Loading...
Бүсэлхий нурууны өвөрмөц бус архаг өвдөлтийг монгол анагаах ухааны цай, архин заслаар эмчилсэн дүн
Зохиогч
Он
2024 оны арван хоёрдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
8
Start Page
31
End Page
36
ISSN
2959-6947
Хураангуй
Үндэслэл: Нурууны өвдөлт нь дэлхий дахинд хөдөлмөрийн чадвар алдагдалд хүргэх тэргүүлэх шалтгаан болж байна. Дэлхийн өвчний ачааллын (GBD) 2021 оны судалгаагаар 2020 онд дэлхий дахинд 619 сая хүн нурууны өвдөлттэй байсан бөгөөд 2050 он гэхэд энэ тоо 843 саяд хүрэх төлөвтэй гэж мэдээлсэн байна. Бүсэлхий нурууны өвөрмөц бус архаг өвдөлт нь нурууны өвдөлтийн 90 орчим хувийг дангаар эзэлдэг болохыг судлаачид тэмдэглэсэн байна. Бүсэлхий нурууны өвөрмөц бус архаг өвдөлт нь Монгол анагаах ухаанд хүйтэн шар усны гэмээр үүсэх өвчний бүлэгт багтдаг. Монгол анагаах ухааны цай архин засал нь голдуу өвдөхийг зогсоон, хавдрыг хариулан, хөрснийг бүлээтгэн, үйл ажиллагааг сэргээх үйлдэлтэй халуун чанартай засал тул бүсэлхий нурууны өвөрмөц бус архаг өвдөлтийг эмчлэх тохиромжтой арга болохыг ном сударт цөөнгүй тэмдэглэсэн байна. Зорилго: Бүсэлхий нурууны өвөрмөц бус архаг өвдөлтийг монгол анагаах ухааны цай архин заслаар эмчилж, үр дүнг тооцох. Арга, аргачлал: Тус судалгааг АШУҮИС, МАУТЭ-ийн өдрийн эмчилгээний тасаг, Өвөр Монголын Олон Улсын Монгол Эмнэлгийн хорооны таван заслын тасагт түшиглэн эмнэлзүйн санамсаргүй хяналтат туршилт судалгааны аргаар 62 эмчлүүлэгчийг судалгаанд авч, эмчилгээний бүлэгт цай архин засал, хяналтын бүлэгт улаан гэрлийн шарлага эмчилгээг 7 хоног хийсэн. Эмчилгээний үр дүнг эмчилгээний өмнө, эмчилгээний 3, 7, 14, 30, 60 дахь хоногуудад нурууны өвдөлтөөс шалтгаалсан чадвар алдагдлыг Освестрийн чадвар алдалтын индексээр (ODI), амьдралын чанарыг EQ-5D-5L асуумжаар, сэтгэл гутралыг Бекийн сэтгэл гутралын үнэлгээгээр (BDI) үнэллээ. Үр дүн: Судалгаанд оролцогчдын 37 хувь (23) нь эрэгтэй, 62 хувь нь эмэгтэй (39), дундаж нас 49.54±9.9 жил байв. Эмчилгээ эхлэхийн өмнө ODI эмчилгээний бүлэгийн оноо 48.06±5.19, хяналтын бүлэгийн оноо 44.90±3.41 байсан ба 2 бүлгийн хооронд статистик ач холбогдол бүхий ялгаагүй байсан нь 2 бүлгийг харьцуулж болохуйц ижил гэдгийг харуулж байна (p=0.33). Энэ үзүүлэлт эмчилгээний 30 дахь хоногт эмчилгээний бүлэгийн оноо 2.32±5.93 байсан бол хяналтын бүлэгийн оноо 16.68±10.96 байсан нь цай архин засал эмчилгээний үр дүн улаан гэрэл эмчилгээний үр дүнтэй харьцуулахад статистик ач холбогодл бүхий ялгаатай байсан (p=0.0001). Эмчилгээ эхлэхийн өмнө амьдралын чанар EQ-5D-5L үнэлгээгээр эмчилгээний бүлэгийн оноо -0.26±0.09, хяналтын бүлэгийн оноо -0.26±0.089 байв (p=0.909). Эмчилгээний 30 дахь хоногт EQ-5D-5L эмчилгээний бүлэгийн оноо 0.971±0.08 байсан бол хяналтын бүлэгийн оноо 0.669±0.209 байсан ба цай архин засал эмчилгээний үр дүн улаан гэрэл эмчилгээний үр дүнтэй харьцуулахад статистик ач холбогодл бүхий ялгаатай байлаа (p=0.0001). Эмчилгээ эхлэхийн өмнө BDI эмчилгээний бүлэгийн оноо 59.52±2.59, хяналтын бүлэгийн оноо 58.39±3.19 байв (p=0.123). Эмчилгээний 7 дахь хоногт BDI эмчилгээний бүлэгийн оноо 3.71±6.28 байсан бол хяналтын бүлэгийн оноо 14.35±11.65 (p=0.0001), 30 дахь хоногт эмчилгээний бүлэгийн оноо 2.74±6.15 байсан бол хяналтын бүлэгийн оноо 14.32±11.68 байсан ба энэ нь цай архин засал эмчилгээний үр дүн улаан гэрэл эмчилгээний үр дүнтэй харьцуулахад статистик ач холбогдол бүхий ялгаатай байлаа (p=0.0001). Дүгнэлт: 1. Бүсэлхий нурууны өвөрмөц бус архаг өвдөлттэй хүмүүст Монгол анагаах ухааны цай архин заслын эмчилгээ хийх нь улаан гэрлийн эмчилгээтэй харьцуулахад нурууны өвдөлтөөс шалтгаалах чадвар алдагдлыг илэрхий бууруулж байна (p=0.001). 2. Монгол анагаах ухааны цай архин засал эмчилгээ нь бүсэлхий нурууны өвөрмөц бус архаг өвдөлттэй хүмүүсийн амьдралын чанарыг сайжруулж байна (p=0.001). 3. Монгол анагаах ухааны цай архин засал эмчилгээ нь бүсэлхий нурууны өвөрмөц бус архаг өвдөлттэй хүмүүсийн сэтгэл гутралыг бууруулж байна (p=0.0001).
Background: Low back pain is the leading cause of disability worldwide. According to the 2021 Global Burden of Disease (GBD) study, 619 million people worldwide had low back pain in 2020, and this number is expected to reach 843 million by 2050. Loin Nonspecific chronic low back pain alone accounts for approximately 90% of low back pain. Non-specific chronic pain in the lower back belongs to the group of diseases that appear to be caused by cold yellow water in Mongolian medicine. Mongolian medicine tea and alcohol therapy is a heat treatment that mainly stops pain, treats tumors, stimulates the soil, and restores function, so it is a suitable method for treating non-specific chronic pain in the lower back. Aim: Evaluating the results of treatment of non-specific chronic back pain with Mongolian herbal tea and alcohol treatment. Materials and Methods: In the study,including 62 participants using the method of clinical randomized controlled trial research. Treatment results were assessed before treatment and on days 3, 7, 14, 30, and 60 of treatment using the Oswestry Disability Index (QL), The EuroQol 5-Dimension (EQ-5D-5L), and Beck’s Depression Inventory (BDI) evaluated. Results: 37 percent (23) of the participants were male and 62 percent were female (39), the average age was 49.54±9.9 years. Before treatment, the EI was 48.06±5.19 in the treatment group and 44.90±3.41 in the comparison group, and the difference between the two groups was not statistically significant, indicating that the two groups were comparable (p=0.33). 30 days after the start of treatment, it was 2.32±5.93 in the treatment group and 16.68±10.96 (p=0.0001) in the control group, which shows that the results of tea and alcohol therapy are statistically significantly higher than those of red light therapy. Before starting the treatment, EQ5D-5L benefit index value was -0.26±0.09 in the treatment group and -0.26±0.09 in the control group was -0.26±0.089 and there was no statistically significant difference between the two groups, indicating that the two groups were comparable (p=0.909). Treatment After 30 days, it was 0.971±0.08 in the treatment group and 0.669±0.209 in the control group (p=0.0001) showed that the results of tea and alcohol therapy are statistically higher than those of red light therapy. Before treatment, BDI was 59.52±2.59 in the treatment group and 58.39±3.19 in the control group, and there was no statistically significant difference between the two groups, indicating that the two groups were comparable (p=0.123). After 7 days of treatment, the BDI-treatment group was 3.71±6.28, compared to 14.35±11.65 (p=0.0001), and after 30 days, the treatment group was 2.74±6.15, compared to 14.32±11.68 (p=0.0001) showed that the results of tea and alcohol therapy are statistically higher than those of red light therapy. Conclusions: 1. In people with non-specific chronic low back pain, treatment with Mongolian medicinal tea and alcohol therapy significantly reduces disability due to back pain compared to red light therapy (p=0.001). 2. Mongolian medicinal tea and alcohol therapy improves the quality of life of people with non-specific chronic low back pain (p=0.001). 3. Mongolian medicinal tea and alcohol therapy reduces depression in people with non-specific chronic low back pain (p =0.0001)
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1178
Эшлэл
Адъяа (Adiya), Н.Оюунцэцэг, З.Болортулга, Н.Занди. Бүсэлхий нурууны өвөрмөц бус архаг өвдөлтийг монгол анагаах ухааны цай, архин заслаар эмчилсэн дүн. Эрүүл мэндийн шинжлэх ухаан. 2024;20(8):31-36.