Loading...
Аутизмын хүрээний эмгэгтэй хүүхдүүдэд зураг солилцох харилцааны системийг судалсан үр дүн
Зохиогч
Л.Лхагвасүрэн
Б.Мөнх-Эрдэнэ
Он
2024 оны гуравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
20
Issue
3
Start Page
26
End Page
31
ISSN
2959-6947
Хураангуй
Үндэслэл: Аутизмын хүрээний эмгэг (АХЭ) нь нийгмийн харилцааны хязгаарлагдмал байдал, дахин давтагдах үйлдэл, хязгаарлагдмал сонирхол зэрэг хэв шинжээр тодорхойлогддог мэдрэлийн гаралтай хөгжлийн бэрхшээл юм. Аутизмтай хүн бүрд аутизмын нөлөөлөл нь өөр өөр байдаг. Зарим аутизмтай хүмүүсийг хэл ярианы чадваргүй тул аман бус гэж үздэг. Мөн тэд хэл яриагаа нөхөхийн тулд дохио зангаа ашигладаггүй. Хэл яриа сайн ч харилцан ярианд буруу оролцох, санаагаа зөв илэрхийлэхгүй, дууны хэмжээгээ тохируулахгүй, харилцааны бусад аргийг (дохио зангаа, биеийн хөдөлгөөн, нүүрний хувирал) ойлгодоггүй. Эдгээр хүүхдүүдэд харилцан ярианы нөхцөл байдлыг эхлүүлэх, дэмжих, өргөжүүлэх арга чухал хэрэгцээтэй байгаа бөгөөд манай улсад тухайн чиглэлээр хийсэн судалгааны ажил ховор, хязгаарлагдмал байна. Зорилго: Аутизмын хүрээний эмгэгтэй хүүхдүүдэд зураг солилцох харилцааны систем (Picture Exchange Communication System (PECS))-ийг практикт ашигласан үр дүнг судлах. Арга, аргачлал: Бид эмнэл зүйн туршилт судалгааны загвар ашиглан энэхүү судалгааг хийж гүйцэтгэв. Судалгаанд аутизмтай 60 хүүхдийг туршилтын (n=30), хяналтын (n=30) 2 бүлэг болгон хуваасан. Туршилтын бүлгийг 15 долоо хоногийн турш PECS сургалтад хамруулж, хяналтын бүлгийг 15 долоо хоногийн турш ердийн сургалтад хамруулж үр дүнг харьцуулан судалсан. Сургалтын өмнө болон дараах үр дүнгийн хэмжүүрт аутизмын эмчилгээний хяналтын хуудас (Autism Treatment Evaluation Checklist (ATEC)) үнэлгээг ашигласан. Хүүхдүүдийн эцэг эх, асран хамгаалагчдаас зөвшөөрөл авч судалгааны талаар танилцуулж 15 долоо хоногийн турш 7 хоногт 3 өдөр 20-30 минутаар сургалтад хамруулсан. Үр дүн: Аутизмын хүрээний эмгэгтэй хүүхдүүдэд туршилтын бүлэгт PECS хэрэгжүүлэхийн өмнөх болон дараах ATEC оноог харьцуулахад PECS хэрэгжүүлэхийн өмнө 97.9 (30.4), PECS хэрэгжүүлсний дараа 84.3 (28.5) статистик ач холбогдол бүхий сайжрал (p<0.0001) ажиглагдав. Дүгнэлт: Аутизмын хүрээний эмгэгтэй хүүхдүүдэд зураг солилцох харилцааны систем (PECS)-ийг ашигласнаар хүүхдүүдийн хэл яриа, харилцааны чадвар, нийгэмшихүйн чадвар, мэдрэхүйн дадал, танин мэдэхүйн чадвар, эрүүл мэнд бие бялдрын хөгжлийн чадварууд сайжирсан байна.
Background: Autism is a neuronal development disorder characterized by persistent deficit in social interaction, communication, and repetitive patterns of interests and behaviors. The impact of autism is different for each person with autism. It is known that some autistic individuals are considered non-verbal, since they are unskilled in their use of language. Neither do they use gestures to compensate for the absence of speech. Even if the language is good, they do not participate in the conversation, do not express their ideas correctly, do not adjust the volume of the voice, do not understand other methods of communication (gestures, body movements, facial expressions). These children have a critical need for ways to initiate, support, and expand conversational situations, and research in this area is rare and limited in our country. Aim: This study aims to investigate the effectiveness of the Picture Exchange Communication System (PECS) in children with autism spectrum disorders. Materials and Methods: The current study employed a clinical trial study design to investigate the effectiveness of the Picture Exchange Communication System (PECS). Sixty children with ASD participated and were assigned into control (n=30) and experimental (n=30) groups. The experimental group received the intervention “PECS” for 15 weeks, whereas the control group received routine care. Autism Treatment Evaluation Checklist (ATEC) was used to evaluate changes in children with ASD before and after the intervention. After obtaining permission from the parents and guardians of the children, they were introduced to the study and trained for 20-30 minutes, 3 days a week for 15 weeks. Results: Statistically significant changes in the outcome variables were observed between pre and post intervention. ATEC scores used to evaluate the effectiveness of the intervention improved significantly from 97.9 (30.4) to 84.3 (28.5) in the experimental group improvement (p<0.0001). Conclusion: The use of picture exchange communication system (PECS) in children with autism spectrum disorders has improved the children’s speech, communication skills, social skills, sensory, cognitive skills, and physical development.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1019
Эшлэл
Л.Лхагвасүрэн, Б.Мөнх-Эрдэнэ. Аутизмын хүрээний эмгэгтэй хүүхдүүдэд зураг солилцох харилцааны системийг судалсан үр дүн. Эрүүл мэндийн шинжлэх ухаан. 2024;20(3):26-31.