Loading...
Тамхинаас гаргах эмийн ба эмийн бус бүтээгдэхүүний үнэ ба зардлын судалгаа
Зохиогч
Н.Эрдэнэсцацрал
Он
2024 оны арван хоёрдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
8
Start Page
89
End Page
92
ISSN
2959-6947
Хураангуй
Үндэслэл: Тамхи дэлхий дахинд жил бүр 8 сая хүний үхлийн шалтгаан болдог. Манай улсад тамхинаас шалтгаалж жилд 4000 гаруй нас барж, хүн амын дунд тамхи таталтын хэмжээ 27 хувьтай байна. Үүнээс улбаалан тамхинаас гаргах бүтээгдэхүүн үйлчилгээний эрэлт хэрэгцээ, хүртээмжийг судлах шаардлагатай байна. Зорилго: Тамхинаас гаргах бүтээгдэхүүний төрөл, борлуулалтын үнийг судлах замаар тамхинаас гарах хүсэлтэй нэг хүнд ноогдох эмийн зардлыг тооцох. Арга, аргачлал: Судалгааг агшингийн судалгааны загвараар хийж гүйцэтгэсэн. Улаанбаатар хотод үйл ажиллагаа явуулж буй 41 эмийн сангуудад борлуулагдаж байгаа тамхинаас гаргах зориулалт бүхий бүтээгдэхүүний төрөл, үнийн судалгааг асуумж судалгааны аргаар цуглуулав. Үр дүн: Судалгаанд хамрагдсан 41 эмийн сангуудын 17 буюу 41.5 хувьд нь тамхинаас гаргах эмийн ба эмийн бус бүтээгдэхүүн байсан бол 24 буюу 58.5 хувьд худалдаалдаггүй байв. Худалдан авалтын тал хувийг 36-45 насны бүлгийн хэрэглэгч, 80 хувийг эрэгтэй хүйсийн хэрэглэгч эзэлж байгааг тогтоов. Харин эмийн сангуудад худалдаалагдаж байгаа тамхинаас гаргах зориулалт бүхий бүтээгдэхүүний 72.3 хувийг Tabex эм дангаараа, 27.7 хувийг тамхинаас гаргах наалт, тамхинаас гаргах бохь зэрэг бусад бүтээгдэхүүн эзэлж байв. Тамхинаас гаргах бүтээгдэхүүнүүдийг ихэвчлэн байшин хороололд байрлалтай эмийн сангууд худалдаалдаг болох нь тодорхойлогдсон бөгөөд СХД-ийн гэр хороололд давхардсан тоогоор 2 төрлийн (Tabex, Nosmoq) тамхинаас гаргах бүтээгдэхүүн байсан. Нэг хүнд ноогдох тамхинаас гаргах бүтээгдэхүүний зардал төрөл болон эмчилгээний хугацаанаас хамаарч дунджаар 78.000-507.000 төгрөгийн үнэтэй байгааг тодорхойлов. Дүгнэлт: Тамхинаас гаргах эмийн ба эмийн бус бүтээгдэхүүний төрөл, сонголтыг нэмэгдүүлэх, нэг хүнд ноогдох тамхинаас гаргах бүтээгдэхүүний зардлыг бууруулах шаардлагатай байна. Цаашид тамхинаас гаргах эмийн ба эмийн бус бүтээгдэхүүнийг эрүүл мэндийн даатгалын сангаар санхүүжүүлэх шаардлагатай байж болох юм гэж бид үзэж байна.
Background: Globally, tobacco is responsible for eight million deaths each year. Tobacco kills more than 4,000 people a year in Mongolia. Aim of our study was to compare availability of tobacco products in local market and to estimate mean costs per quit attempt in Mongolia. Aim: Estimate the cost of smoking cessation products for per quit attempt on market in Mongolia. Materials and Methods: We used a cross sectional survey method. A survey of smoking cessation products sold in 41 pharmacies which locate in the city of Ulaanbaatar was conducted. Results: Almost 41 percent of pharmacies selling at least one type of smoking cessation product. It was determined that half of the buyers were aged between 36 and 45 years, and 80 percent were men. The most sold cessation product was Tabex which accounts for 72.3% of the tobacco products sold in pharmacies, while the remaining 27.7% is other type of smoking cessation products such as tobacco patch and tobacco cessation gums. Tobacco cessation products have been identified as being sold primarily by pharmacies located in residential neighborhoods, and there were 2 types of tobacco products (Tabex and Nosmoq) in the district of the Songinokhairkhan. The average cost of a smoking cessation product per person ranges from MNT 78,000 to MNT507,000, depending on the type of products and duration of treatment. Conclusion: It is necessary to increase the type and choice of pharmaceutical and non-pharmaceutical smoking cessation products at local market, to reduce the cost of smoking cessation products per quit attempt. In the future to provide funding support through health insurance funds.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1188
Эшлэл
Н.Эрдэнэсцацрал, Т.Ариунтуяа. Тамхинаас гаргах эмийн ба эмийн бус бүтээгдэхүүний үнэ ба зардлын судалгаа. Эрүүл мэндийн шинжлэх ухаан. 2024;20(8):89-92.