Loading...
Нийлмэл найрлагатай шахмал эм гарган авах технологи боловсруулах, чанарыг үнэлэх асуудалд
Зохиогч
Л.Марал
Д.Батдорж
Г.Ганчимэг
С.Бадамцэцэг
Р.Лхаасүрэн
Б.Баясгалан
Он
2024 оны арван нэгдүгээр сарын 7
Төрөл
journal article
Journal
Эрүүл мэндийн шинжлэх ухаан
Volume
20
Issue
7
Start Page
89
End Page
93
ISSN
2959-6947
Хураангуй
Үндэслэл: Томуу, томуу төст өвчин нь богино хугацаанд олон хүнийг хамран өвчлүүлж, хүндрэл, эндэгдэлд хүргэдгэдэг нийгмийн эрүүл мэндийн тулгамдсан асуудлын нэг төдийгүй ДЭМБ-ын судалгаагаар жил бүр 3-5 сая хүн томуугийн улмаас хүндэрч, 290-650 мянган хүн нас барж байгаа талаар онцолсон байна1. Эмнэлзүйн шинж тэмдгийн үед шалтгааны эсрэг эмчилгээтэй хавсарч халуурах, толгой өвдөх, үе мөч-булчин өвдөх, хамар битүүрэх, нусгайрах, нулимс гоожих гэх зэрэг шинж тэмдгийн эсрэг эмчилгээ хийгддэг2,3. Манай улсын эмийн зах зээл дээр ханиад томууны үед хэрэглэгддэг уламжлалт эм, ургамлын гаралтай эм болон цэр ховхлох, халуун бууруулах үйлдэлтэй ерөнхий нэршлийн эмүүдийг дотооддоо үйлдвэрлэдэг боловч хавсарсан шинж тэмдгийн эмчилгээнд хэрэглэх хосолсон найрлага бүхий эмийн судалгаа одоогоор манай оронд хийгдээгүй байна4. Иймээс бид амьсгалын дээд замын цочмог үрэвсэл ба ханиад томууны үед илрэх зовуурь, эмгэг шинж тэмдгүүдийг хөнгөвчлөх ацетаминофен, фенилэфриний гидрохлорид, хлорфенирамины малеатын хосолсон найрлага бүхий импортыг орлохуйц шахмал эмийн технологийг судлах нь энэхүү судалгааны үндэслэл болж байна. Зорилго: Нийлмэл найрлагатай шахмал эмийн технологийг боловсруулж, чанарыг үнэлэх. Арга, аргачлал: Бид нэг шахмалд ацетаминофен 325 мг, фенилэфриний гидрохлорид 5 мг, хлорфенираминий малеат 1 мг агуулагдахаар тооцож, туслах бодисыг тохирох хэмжээгээр өөр өөр харьцаагаар сонгож, чийгтэй мөхлөгжүүлэх аргаар туршилтын 4 загвар шахмал гарган авсан. Хэлбэржүүлэлтийн өмнөх судалгааг Европын фармакопей (EP-2015)-ийн аргачлалын дагуу тодорхойлж S250 автомат шахмалын машинаар хэлбэржүүлж шахмал гарган авав. Шахмал эмийн физик үзүүлэлтүүд, микробиологийн үзүүлэлтийг БНХАУ-ын Фармакопей (СР-2020)-ийн дагуу шахмал эмийн шаардлагын дагуу тодорхойлов. Нийлмэл найрлагатай шахмал эмийн найрлагад агуулагдах үндсэн үйлчлэгч бодисын хэмжээг Өндөр идэвхт шингэний хроматографи (ӨИШХ)-ийн аргаар тодорхойлов. Үр дүн: Туршилтын А3, А4 загварын шахмалын урсах чанар, шахагдах чадвар нь (EP-2015)-ийн шаардлагыг хангаж байлаа. Үндсэн үйлчлэгч бодисын агууламжийг (ӨИШХ)-ийн аргаар тодорхойлоход А3 загварын шахмалд Ацетаминофены агууламж мг/шахмал 321.77±0.85, Фенилэфрины гидрохлорид, мг/шахмал 5.03±0.01, Хлорфенамины малеат, мг/шахмал 2.18±0.03 тус тус агуулагдаж байсан нь хамгийн тохиромжтой болохыг тогтоолоо. Дүгнэлт: 1. Нийлмэл найрлагатай шахмал эмийг А3 загварын найрлагаар, чийгтэй мөхлөгжүүлэх аргаар гарган авах нь тохиромжтой болохыг тогтоолоо. 2. Нийлмэл найрлагатай А3 загвар шахмал нь гадна байдал, дундаж жин, бат бөх чанар, уусалт, үйлчлэгч бодисын агууламж болон микробиологийн үзүүлэлтээр чанарын шаардлага хангаж байна.
Background: According to WHO research, 3-5 million people are affected by the flu every year and 290-650 thousand people die. In case of clinical symptoms, anti-symptomatic treatment such as fever, headache, joint-muscle pain, stuffy nose, squinting, lacrimation etc. is performed along with treatment against the cause. Therefore, we are researching the technology of tablets that can replace imports made of quality guaranteed raw materials with a combination of acetaminophen, phenylephrine hydrochloride, and chlorpheniramine maleate, which relieves the pain and pathological symptoms of acute upper respiratory tract inflammation and colds. Aim: To develop and evaluate the quality of the technology of tablets with complex ingredients. Materials and Methods: One tablet is calculated to contain 325 mg of acetaminophen, 5 mg of phenylephrine hydrochloride, and 1 mg of chlorpheniramine maleate. Appropriate excipients were selected in different ratios, and 4 experimental tablets were obtained by wet granulation. The pre-formulation studies were determined according to the European Pharmacopoeia(EP-2015) methodology and tablets were formed by S250 automatic tabletting machine. The physical parameters and microbiological parameters of tablets were determined according to the requirements of tablets according to the Pharmacopoeia of China (CP-2020). The amount of the main active substance contained in the composition of tablets with a complex composition was determined by the method of high-performance liquid chromatography (HPLC). Results: The flowability and compressibility of test A3 and A4 tablets met the requirements of (EP-2015). By determining the content of the main active substance (A3) according to the method, it was found that the content of Acetaminophen mg/tablet 321.77±0.85, Phenylephrine hydrochloride, mg/tablet 5.03±0.01, and Chlorphenamine maleate, mg/tablet 2.18±0.03 were the most appropriate. determined. Conclusions: 1. It has been determined that it is suitable to produce tablets with a compound composition using the A3 formula and wet granulation method. 2. A3 model tablets with composite composition meet quality requirements in terms of appearance, average weight, durability, dissolution, content of active substances and microbiological parameters.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1145
Эшлэл
Л.Марал, Д.Батдорж, Г.Ганчимэг, С.Бадамцэцэг, Р.Лхаасүрэн, Б.Баясгалан. Нийлмэл найрлагатай шахмал эм гарган авах технологи боловсруулах, чанарыг үнэлэх асуудалд. Эрүүл мэндийн шинжлэх ухаан. 2024;20(7):89-93.