Loading...
Липосомд суурилуулсан антибиотикийн нянгийн өсөлт дарангуйлах бага тунг тодорхойлсон дүн
Зохиогч
Он
2024 оны нэгдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
20
Issue
2
Start Page
32
End Page
35
ISSN
2959-6947
Хураангуй
Үндэслэл: Антибиотикт тэсвэртэй, нянгийн шалтгаантай халдварууд нь хүн төрөлхтний хувьд аль хэдийн ноцтойгоор тавигдаж байгаа асуудал бөгөөд 2050 он гэхэд нас баралтын бусад бүх шалтгааныг гүйцэх магадлал өндөр гэж тэмдэглэгдсэн байна. Арьсны халдварын хамгийн түгээмэл шалтгаануудын нэг бол Methicillin-resistant Staphylococcus aureus (MRSA) юм. Энэ нь олон эмэнд тэсвэртэй тул эмчилгээ нь улам төвөгтөө болж байгааг судлаачид онцолсон байна. Нянгийн тэсвэржилт нь хүн амын эрүүл мэнд, хүнсний аюулгүй байдал, хүрээлэн буй орчин болон эдийн засагт сөргөөр нөлөөлж байна. Эмчилгээ, оношилгоонд нанотехнологийг ашиглах үндэс 40 гаруй жилийн өмнөөс тавигдаж, улмаар нано эмчилгээ, оношилгооны хэрэглээнд ашиглах боломж улам бүр нэмэгдсээр байна. Уламжлалт эмийн эмчилгээ нь эмийг аль болох бага тунгаар физиологийн эд, эсийг сонгон үйлчилдэг бөгөөд бусад эрхтэн тогтолцоонд гаж нөлөө үзүүлж, гэмтээдэг сул талтай. Тиймээс дэлхийн олон лабораториуд липосомыг эсийн гадаргуу, биомембраны олон шинж чанарыг төлөөлүүлсэн загвар систем болгон судалгаандаа амжилттай хэрэглэж байна. Зорилго: Липосомд суурилуулсан антибиотикийн гадаад бүтцийг тодорхойлж, нянгийн өсөлт дарангуйлах идэвхийг судлах. Арга, аргачлал: Энэхүү судалгааг туршилт судалгааны эмнэлзүйн туршилтын загвараар хийж гүйцэтгэсэн. Липосомын үндсэн түүхий эд болох фосфатидилхолинийг (лецитин) өндөгний шараас ялгасан. Үечлэн ууршуулах замаар фосфолипидийн нимгэн үеийг үүсгэн, антибиотикийг хөлдөөх-гэсгээх аргыг ашиглан суурилуулсан. Липосомд суурилуулсан антибиотикийн нянгийн өсөлт дарангуйлах хамгийн бага тунг (MIC)-ийг бичил шингэрүүлгийн аргаар стандарт омог ашиглан тодорхойлсон. Үр дүн: Өндөгний шараас ялгаж авсан фосфатидилхолиний гарц 37.9%-тай тодорхойлогдлоо. Нимгэн үеийн хроматограммаар фосфолипид бүхий фракцийн тархалтын фактор (Rf) нь 0.39 байна. Липосомд суурилуулсан ванкомициний нянгийн эсрэг нөлөө нь in vitro туршилтын үр дүнгээс харахад липосомд суурилуулсан ванкомицин нь чөлөөт ванкомицинээс илүү үр дүнтэй болох нь ажиглагдлаа. Дүгнэлт: Өндөгний шараас ялгасан лецитиний гарц 37.9% байлаа. Электрон микроскопт липосомын үүсэлт цайвраар дүрслэгдсэн хэсгүүд, электрон нягт сийрэг байдалтай тодорхойлогдсон нь липосом үүссэн болохыг баталж байна. Липосомд суурилуулсан ванкомиицин нь MRSA-ийн халдварын эмчилгээнд үр дүнтэй болох нь тодорхойлогдлоо.
Background: Antibiotic-resistant bacterial infections are already a serious problem for humanity and are predicted to overtake all other causes of death by 2050. One of the most common causes of skin infections is Methicillin-resistant Staphylococcus aureus (MRSA). The researchers pointed out that it is resistant to many drugs, making treatment even more difÏcult. Antimicrobial resistance has a negative impact on public health, food security, the environment, and the economy. The basis for using nanotechnology in treatment and diagnosis was laid more than 40 years ago, and the potential for use in nanotherapy and diagnosis continues to increase. Conventional drug treatment uses the smallest possible dose of drugs to selectively act on physiological tissues and cells, and has the disadvantage of causing side effects and damage to other organ systems. Therefore, many laboratories around the world are successfully using liposomes in their research as a model system representing many properties of cell surfaces and biomembranes. Aim: To determine the external structure of liposome-encapsulated antibiotics and investigate their activity in inhibiting bacterial growth. Materials and Methods: This study was conducted using an experimental research clinical trial design. Phosphatidylcholine (lecithin), the main raw material of liposomes, was isolated from egg yolk. Thin layers of phospholipids were formed by serial evaporation, and antibiotics were immobilized using a freeze-thaw method. The minimal bacterial growth inhibitory dose (MIC) of liposome-encapsulated antibiotics was determined by microdilution using standard strains. Results: Egg yolk phosphatidylcholine yield was 37.9%. The distribution factor (Rf) of the fraction with phospholipids by thin-phase chromatogram is 0.39. Liposome-encapsulated vancomycin displayed higher antimicrobial activity in vitro than free vancomycin. Conclusion: Egg yolk possesses 37.9% lecithin by weight. A light-colored area and sparse electron density were observed in the electron microscope, confirming the formation of liposomes. Liposome-encapsulated vancomycin has been shown to be effective in the treatment of MRSA infections.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/993
Эшлэл
Э.Энхтайван, М.Одончимэг, Д.Энхжаргал, О.Баатархүү, Б.Ариунсанаа. Липосомд суурилуулсан антибиотикийн нянгийн өсөлт дарангуйлах бага тунг тодорхойлсон дүн. Эрүүл мэндийн шинжлэх ухаан. 2024;20(2):32-35.