Loading...
Улаанбаатар хотын зарим дүүргийн сургуулийн өмнөх насны тархины саатай хүүхдийн амны хөндийн байдлыг судалсан дүн
Зохиогч
Б.Оюунцэцэг
Он
2024 оны арван нэгдүгээр сарын 7
Төрөл
journal article
Journal
Эрүүл мэндийн шинжлэх ухаан
Volume
20
Issue
7
Start Page
124
End Page
127
ISSN
2959-6947
Хураангуй
Үндэслэл: Тархины саатай хүүхдэд тархины аль хэсэгт гэмтэл үүссэнээс хамаарч хөдөлгөөний эмгэгүүд дангаараа эсвэл хавсарч илэрдэг байна. Эдгээр хөдөлгөөний эмгэгийн байдлаас хамааран тухайн хүүхэд нь алхах, ярилцах, хооллох, хувцаслах, усанд орох, шүдээ угаах зэрэг өдөр тутмын бие даасан үйл ажиллагааг гүйцэтгэхэд бэрхшээлтэй байдаг. Үүний улмаас хүүхдийн амны хөндийн эрүүл мэнд, эрүүл ахуйн байдал нь асран хамгаалагчаас хэсэгчилсэн эсвэл бүрэн хамааралтай болдог. Хөгжлийн бэрхшээлтэй хүүхэд, тархины саатай хүүхдийн амны хөндийн байдал нь тулгамдсан асуудал болж байгаа бөгөөд түүнийг судлах, эмчилгээний хэрэгцээг тодорхойлох шаардлагатай байгаа нь энэхүү судалгааг хийх үндэслэл боллоо. Зорилго: Сургуулийн өмнөх насны тархины саатай хүүхдийн амны хөндийн байдлыг судлах. Арга, аргачлал: Бид дескриптив судалгааны нэг агшны загвараар сургуулийн өмнөх насны 119 хүүхдийг хамруулан судалгааг хийж гүйцэтгэсэн. Судалгаанд оролцогчдын амны хөндийн эрүүл ахуйн төлөвийг Федорова-Володкина (1970) аргаар үнэлж, нэг удаагийн үзлэгийн багаж ашиглан амны хөндийн өвчлөл, буйл тулгуур эдийн байдал болон бусад шинж тэмдгүүдийг үнэлэв. Судалгааны ажлын үр дүнг статистикийн STATA-18.0 (Stata Corp, USA) программ хангамжийг ашиглан боловсруулсан. Үр дүн: Судалгаанд хамрагдсан 1-6 насны 119 хүүхдийн амны хөндийн эрүүл ахуй хангалтгүй (94.1%), шүд цоорох өвчний тархалт 89.1% байсан бол шүд цоорох өвчний эрчим 6.9±0.5 цл/ш байв. Үүнээс 4 насанд шүд цоорох өвчний эрчим хамгийн их буюу 11.2±1.2 байсан (p=0.000). Буйлны үнэлгээгээр 48.7% нь эрүүл, 51.3% нь үрэвсэлтэй байв. Судалгаанд оролцогчдын 37.8%-д нь шүлс гоожих шинж тэмдэг илэрсэн бол 62.2% нь шүлс гоожих шинж тэмдэггүй. Мөн шүдний эмгэг элэгдэл 23.5%-д илэрсэн ба нас нэмэгдэхийн хирээр буюу 6 насанд хамгийн их байгаа нь ажиглагдлаа (p=0.006). Дүгнэлт: Тархины саатай хүүхдийн амны хөндийн эрүүл ахуйн төлөв хангалтгүй ба нас нэмэгдэх тутамд шүд цоорох өвчний тархалт, эрчим, буйлны үрэвсэл болон бусад шинж тэмдэг нэмэгдэж байна.
Background: Children with cerebral palsy often experience movement disorders that may present either independently or in combination, contingent upon the specific areas of the brain that are affected. The nature and severity of these movement disorders can significantly impede a child’s ability to engage in essential daily activities, such as walking, speaking, eating, dressing, bathing, and maintaining personal hygiene, including tooth brushing. Consequently, the child’s oral health and hygiene often rely heavily on caregiver support. Therefore, it is imperative to evaluate and analyze the oral health status of these children to identify their dental treatment needs and to provide relevant information to parents, guardians, educators, and healthcare professionals. Aim: The objective is to examine the oral health status of preschool-aged children with cerebral palsy. Materials and Methods: We included 119 preschool-aged children from the 10th complex of kindergartens and nursery in the capital city, employing a cross-sectional descriptive research model. The study was conducted with the approval of the Research Ethics Review Committee of MNUMS (Approval No. 2023/3-06). The oral hygiene status of the participants was evaluated using the Fedorova-Volodkina method (1970), while oral diseases, gingival tissue condition, and other related symptoms were assessed through a single examination tool. The study results were analyzed using the statistical software STATA 18 (Stata Corp, USA). Results: Among the 119 children aged 1 to 6 who participated in the study, 94.1% exhibited insufÏcient oral hygiene, and the prevalence of tooth decay was found to be 89.1%, with an average intensity of 6.9±0.5 clinical surfaces per tooth. The highest intensity of caries was observed at age 4, measuring 11.2±1.2 (p=0.000). Gingival evaluations indicated that 48.7% of the participants were healthy, while 51.3% exhibited signs of inflammation. Additionally, 37.8% of the respondents displayed symptoms of drooling, whereas 62.2% did not. Dental erosion was identified in 23.5% of the children, with a notable increase in prevalence corresponding to age, particularly at 6 years (p=0.006). Conclusion: The oral hygiene of children with cerebral palsy is inadequate, and both the prevalence and intensity of tooth decay, gingivitis, and other related symptoms tend to increase with age.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1151
Эшлэл
Б.Мишээл, Б.Оюунцэцэг. Улаанбаатар хотын зарим дүүргийн сургуулийн өмнөх насны тархины саатай хүүхдийн амны хөндийн байдлыг судалсан дүн. Эрүүл мэндийн шинжлэх ухаан. 2024;20(7):124-127.