Loading...
Байнгын хоёрдугаар их араа шүдний сувгийн морфометрийн үзүүлэлтийг орон зайн төлөвт Монгол хүнд судалсан дүн
Зохиогч
Он
2024 оны арван хоёрдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
8
Start Page
23
End Page
26
ISSN
2959-6947
Хураангуй
Үндэслэл: Шүдний эмч нарын хувьд шүдний сувгийн эмчилгээг амжилттай гүйцэтгэх ажлын гол үндэс нь сурвалжийн сувгийн анатоми бүтцийн талаарх мэдлэг, анхаарал болгоомжтой нягт нямбай хийгдсэн сувгийн цэвэрлэгээ, хэлбэржүүлэх үйл явцад оршдог. Эндээс хамгийн их хүндрэл дагуулдаг сувгийн анатомийн хэлбэр бол С хэлбэрийн сувгийн систем юм. Учир нь С хэлбэрийн сувагтай шүдний сувгийн хана нимгэн, зарим хэсэгт нарийн тууз хэлбэр үүсгэсэн байдаг тул сувгийн механик цэвэрлэгээ хийж, хэлбэржүүлэх явцад сувгийн хөндийд зөөлц үлдэх, сувгийн хана цоорох зэрэг эрсдэл хүндрэлүүд үүсдэг болохыг эмч судлаачид тэмдэглэсэн байдаг. Иймд Байнгын хоёрдугаар их араа шүдний морфометрийн үзүүлэлтийг гурван хэмжээст орон зайн төлөвт буюу КЦКТ-ын шинжилгээний аргаар С хэлбэрийн сувгийн тархалтыг судлах нь эдгээр эмгэгүүдийн оношилгоо, эмчилгээг нарийн төлөвлөхөд ач холбогдолтой төдийгүй манай улсад энэ чиглэлээр хийгдсэн судалгааны ажил хомс байгаа нь энэхүү судалгааг хийх үндэслэл болсон. Зорилго: Байнгын хоёрдугаар их араа шүдний сувгийн морфометрийн үзүүлэлт,С хэлбэрийн сувгийн тархалтыг тодорхойлох. Арга, аргачлал: Судалгааг 2014 оны 7 сараас Анагаахын Шинжлэх ухааны Үндэсний Их сургуулийн (АШУҮИС) Нүүр Ам Судлалын Төв Эмнэлгийн (НАСТЭ) Нүүр Амны Дүрс Оношилгооны тасагт үйлчлүүлсэн 15-55 насны шинжлүүлэгчдийн Конус Цацрагт Компьютер Томографи (КЦКТ) зургаас зорилтот түүврийн аргаар 50 зургийг түүвэрлэв. Ингэхдээ хоншоор ба эрүүний хоёрдугаар араа шүдний сурвалжийн сувгийн морфометрийн үзүүлэлтийг сурвалж тус бүрээр тодорхойлж, нийт тохиолдол дотор С хэлбэрийн сувгийн тархалтыг судлав. Судалгааг ёс зүйн зөвшөөрлийн (2023/3-01-20) хүрээнд гүйцэтгэсэн ба статистик боловсруулалтыг SPSS-27.0 программ ашиглан хийв. Үр дүн: Хоншоорын хоёрдугаар их араа шүдэнд С хэлбэрийн сувгийн тархалт 14.2%, эрүүний хоёрдугаар их араа шүдэнд 52.1% байв. Харин сурвалжийн сувгийн морфометрийн үзүүлэлтийн хувьд хоншоорын 3 сувагтай хоёрдугаар их араа шүдний хацар талын медиал, хацар талын дистал, тагнай талын сувагт Vertucci-ын I хэлбэрийн тохиолдол харгалзан 85%, 98%, 100% тус тус тодорхойлогдсон бол эрүүний 3 сувагтай хоёрдугаар их араа шүдний медиал сувагт IV хэлбэр зонхилон тохиолдож байсан нь нийт тохиолдлын 67% байна. Дүгнэлт: 1. Монгол хүний байнгын хоёрдугаар араа шүдэнд С хэлбэрийн сувгийн тархалт эрүүний шүдэнд илүүтэй тохиолдож байна. 2. Сувгийн хэлбэрийн хувьд I ба IV хэлбэр зонхилон илэрлээ.
Background: For dentists, the main basis for successful root canal treatment lies in the knowledge of the anatomical structure of the root canal and the careful and meticulous cleaning and shaping of the canal. The most difÏcult anatomical form of the canal is the C-shaped canal system. Because the walls of the C-shaped canals are thin and in some parts form a narrow ribbon shape, doctors and researchers have noted that during mechanical cleaning and shaping of the canal, there are risks of leaving debris in the canal cavity and perforation of the canal wall. Therefore, studying the distribution of C-shaped canals in the morphometric parameters of permanent second molars in three-dimensional spatial form or using the C-shaped canal analysis method is not only important for accurate diagnosis and treatment planning of these diseases, but also the lack of research in this field in our country, which is the reason for conducting this study. Aim: Morphometric parameters of the canals of permanent second molars and determination of the prevalence of C-shaped canals. Materials and Methods: The study was conducted using a purposive sampling method, and 50 images were selected from Cone Beam Computed Tomography (CBCT) images of patients aged 15-55 years who had been treated at the Oral and Maxillofacial Imaging Department of the National University of Medical Sciences (NUMS) since July 2014. The morphometry of the canals of the canines and maxillary second molars was determined for each root, and the prevalence of C-shaped canals in all cases was studied. The study was conducted within the framework of ethical approval (2023/301-20) and statistical processing was performed using SPSS27 software. Results: The prevalence of C-shaped canals in the canines of the canines was 14.2% and in the maxillary second molars was 52.1%. In terms of root canal morphometric parameters, Vertucci’s type I was identified in 85%, 98%, and 100% of cases in the buccal, buccal, and palatal canals of the second molars with 3 canals in the maxilla, while type IV was predominantly found in the medial canal of the second molars with 3 canals in the maxilla, accounting for 67% of the total cases. Conclusions: 1. The prevalence of C-shaped canals in permanent second molars of Mongolians is more common in maxillary teeth. 2. In terms of canal shape, types I and IV are predominant.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1176
Эшлэл
Э.Урангуа, Ё.Намуунзул, Б.Энх-Орчлон, Р.Оюунтөгс, Ж.Дэлгэрцэцэг. Байнгын хоёрдугаар их араа шүдний сувгийн морфометрийн үзүүлэлтийг орон зайн төлөвт Монгол хүнд судалсан дүн. Эрүүл мэндийн шинжлэх ухаан. 2024;20(8):23-26.