Loading...
Чихрийн шижин хэвшинж 2-т Антидиабетик цайны үзүүлэх нөлөөг судалсан дүн
Зохиогч
Он
2024 оны арван хоёрдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
8
Start Page
139
End Page
144
ISSN
2959-6947
Хураангуй
Үндэслэл: Сүүлийн 30 жилд дэлхийн хэмжээнд чихрийн шижин өвчний тохиолдол дөрөв дахин нэмэгдсэнтэй холбоотой олон улсад эмийн болон эмийн бус эмчилгээний эрэл үргэлжилж ургамлын гаралтай цай ЧШХШ2 оноштой үйлчлэгчдэд глюкозын солилцооны эмгэгт эерэг нөлөөлж байгааг тогтоосон цөөнгүй судалгаа хийгджээ. ЧШ оноштой хүнд уламжлалт анагаах ухааны ам цангах, шижин хам шинжүүдийг дүйлгэсэн судалгаа цөөнгүй хийгдсэн хэдий ч уг цайны найрлага дахь хонь, ямааны гүзээ, сархинаг, синнамон, хүрэн манжин, мангоны навч орсон ба чихрийн шижин хэв шинж 2-той үйлчлүүлэгчдэд хэрхэн нөлөөлж байгааг тодорхойлсон судалгаа ховор төдийгүй “Антидиабетик цайг” эмнэлзүйд нэвтрүүлэх шаардлагатай зүй ёсоор тавигдаж байгаа нь бидний судалгааны үндэслэл боллоо. Зорилго: Чихрийн шижин хэв шинж 2-той үйлчлүүлэгчдэд Антидиабетик цайны сахар бууруулах нөлөөг судлан тогтоох. Арга, аргачлал: Судалгааг хяналттай эмнэлзүйн туршилт судалгааны аргаар ЧШХШ-2 оношлогдсон судалгаанд хамруулах шалгуур хангасан нийт 60 үйлчлүүлэгчдийг стандарт эмчилгээ (хяналтын бүлэг) болон судалгааны(туршилтын) 2 бүлэгт хуваасан. Стандарт эмчилгээний бүлэгт эмийн эмчилгээг үргэлжлүүлж, судалгааны бүлэгт “Антидиабетик” цайг өдөрт 2 удаа 3 сар (90 хоног) уулгаж лабораторийн шинжилгээ / цусны дэлгэрэнгүй шинжилгээ, биохимийн шинжилгээ, инсулин, С пептид/-ний үзүүлэлтүүдэд тулгуурлан үр дүнг тогтоолоо. Үр дүн: ЧШХШ2 оноштой үйлчлүүлэгчдэд цайг уухаас өмнө болон цайг өдөрт 2 удаа 3 сар (90 хоног) уулгасны дараа шинжилгээг давтан хийхэд глюкоз 7.58mmol/l-7.55mmol/l (p=0.9264), HbA1c 7.63%6.88% (p=0.0083) болж статистик ач холбогдолтой хэмжээнд буурч тодорхойлогдсон. Холестерин болон цусны дэлгэрэнгүй шинжилгээнд статистик ач холбогдол илрээгүй. Триглицерид бага зэрэг буурсан. Инсулин 16.86mU/ ml-18.4mU/ml (p=0.4811), С пептид 2.58ng/ml-3.32ng/ml (p=0.0651) болж ач холбогдолтой өссөн үр дүн илэрсэн. Дүгнэлт: Антидиабетик цай нь ЧШХШ2 оноштой үйлчлүүлэгчдийн нойр булчирхайн дотоод шүүрлийн үйл ажиллагааг дэмжин бетта эсийг идэвхжүүлж инсулин болон С пептидийг нэмэгдүүлэх замаар цусан дах сахрын хэмжээг бууруулах нөлөө үзүүлж байна. Уламжлалт мэдлэгт суурилж гаргаж авсан байгалийн гаралтай экологийн дайвар махан бүтээгдэхүүн болон чихрийн шижин өвчтэй хүмүүсийн HbA1c-ийн түвшинд мэдэгдэхүйц нөлөө үзүүлдэг ирээдүйтэй эмчилгээ гэж үзэж байгаа синнамон, өндөр антиоксидант агууламжтай хүрэн манжин, хорт хавдар, чихрийн шижингийн эсрэг үйлдэлтэй болох нь тогтоогдсон манго жимс бүхий орцтой Aнтидиабетик цайг чихрийн шижин хэв шинж 2-ийн эмчилгээнд нэмэлтээр хэрэглэхэд үр дүнтэй байх боломжтой байна.
Background: In the last 30 years, due to the quadrupling of the incidence of diabetes in the world, the search for pharmaceutical and non-pharmacological treatments has continued, and many studies have been conducted that have shown that herbal tea has a positive effect on glucose metabolism disorders in people diagnosed with diabetes. With this in mind, we set out to study the blood glucose-lowering effect of “Antidiabetic” tea made from plants and animals based on traditional medical knowledge. Aim: To investigate the sugar-lowering effect of Antidiabetic tea in clients with type 2 diabetes Materials and Methods: A total of 60 clients who met the criteria for inclusion in the study and were diagnosed with diabetes type-2 in a controlled clinical trial were divided into 2 groups: standard treatment (control group) and research (experimental) group. In the standard treatment group, drug treatment was continued, and in the study group, “Antidiabetic” tea was administered twice a day for 3 months (90 days), and the results were determined based on the parameters of laboratory tests / comprehensive blood tests, biochemical tests, insulin and C peptide. Results: When the test was repeated before drinking the tea and after drinking the tea twice a day for 3 months (90 days) in clients with the diagnosis of diabetes type 2, glucose was 7.58mmol/l-7.55mmol/l(p=0.9264), HbA1c was 7.63%6.88%(p=0.0083). was determined to be statistically significant. Cholesterol and detailed blood tests did not show statistical significance. Triglycerides decreased slightly. Insulin 16.86mU/ml-18.4mU/ml(p=0.4811) and C peptide 2.58ng/ ml-3.32ng/ml(p=0.0651) showed a significant increase. Conclusion: Antidiabetic tea has the effect of reducing blood sugar levels by stimulating beta cells and increasing insulin and C peptides by supporting the endocrine function of the pancreas in patients with type 2 diabetes. Natural organic meat by-products based on traditional knowledge and cinnamon, which is considered a promising treatment with significant effects on HbA1c levels in diabetics, Antidiabetic tea containing high antioxidant content of beetroot, mango fruit, which has been found to have anti-cancer and anti-diabetic effects, can be effective in the treatment of type 2 diabetes.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1198
Эшлэл
Г.Батзаяа, Б.Цэрэнтогтох, Л.Баярмагнай, С.Ваанчигсүрэн, С.Сээсрэгдорж. Чихрийн шижин хэвшинж 2-т Антидиабетик цайны үзүүлэх нөлөөг судалсан дүн. Эрүүл мэндийн шинжлэх ухаан. 2024;20(8):139-144.