Loading...
Хэвлийн хөндийн зарим мэс заслын дараах өвдөлт намдаах эмийн хэрэглээний судалгаа
Зохиогч
Он
2024 оны гуравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
20
Issue
3
Start Page
130
End Page
133
ISSN
2959-6947
Хураангуй
Үндэслэл: Мэс заслын дараах өвдөлт намдаах эмийн эмчилгээний зорилго нь мэс ажилбарын дараа үүсдэг цочмог өвдөлтийг бууруулж, эмчлүүлэгчийн хэвийн үйл ажиллагаанд түргэн шилжихэд тусалдаг. Мэс заслын дараа эмчлүүлэгчдийн 80 гаруй хувь нь дунд зэргээс хүнд зэргийн цочмог өвдөлтийг мэдэрдэг байна. Мэс заслын дараах өвдөлт намдаах эмийн эмчилгээний хяналт муу байх нь өвчний эдгэрэлтийг удаашруулж, эмчилгээний зардлыг ихэсгэх болон нас барах эрсдэлийг нэмэгдүүлдэг. Зорилго: Хэвлийн хөндийн зарим эрхтэний мэс заслын дараах өвдөлтөд хэрэглэсэн эмийг хэрэглээг судлах. Арга, аргачлал: АШУҮИС-ийн Монгол Япон Эмнэлгийн мэс заслын тасагт 2022, 2023 онд мухар олгойн цочмог үрэвсэл, цөсний хүүдийн чулуу, ивэрхий, элэгний эсийн хорт хавдар оношоор мэс засал эмчилгээ хийлгэсэн, өвдөлт намдаах эмийг эмчилгээнд хэрэглэсэн 898 эмчлүүлэгчийг санамсаргүй түүврийн аргаар судалгаанд хамруулав. Үр дүн: Нийт өвдөлтийг үнэлсэн 888 эмчлүүлэгчийн өвдөлтийн хүчний дунджийг судлахад өвдөлтгүй (0 оноо) 0.1% (1), бага зэргийн өвдөлттэй (1-3 оноо) 96.3% (855), дунд зэргийн өвдөлттэй (4-5 оноо) 3.6% (32) эмчлүүлэгч байв. Өвдөлтийн зэргийн дунджийг оношийн бүлгээр ангилан харахад цөсний хүүдийн чулууны мэс засал хийлгэсэн хүмүүст 2.4±0.6, мухар олгойн цочмог үрэвслийн мэс засал 2.4±0.7, ивэрхийн засал хийлгэсэн хүмүүст 2.4±0.6, элэгний эсийн хорт хавдрын мэс засал хийлгэсэн хүмүүст 2.2±0.7 оноотой байв. Мэс заслын дараах өвдөлт намдаах эмчилгээнд дангаар болон 2-4 нэр төрлийн эмийг хамт хослуулан хэрэглэсэн байна. Үүнд: СББҮЭЭ дангаар, Ацетаминофен+СББҮЭЭ, СББҮЭЭ+Опиоид, СББҮЭЭ+СББҮЭЭ бүлгийн эмүүдийг хэрэглэсэн байлаа. Дүгнэлт: Өвдөлтийн зэргийг үндэслэн өвдөлт намдаах эмийг сонгон эмчилгээнд сонгосон боловч өвдөлт намдаах эмийг хавсран хэрэглэсэн тохиолдлуудад эсрэг заалттай болон нэг бүлгийн эмийг хавсарч хэрэглэх тохиолдол түгээмэл байна. Иймээс мэс заслын дараах өвдөлт намдаах эмийн менежментэд эмнэлзүйн эмзүйн тусламж шаардлагатай байгааг харуулж байна.
Background: Postoperative analgesics are aimed to reduce acute pain after surgery and help patient return to normal activities quickly. More than 80% of patients experience moderate to severe acute pain post-surgically. Poor postoperative analgesia control can delay recovery, increase treatment costs, and increase the risk of mortality. Aim: The study is aimed to evaluate the analgesics consumption after some of abdominal surgeries. Materials and Methods: In 2022 and 2023, 898 patients who underwent surgery for acute appendicitis, gallstones, hernia, and hepatocellular carcinoma in the Department of Surgery, Mongolia-Japan Hospital of MNUMS, and who used analgesics for treatment, were included in the study by randomized sampling method. Results: Regarding the average pain intensity of 888 patients who rated total pain, 0 (0 points) 0.1% (1), (1-3 points) 96.3% (855), and (4-5 points) 3.6% (320) of the patients rated their pain scale as no pain, mild and moderate pain, respectively. The average pain score by diagnosis group was 2.4±0.6, 2.4±0.7, 2.4±0.6 and 2.2±0.7 for cholecystectomy, appendectomy, hernia repair surgery and surgery for hepatocellular carcinoma. For postoperative pain relief, 2-4 types of medicines were used alone or in combination such as NSAIDs alone, Acetaminophen + NSAID, NSAID + Opioids, and NSAID + NSAID. Conclusions: Based on the severity of pain, analgesics are selected for treatment, but in cases of concomitant use of analgesics, it is common to use medicines with contraindications and the same group of drugs. Therefore, the need for clinical pharmacology in postoperative analgesia management is indicated.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1039
Эшлэл
А.Хулан, Ц.Дэлгэрмаа, М.Нина, Ц.Номин-Эрдэнэ, М.Хулан, Ц.Оргилмаа нар. Хэвлийн хөндийн зарим мэс заслын дараах өвдөлт намдаах эмийн хэрэглээний судалгаа. Эрүүл мэндийн шинжлэх ухаан. 2024;20(3):130-133.