Loading...
Элэгний фиброз үүсэхэд холбогч эдийн ургалтыг дэмжигч PIIINP биомаркерыг тодорхойлсон дүн
Зохиогч
Б.Сувдаа
А.Хас
Г.Улзмаа
Н.Өлзий-орших
Д.Бадамсүрэн
Ц.Бат-эрдэнэ
Р.Анармаа
Он
2024 оны арван нэгдүгээр сарын 7
Төрөл
journal article
Journal
Эрүүл мэндийн шинжлэх ухаан
Volume
20
Issue
7
Start Page
190
End Page
194
ISSN
2959-6947
Хураангуй
Үндэслэл: Элэгний фиброзын үүсэлт нь элэгний одлог эсүүд (HSCs)-д эсийн гаднах матрицийн (ECM) илүүдэл үүссэнээс үүдэлтэй гэж үздэг. Холбогч эдийн гол бүрэлдэхүүн нь III төрлийн коллаген юм. Шархны эдгэрэлт, элэгний фиброз үүсэхэд холбогч эдийн ширхгийн олшрол гол үүрэг гүйцэтгэдэг. III төрлийн коллагены нийлэгжилтийн үед III төрлийн проколлагены N-терминал пропептид (PIIINP) үүсдэг. PIIINP-ийг элэгний фиброз, элэгний хатуурлын маркер болгон хэрэглэж болох талаар эрдэмтэд дурьдсан байдаг. Тиймээс PIIINP-ын хэмжээ нь коллагены нийлэгжилт, эсийн гаднах орон зайд (матрикс) хуримтлагдах шууд үзүүлэлт болдог байна. Disse-ийн орон зайд ECM хуримтлагдах нь элэгний гэмтэлд хүргэх гол нөхцөл болдог. Зорилго: Элэгний эсийн гэмтлийн шууд биомаркер PIIINP-ыг тодорхойлж, элэгний эдэд үүсэх холбогч эдийн ургалт сорвижилтыг бичил бүтцийн өөрчлөлтөөр тодорхойлж харьцуулах. Арга, аргачлал: Бид судалгаагаа эмнэлэгт суурилсан нэг агшингийн судалгааны загвараар хийж гүйцэтгэсэн. Эрүүл мэндийн яамны Анагаах ухааны ёс зүйн хяналтын хорооны тогтоол (23/001)-ийг үндэслэн хийж гүйцэтгэсэн. Судалгаанд УГТЭийн элэгний төвөөр 2023 оны 2 дугаар сараас -2024 оны 7 дугаар сар хүртэлх хугацаанд хэвтэн эмчлүүлэгсдээс судалгааны шалгуур хангасан 42 үйлчлүүлэгчдийг хамруулсан. Судалгаанд оролцсон эмчлүүлэгчдийн элэгний эдээс хатгалтын аргаар сорьц авч эдийн шинжилгээ хийсэн. Харин цусны ийлдсэнд РIIINP-ийг тодорхойлохдоо ELISA цомог ашигласан. Элэгний эдэд үүсэж буй холбогч эдийн олшролын зэргийг Метаврын (F0-F4) ангиллын дагуу үнэлсэн. Судалгааны үр дүнгийн статистик боловсруулалтыг STATA-14 программыг ашиглан бүлэг хоорондын харьцуулалт болон дунджуудын ялгаатай байдлыг ANOVA тест бодож, p<0.05 үед статистик ач холбогдолтойд тооцов. Үр дүн: Судалгаанд хамрагдсан эмчлүүлэгчдийн 31 (73.8%) нь эмэгтэй, 11 (26.2%) эрэгтэй байв. Метаврын ангиллаар элэгний эдэд үүссэн холбогч эдийн ургалтыг F0-1, F2-3, F4 гэж 3 бүлэг болгосон. Гистологийн шинжилгээгээр элэгний эдэд үүссэн холбогч эдийн ургалтыг Трихром Массоны будгаар будаж Метаврын ангилалтай харьцуулан судлав. Бид бүлэг хоорондох PIIINP-ийн илрэлийн ялгаатай эсэхийг тодорхойлоход (p=0.017) статистик ач холбогдол бүхий ялгаатай байв. Холбогч эдийн ургалтын илрэл F0-1 болон F2-3 бүлгийн хооронд ялгаа ажиглагдав (p=0.05). PIIINP-ийн босго утга ≥ 15.15нг/мл байх үед мэдрэг чанар 71.4%, өвөрмөц чанар 74.3% байна. Дүгнэлт: Бидний судалгаанд хамрагдсан үйлчлүүлэгчдийн цусны сийвэндэх PIIINP маркерын илрэлийг гистологийн шинжилгээгээр баталгаажуулахад элэгний эдэд үүсэх холбогч эдийн ургалтанд шууд дэмжих нөлөөлөл үзүүлдэг болох нь тодорхойлогдов.
Background: Hepatic stellate cells promote fibrosis, responding to injury and inflammation, causing excessive accumulation of ECM and liver fibrosis. The N-terminal peptide of type III procollagen (PIIINP) is released during the synthesis of type III collagen and is a direct indicator of ECM collagen accumulation. Excessive accumulation of ECM in the space of Disse is the main characteristic of liver fibrosis5,6. Aim: To evaluate the effect of clinical severity of liver fibrosis on the serum level of PIIINP. Materials and Methods: We used a cross-sectional study design. We included 42 patients who were admitted to Third State Central Hospital from February 2024 to July 2024 and fulfilled the study’s criteria. We collected serum samples to measure PIIINP levels using an ELISA kit, and percutaneous liver biopsies were obtained for histopathology. The study was approved and carried out by the 23/001 protocol of the Ethical Committee. STATA-14 was used for analysis, and correlation and mean differences were calculated using ANOVA. Results: The study patients were females n=31 (26.2%) and males n=11 (26.2%). A Metavir scoring system was used to classify liver fibrosis grades. We divided into 3 groups: minimal or no fibrosis (F0-1), advanced fibrosis (F2-3), and Liver cirrhosis (F4). A moderate positive correlation was found between PIIINP level and liver fibrosis grade (p=0.03). There was a significant statistical difference in serum mean PIIINP level between the F0-1 and F2-3 groups (p=0.05). The accuracy of the test, according to AUC, was 0.714. When we set the PIIINP cut-off value to ≥15.15ng/ml, sensitivity and specificity were 71.4% and 74.3%, respectively. Conclusion: Our study concluded that serum PIIINP level is a direct biomarker of liver fibrosis and cirrhosis.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1165
Эшлэл
Б.Сувдаа, А.Хас, Г.Улзмаа, Н.Өлзий-орших, Д.Бадамсүрэн, Б.Алтанцэцэг нар. Элэгний фиброз үүсэхэд холбогч эдийн ургалтыг дэмжигч PIIINP биомаркерыг тодорхойлсон дүн. Эрүүл мэндийн шинжлэх ухаан. 2024;20(7):190-194.