй, 4.1% (12) нь өндөр эрсдэлтэй байсан. Олон хүчин зүйлийн логистик регрессийн шинжилгээгээр ойрын 10 жилд ЗСӨ-өөр өвчлөх эрсдэлт нас (p<0.0001), хүйс (p<0.0001), тамхи (p<0.0001), систолын артерийн даралт (p<0.0001) статистик ач холбогдол бүхий хамааралтай нөлөөлж байв. Дүгнэлт: Судалгаанд хамрагдагсдын дөрвөн хүн тутмын нэг нь ойрын 10 жилд ЗСӨ-өөр өвчлөх эрсдэл дунд болон өндөр байсан бөгөөд үүнд нас, хүйс, тамхины хэрэглээ, систолын даралт нөлөөлж байна.
Background: The WHO (World Health Organization) estimates that the death toll from four major non-infectious diseases among Mongolian 30-70 year old individuals is 35%, which is higher than the world average (17.8) to 17.2% and the regional average (15.6) to 19.4%. In Mongolia, cardiovascular disease accounted for 12.2% percent of the total disease, an increase of 249.1 percent from the average for the past 10 years and an increase of 372.4 percent from the previous year. Aim: Identifying the risk factors for patients diagnosed with arterial hypertension. Materials and Methods: The study was taken from a total of 290 patients with arterial hypertension, using quantitative cross-sectional research methods. When collecting research data, the general information was taken through a specifically developed questionnaire. The heart disease risk was identified by the WHO’s updated chart in 2019 using the Asia Pacific Region Chart for the World Disease Research Center. Using the non-laboratory-based CVD risk chart of the World Health Organization (WHO), we categorized the participants into 5 risk groups: very low risk (<5%), low risk (5-10%), moderate risk (10-20%), high risk (20-30%), and very high risk (≥30%). The ethical approval for the study was obtained by a decision of the MNUMS-Ethical Committee on Research on June 16, 2023 (2023/3-07). Results: The study involved a total of 290 people with arterial hypertension, with an average age of 57.36±8.8 year, and 19.6% (57) were smokers, while 80.4% (233) were not smokers. Speaking of the numbers, average body weight was 74.94±14.2 kg, body height was 160.44±11.75 sm, body mass index (BMI) was 28.93±5.2 kg, and systolic pressure was (CD) 138.06±16.7 mmHg and diastolic pressure was (DD) 85.58±12.74 mmHg. Of the humans involved in the study, 41.4% (120) had a very low risk, 33.1% (96) lower risk, 21.4% (62) moderate risk and 4.1% (12) high risk of 20-30%. Conclusion: About one in four of the total citizens involved in the study had a medium or high risk, which was affected by age, gender, tobacco, and systolic artery pressure.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/989
Эшлэл
Ө.Номундарь, В.Даваахүү. Дорнод, Увс аймгийн артерийн гипертензитэй иргэдийн зүрх судасны өвчний эрсдлийг тодорхойлсон нь. Эрүүл мэндийн шинжлэх ухаан. 2024;20(2):13-16.