Loading...
Зохиомол амьсгалтай холбоотой уушгины хатгааны үүсгэгч эмгэгтөрөгчийн эмэнд тэсвэржилт, эмчлүүлэгсдийн тавиланг тодорхойлсон дүн
Зохиогч
Он
2024 оны тавдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
20
Issue
6
Start Page
52
End Page
58
ISSN
2959-6947
Хураангуй
Үндэслэл: Манай оронд зохиомол амьсгалтай холбоотой уушгины хатгаа (ЗАХУХ)-ны тохиолдол, бичил биетний эмэнд тэсвэржилт ихсэж, нас баралтыг нэмэгдүүлж буй нь эмнэлзүйн практикт илэрхий байгаа боловч судалгааны үр дүн, баримт нотолгоо хомс хэвээр байна. Төрөлжсөн нарийн мэргэжлийн эмнэлгийн ЭЭТ-т түгээмэл илэрдэг эмгэгтөрөгч, бичил биетний эсрэг эмэнд тэсвэржилтийн онцлогт тохируулан антибиотик эмчилгээ, ЗАХУХ-ны үед үзүүлэх тусламжийг боловсронгуй болгох шаардлагын улмаас энэхүү судалгааг хийж гүйцэтгэлээ. Зорилго: Эрчимт эмчилгээний тасагт бүртгэгдэж буй ЗАХУХ-ны тархалт, үүсгэгчийн төрөл, эмэнд тэсвэржилтийг тогтоон эмнэлзүйн бусад үзүүлэлтийн хамаарлыг судлах. Арга, аргачлал: Эмнэлэгт суурилсан энэхүү судалгааг АШУҮИС-ийн Монгол Японы эмнэлгийн ЭЭТ-т 2022 оны 04 дүгээр сарын 01-нээс 2024 оны 03 дугаар сарын 05 хүртэлх хугацаанд ЗАА-ны дэмжлэгтэй 48 цагаас дээш хугацаатай эмчлэгдсэн, бронх-алвеолийн лаваж (БАЛ) болон цэрний бичил амь судлалын шинжилгээнд эмгэг төрөгч илэрсэн 47 тохиолдлыг хамруулан ретроспектив когорт судалгааны загвараар хийсэн. Үр дүн: Бидний судалгаанд нийт 47 тохиолдол хамрагдсанаас эмчлэгдсэн 29 (61.7%), нас барсан 18 (38.2%) тохиолдол байв. Дундаж нас, хүйс, үндсэн өвчин, хүндрэл зэргийн хувьд ялгаа ажиглагдсангүй. Элэгний архаг эмгэг (p=0.004), эмнэлэгт ирэхээс өмнө сүүлийн 3 сарын хугацаанд 2 антибиотик хэрэглэсэн (p=0.017), өөр эмнэлэгт эмчлэгдсэн (p=0.011) тохиолдол нас барсан бүлэгт өндөр тодорхойлогдлоо. Амьсгалын замаас шинжлэгдэхүүн авсан өдрийн цусны цагаан эс (11.3 vs 18.2, p=0.02) байсан бөгөөд шинжлэгдэхүүн авсан өдрөөс хойш 7 дахь хоногийн цусны цагаан эс (9.57 vs 15.7, p=0.014), SOFA үнэлгээ (4.69 vs 11.77, p=0.006) 2 бүлэгт ялгаатай байсан. Мөн нас барсан бүлэгт шинжлэгдэхүүн авсан өдрөөс хойш 7 дахь хоногийн шинжилгээнд RDWCV% (p<0.001), PCT (p=0.019), CRP (p<0.001), PaO2/FiO2 харьцаа (p<0.001) статистик ач холбогдол бүхий ялгаатай илрэв. Acinetobacter baumannii 29.8%, Candida 29.7%, Enterococcus 10.6%, Klebsiella pneumoniae 6.4%, Pseudomonas aeruginosa 4.3% зэрэг нь зохиомол амьсгалтай холбоотой уушгины хатгааны хамгийн түгээмэл илэрсэн эмгэгтөрөгч байлаа. Нийт тохиолдлын 31.9% нь маш олон эмэнд тэсвэртэй, 36.1% нь олон эмэнд тэсвэртэй байв. Acinetobacter baumannii нь 78.5% нь маш олон эмэнд тэсвэртэй байсан бөгөөд ципрофлоксацины бактерийн өсөлтийг саатуулах хамгийн бага тун (MIC)=3.22 ±1.36 буюу хамгийн бага утгатай байв. Дүгнэлт: 1. Судалгаанд хамрагдсан зохиомол амьсгалтай холбоотой уушгины хатгааны үүсгэгчийн 31.9% нь маш олон эмэнд тэсвэртэй, 36.1% нь олон эмэнд тэсвэртэй омог болох нь тогтоогдлоо. Хожуу үед Acinetobacter baumannii -ийн шалтгаант уушгины хатгаа үүсэх эрсдэл 9.7 дахин өндөр, эдгээр омгийн 78.5% нь маш олон эмэнд тэсвэржсэн байна. 2. Эмчлүүлэгсэд сүүлийн 3 сард 2-оос дээш төрлийн антибиотик хэрэглэсэн, элэгний архаг өвчтэй байх нь зохиомол амьсгалтай холбоотой уушгины хатгаагаар нас барах эрсдэлийг тус бүр 2 дахин нэмэгдүүлж байна. Зохиомол амьсгалтай холбоотой уушгины хожуу үеийн хатгаа нь эрчимт эмчилгээний ор хоногийг болон эмнэлгийн нийт ор хоногийг зохиомол амьсгалтай холбоотой уушгины эрт үеийн хатгаатай харьцуулахад дунджаар 20 хоногоор уртасгаж байна.
Background: Increased in case of ventilator-associated pneumonia (VAP) and mortality due to increased bacterial resistance are evident in clinical practice, but studies have not yet been conducted and evidence is still scarce. Therefore, the goal of improving antibiotic treatment and care during VAP based on the profile of microorganisms and drug resistance commonly found in the ICU of hospital in Mongolia became the basis for conducting this study. Aim: To investigate the relationship between the prevalence of VAP recorded in the ICU, profile of microorganisms, and resistance to drugs and other clinical parameters. Materials and Methods: This is single-centred, retrospective study that included 47 patients with ventilator-associated pneumonia and treated at the Intensive Care Unit of Mongolian-Japan hospital of MNUMS from 1 April 2022 to 5 March 2024. Results: A total of 47 cases were included in our study, 29 (61.7%) were cured and 18 (38.2%) died. Chronic liver disease (p=0.004), use of 2 antibiotics before admission (p=0.017), and treated at another hospital before admission (p=0.011) were significantly higher in the death group. WBC on day of respiratory specimen (11.3 vs 18.2, p=0.02), WBC on day 7 after specimen (9.57 vs 15.7, p=0.014), SOFA score (4.69 vs 11.77, p=0.006) there were differences between the 2 groups. Also, there were significant differences in the 7th day after respiratory specimen RDW-CV% (p<0.001), PCT (p=0.019), CRP (p<0.001), and PaO2/FiO2 ratio (p<0.001) the deceased group. . Acinetobacter baumannii 29.8%, Candida 29.7%, Enterococcus 10.6%, Klebsiella pneumoniae 6.4%, and Pseudomonas aeruginosa 4.3% were the common microorganisms of VAP in the ICU. 31.9% of total cases were pandrug resistant and 36.1% were multidrug resistant. Acinetobacter baumannii was pandrug resistant in 78.5% and ciprofloxacin had the lowest value of MIC=3.22±1.36. Conclusion: In total cases with VAP, 31.9% of cases were pandrug-resistant and 36.1% were multidrug-resistant. Acinetobacter baumannii was the causative agent at high risk for late onset VAP, and 78.5% were pandrug resistant. Chronic liver disease and use of ≥2 antibiotics in the last 3 months each increased the risk of death from VAP by 2 times. Late onset VAP prolongs ICU length of stay and total hospital length of stay by an average of 20 days compared with early onset VAP.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1088
Эшлэл
А.Тэлмэн, М.Наранпүрэв, Ч.Баттогтох. Зохиомол амьсгалтай холбоотой уушгины хатгааны үүсгэгч эмгэгтөрөгчийн эмэнд тэсвэржилт, эмчлүүлэгсдийн тавиланг тодорхойлсон дүн. Эрүүл мэндийн шинжлэх ухаан. 2024;20(6):52-58.