Loading...
Суганы вэб хам шинжтэй үйлчлүүлэгчдэд өөрийгөө үнэлэх асуумжийн найдвартай байдлыг тодорхойлж, эрсдэлт хүчин зүйлсийг судалсан дүн
Зохиогч
Он
2024 оны гуравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
20
Issue
3
Start Page
89
End Page
92
ISSN
2959-6947
Хураангуй
Үндэслэл: Хөхний хорт хавдрын мэс заслын дараа суганы вэб хам шинж (СВХШ), шархны сорвижилт мэдрэл гэмтлийн болон булчингийн өвдөлт, мэдээ алдалт, ядралт, дээд мөчдийн тунгалгийн хаван, дээд мөчний үйл ажиллагааны чадвар алдалт зэрэг хоёрдогч хүндрэлүүд нь урт хугацааны үйл ажиллагааны чадвар алдалт үүсэхэд нөлөөлдөг. СВХШ-ийн үед цээж, суга, тохой, улна яс үргэлжлэн хатуурсан судал тэмтрэгдэж, өвдөлт илэрч, мөрний нугалах, холдуулах хөдөлгөөн хязгаарлагдаж илэрдэг. Хөхний хорт хавдрын мэс заслын улмаас үүссэн хоёрдогч хүндрэлээс урьдчилан сэргийлэхэд СВХШ-ийг илрүүлэх эмчлүүлэгчид суурилсан асуумж нь олон улсад түгээмэл хэрэглэдэг. Зорилго: Суганы вэб хам шинжийн өөрийгөө үнэлэх асуумж хуудасны хүчин төгөлдөр, найдвартай байдлыг тодорхойлж, эрсдэлт хүчин зүйлсийг судлах. Арга, аргачлал: Бид СВХШ-ийг илрүүлэх өөрийгөө үнэлэх асуумжинд 62 эмчлүүлэгчийг хамруулсан. СВХШ-тэй эмчлүүлэгч нар “Өөрийгөө үнэлэх асуумж” хуудсаар үнэлгээ хийсний дараа хөдөлгөөн засалч “Хяналтын хуудас”-аар давхар үнэлгээ хийсэн. “Өөрийгөө үнэлэх асуумж”-ийн дотоод хүчин төгөлдөр байдлыг кронбак альфа коэффицент, эмчлүүлэгч өөрийгөө үнэлэх асуумж ба хөдөлгөөн засалчийн хяналтын хуудас хоорондын ялгаатай байдлыг хи квадратаар үнэлэв. Үр дүн: Судалгаанд оролцогч нарын дундаж нас 48±10 (жил), биеийн жингийн индекс 26 ±4 (м²кг), мэс засалд орсны дараа хөдөлгөөн засал эмчилгээнд хамрагдсан дундаж хоног 15±38 (хоног) өвдөлтийн үнэлгээ 5±1 (оноо), мөрний үений нугалах далайц 135±44 (хэм), мөрний үений холдуулах далайц 132±46 (хэм) байна. Судалгаанд оролцогч нарын 6.5% хими эмчилгээ,1.6% туяа эмчилгээнд хамрагдасан. Асуумж хоорондын найдвартай байдлыг Кромбах альфа коэффицентээр тодорхойлоход 0.8 байгаа нь үнэлгээний дотоод хүчин төгөлдөр байдал нь хүлээн зөвшөөрөгдөх хэмжээнд байгааг харуулж байна. Асуумж хоорондын ялгаатай байдлыг хи квадрат тестээр үнэлэхэд статистик ач холбогдол бүхий ялгаатай байсан (р<0.05). Дүгнэлт: СВХШ-ийн эмчлүүлэгч өөрийгөө үнэлэх асуумжийн кронбах альфа коэффицент 0.8 байгаа нь үнэлгээний дотоод хүчин төгөлдөр байдал нь хүлээн зөвшөөрөгдөх хэмжээнд байгааг харуулж байна. СВХШ үүсэх эрсдэлт хүчин зүйлд нас, биеийн жингийн индекс хамааралгүй байгаа учир эрсдэл хүчин зүйлсийг тооцох бусад шалтгааныг судлах шаардлагатай байна.
Background: Secondary complications after breast cancer surgery include axillary web syndrome (AWS) wound scarring (breast, axilla), nerve damage and muscle pain, numbness (breast, axilla), fatigue, lymphedema of the upper limbs, and functional disability of the upper limbs causing long-term functional impairment. In the case of AWS, the chest, armpit, elbow, and ulna bones are cord palpable, painful, and limited in shoulder flexion and abduction motion. Patient-based questionnaires for the detection of AWS in the prevention of secondary complications from breast cancer surgery are widely used internationally. Aim: To determine the reliability of the Mongolian version of a patient self-assessment questionnaire for the detection of axillary web syndrome. Materials and Methods: 62 participants were included in the self-assessment questionnaire for the detection of AWS. After the self-assessment questionnaires were evaluated by the patient with AWS, the physical therapists performed a double evaluation using the “physical therapy checklist”. Results: The average age of the study participants was 48 (±10), body mass index was 26 (±4) kg/m2, the average days of physical therapy after surgery was 15 (±38) days, chemotherapy was 6.5%, and radiation therapy was 1.6%, pain rating was 5 (±1) visual analog scale, range of motion of shoulder flexion was 135 (±44), and shoulder abduction range was 132 (±46). Internal reliability was determined by the Cronbach alpha coefÏcient of 0.8, indicating that the internal validity of the assessment was acceptable. The chi-square test assessed the differences between the questions, p < 0.05 was statistically significant. Discussion: The internal validity of the “Self-assessment Questionnaire” is acceptable with a Cronbach alpha coefÏcient of 0.8, which is the same result as the study of Luiz Felipe Nevola Teixeira et al. Through this evaluation, patients are educated about possible secondary complications after breast surgery and can self-assess, prevent, detect early, and take timely measures. Conclusions: Cronbach’s alpha coefÏcient of 0.8 for the self-assessment questionnaire of the patients of AWS shows that the internal validation of the assessment is significant.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1031
Эшлэл
Ц.Цолмонбаяр, Г.Намуун, Х.Ариунаа, Б.Янжинсүрэн, О.Батгэрэл. Суганы вэб хам шинжтэй үйлчлүүлэгчдэд өөрийгөө үнэлэх асуумжийн найдвартай байдлыг тодорхойлж, эрсдэлт хүчин зүйлсийг судалсан дүн. Эрүүл мэндийн шинжлэх ухаан. 2024;20(3):89-92.