Loading...
Хүний папиллома вирусийн халдварын эсрэг вакцины талаарх эцэг эх, асран хамгаалагчдын хандлагыг судалсан дүн
Зохиогч
Он
2024 оны арван хоёрдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
8
Start Page
129
End Page
134
ISSN
2959-6947
Хураангуй
Үндэслэл: Монгол улсад стандартчилсан үзүүлэлтээр умайн хүзүүний хорт хавдар нь 100,000 эмэгтэй тутамд 20.2 тохиолдол, 9.6 нас баралт байгаа нь дэлхийн болон бүсийн түвшинтэй харьцуулахад өндөр үзүүлэлт юм. Умайн хүзүүний хорт хавдрын гол үүсгэгч нь хүний папиллома вирус (ХПВ)-ийн халдвар бөгөөд халдвараас сэргийлэх арга нь ХПВ-ийн дархлаажуулалт юм. Монгол улсын Дархлаажуулалтын тухай хуульд 2023 онд нэмэлт өөрчлөлт орж, хүний папиллома вирус (ХПВ)-ийн халдварын эсрэг вакциныг 11 настай хүүхдэд заавал хийх үндэсний товлолт вакцинд орсон. ХПВ-ийн халдвар болон ХПВ-ийн халдварын эсрэг вакцины талаарх хандлага нь вакцин хийлгэх шийдвэрт чухал нөлөөтэй байдаг. Иймд шинээр нэвтрүүлж буй вакцины талаарх эцэг эх, асран хамгаалагчдын хандлага, вакцин хийлгэх шийдвэрийн талаар судлах хэрэгцээ байгаа нь энэхүү судалгааг хийх үндэслэл болж байна. Зорилго: Хүний папиллома вирусийн халдварын эсрэг вакцины талаарх эцэг эх, асран хамгаалагчдын хандлагыг судлах. Арга, аргачлал: Агшингийн судалгааны загвараар, тоон аргаар мэдээллийг цуглуулж, үр дүнг SPSS-25.0 программд боловсруулсан. Судалгаанд Монгол улсын бүсийн төлөөлөл 4 аймаг, 8 сум, УБ хотын 3 дүүргээс нийт 3057 эцэг эх, асран хамгаалагч хамрагдсан. ХПВ-ийн халдварын эсрэг вакцины талаарх хандлагыг тодорхойлохдоо вакцины ач холбогдол, үр нөлөөг үнэлж, санал нийлж буй байдал, вакцин хийлгэх сэдлээр тодорхойлсон. Үр дүн: Судалгаанд нийт 3057 эцэг эх, асран хамгаалагч оролцсоноос хөдөө орон нутгийн иргэд 47.92 хувь, Улаанбаатар хотын иргэд 52.08 хувийг эзэлж байна. Судалгаанд оролцогчдын ихэнх (62.43) хувийг 9-11 насны хүүхдийн эцэг эх, асран хамгаалагчид эзэлж байна. Судалгаанд оролцогчдын 19.85 хувь нь хүүхдээ ХПВ-ийн халдвар авах эрсдэлтэй гэж үзэж, ХПВ-ийн халдварын эсрэг вакцин нь ХПВ-ийн халдвартай холбоотой хорт хавдраас урьдчилан сэргийлэхэд үр дүнтэй гэж 37.58 хувь нь үзсэн байна. Эцэг эх, асран хамгаалагчдын 13 хувь нь хүүхдэдээ ХПВ-ийн халдварын эсрэг вакцин хийлгэнэ гэж хариулсан бөгөөд 10 хүн тутмын 8 нь эргэлзэж байна гэжээ. ХПВ-ийн халдварын эсрэг вакцин хийлгэхгүй байх шалтгааныг тодруулахад вакцин хийлгэсний дараа ямар нэг гаж нөлөө гарахаас санаа зовж байна, вакцины чанар болон алсын үр дагаварт санаа зовж, эргэлзэж байна гэсэн хариулт зонхилсон байна. ХПВ-ийн халдварын эсрэг вакцин хийлгэх шийдвэр гаргахад вакцины талаарх нотолгоонд суурилсан мэдээлэл (48.9 хувь) болон эрүүл мэндийн ажилтны зөвлөгөө, мэдээлэл (40.63 хувь) чухал гэж эцэг эх, асран хамгаалагчид үзэж байна. ХПВ-ийн халдварын эсрэг вакцины талаарх хандлага хүйсийн хувьд ялгаагүй бол байршил, насны хувьд статистик ач холбогдол бүхий ялгаатай байна. Дүгнэлт: ХПВ-ийн халдварын эсрэг вакцинаас татгалзах болон эргэлзэхэд нөлөөлж буй асуудлыг шийдвэрлэхэд вакцины аюулгүй байдал, гаж нөлөө, үр дүнтэй байдлын талаарх нотолгоонд суурилсан мэдээллийг эцэг, эх асран хамгаалагчид өгөх, үүнд эрүүл мэндийн мэргэжилтнүүд хамгийн чухал, найдвартай эх сурвалж болохыг тодорхойллоо.
Background: Cervical cancer has a standardized rate of 20.2 cases per 100,000 women and 9.6 deaths per 100,000 women in Mongolia, which is high compared to global and regional levels. The leading cause of cervical cancer is human papillomavirus (HPV) infection, and HPV immunization is the way to prevent infection. The Immunization Law of Mongolia was amended in 2023, and the vaccine against human papillomavirus (HPV) infection was included in the mandatory national scheduled vaccination for 11-year-old children. Attitudes toward HPV infection and the HPV vaccine are essential influences on vaccination decisions. Therefore, there is a need to study the attitude of parents and guardians regarding the newly introduced vaccine and the decision to get vaccinated, which is the basis for conducting this study. Aim: To assess the attitudes of parents and guardians about the vaccine against human papillomavirus infection. Materials and Methods: Data were collected using a quantitative research model, and the results were processed in the SPSS 25.0 software. The study involved parents and guardians of children under the age of 15 from 4 aimags, eight sums, and 3 districts of UB city, representing the Mongolian region. Attitudes toward the HPV vaccine were determined by evaluating the importance and effectiveness of the vaccine, agreeing with it, and motivation to get vaccinated. Results: A total of 3057 parents and guardians participated in the survey; 47.92% were from rural areas, and 52.08% were from Ulaanbaatar. The majority of participants (62.43) are parents and guardians of children aged 9-11 years. 19.85 percent of the respondents believed that their children are at risk of HPV infection, and 37.58 percent agreed that the HPV vaccine is effective in preventing HPV-related cancers. Thirteen percent of parents and guardians said they would vaccinate their children against HPV infection, and 8 in 10 were unsure. When clarifying the reasons for not getting vaccinated against HPV infection, the most common responses were concerns about side effects after vaccination, concerns about the quality and long-term effects of the vaccine. Parents and guardians believe that evidence-based information about the vaccine (48.9 percent) and advice and information from health workers (40.63 percent) are essential when deciding to get vaccinated against HPV infection. Attitudes toward HPV vaccination did not differ by gender, but there were statistically significant differences by location and age. Conclusion: Providing parents and caregivers with evidence-based information about vaccine safety, side effects, and efÏcacy, including health professionals, was identified as the most essential and reliable resource for addressing issues that influence HPV vaccine refusal and hesitancy.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1196
Эшлэл
Х.Нансалмаа, Л.Баярмагнай, О.Дашпагам, Д.Оюунбилэг, Д.Даваалхам. Хүний папиллома вирусийн халдварын эсрэг вакцины талаарх эцэг эх, асран хамгаалагчдын хандлагыг судалсан дүн. Эрүүл мэндийн шинжлэх ухаан. 2024;20(8):129-134.