Loading...
Хепаклин-4 жороос шахмал эмийн хэлбэр гарган авах технологийн судалгаа
Зохиогч
Б.Отгонцэцэг
М.Хүслэн
Г.Бямбасүрэн
Б.Цэрэндолгор
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
38
End Page
41
ISSN
2959-6947
Хураангуй
Үндэслэл: Монгол улсад 2024 оны байдлаар хоол боловсруулах замын өвчлөл нь нийт нас баралтын тоогоороо 4-р байранд орсон байна. Үүнээс элэгний эсийн карцинома буюу элэгний эсийн хорт хавдраар 20501 хүн нас барж нийт нас баралтыг тэргүүлсэн үзүүлэлттэй байна. Уламжлалт анагаах ухаанд хэрэглэгддэг Байгал гүүнхөх (Scutellaria baicalensis Georgi) нь цусыг хатаан хямарсан халуун, цулын халууныг арилгах, Гашуун банздоо (Saussurea amara L.) нь нянг нядлах, халдвар болон үрэвслийн эсрэг, Өвсөн гүргэм (Carthamus tinctorius L.) нь ариутгах, өвдөлт намдаах, халуун бууруулах, хордлогын эсрэг, Цэх галуун таваг (Chiazospermum erectum L.) нь хижгийн халуун, хорын халууныг арилгах тус тус чадалтай. Хепаклин-4 жор нь антиоксидант, мембран бэхжүүлэх, элэг хамгаалах, элэгний эсийн сөнөрөл үхжилээс хамгаалах, элэгний эсийг хоргүйжүүлэх, хэт исэлдэлтийн хортой бүтээгдэхүүний хуримтлалыг бууруулах үйлдэлтэйг судлаачид тогтоожээ. Иймд Хепаклин-4 жорын найрлага дахь Байгал гүүнхөх, Гашуун банздоо, Өвсөн гүргэм, Цэх галуун таваг ургамлын түүхий эдээс хатуу эмийн хэлбэр гарган авах нь бидний судалгааны ажлын үндэслэл боллоо. Зорилго: Хепаклин-4 нийлмэл найрлага бүхий жороос шахмал эмийн хэлбэр гарган авах. Арга, аргачлал: Судалгаанд Байгал гүүнхөх, Гашуун банздоо, Өвсөн гүргэм, Цэх галуун таваг ургамлын түүхий эдийг 1:1:1:1 харьцаагаар хэмжин авч 1:10 харьцаагаар 40% спиртэд ремацерацийн аргаар хандлан, спиртийг вакум ууршуулагчаар нэрж өтгөн ханд гарган авч, чанарын үзүүлэлтүүдийг тодорхойлсон. Гарган авсан өтгөн ханднаас чийгтэй мөхлөгжүүлэх аргаар 2 төрлийн туслах бодис ашиглан мөхлөг гарган авч чанарын үзүүлэлтүүдийг судалсан. Тохиромжтой мөхлөгөөс шахмал болон капсултай эмийн хэлбэр гарган авч Монгол улсын үндэсний фармакопейн аргачлалын дагуу стандартчилсан. Үр дүн: Хепаклин-4 жорын шахмал эм нь дугариг, зөв хэлбэртэй, гөлгөр, ирмэг нь бүтэн, бага зэрэг өвөрмөц үнэртэй, эвгүй амт байхгүй, бүдэг шар өнгөтэй. 0.5 г шахмал эмийн үрэлтийн хүчний үйлчлэлийг даах чадвар 99.6±0.08%, даралтын хүчний үйлчлэлийг даах чадвар 1.07±0.12 МПа, жингийн хэлбэлзэл -2.6,+3.9 буюу 5%-иас ихгүй, шахмал эмийн задралт 4.23±0.05 минут, уусалт 95.4±0.47% буюу зөвшөөрөгдөх хэмжээнд байв. Шахмалын флаваноидын чанарын НҮХ-ийн аргаар илрүүлэхэд стандарт кверцетин Rf=0.94, рутин Rf=0.48-тэй ижил түвшинд бор шаргал өнгийн толбо илэрсэн, нийлбэр флавоноидын агууламжийг СФМ-ийн аргаар тодорхойлоход 0.165±0.01% байв. Дүгнэлт: Хепаклин-4 ургамлын нийлмэл найрлага бүхий өтгөн ханднаас шахмал эмийн хэлбэр гарган авч, чанарын үзүүлэлтийг тодорхойлоход шахмал эмэнд тавигдах техникийн шаардлагыг хангаж байв.
Background: As of 2024, digestive system diseases rank fourth among the causes of mortality in Mongolia. Among these, hepatocellular carcinoma (liver cancer) accounted for 20,501 deaths, leading in total mortality rates. In Traditional Mongolian Medicine, Scutellaria baicalensis Georgi is used to cool blood heat, clear internal heat, and regulate imbalances; Saussurea amara L. is used for its antibacterial, anti-infective, and anti-inflammatory properties; Carthamus tinctorius L. serves for disinfection, pain relief, fever reduction, and detoxification; and Chiazospermum erectum L. is used to eliminate toxic heat and febrile conditions. Studies have confirmed that the Hepaclin-4 formulation exhibits antioxidant, membrane-stabilizing, hepatoprotective, anti-necrotic, detoxifying activities, and reduces the accumulation of harmful byproducts from excessive peroxidation. Therefore, developing a solid dosage form from the raw herbal materials of Scutellaria baicalensis Georgi, Saussurea amara L., Carthamus tinctorius L., and Chiazospermum erectum L.in the Hepaclin-4 formula forms the basis of our research. Aim: To formulate and develop a tablet dosage form based on the compound prescription of Hepaclin-4 Materials and Methods: The raw materials of Scutellaria baicalensis Georgi, Saussurea amara L., Carthamus tinctorius L., and Chiazospermum erectum L.were weighed at a 1:1:1:1 ratio and extracted with 40% ethanol at a 1:10 ratio using the remaceration method. Ethanol was evaporated using a vacuum evaporator to obtain a thick extract, and quality indicators were determined. From the obtained thick extract, granules were prepared using two types of excipients through the wet granulation method, and their quality characteristics were studied. Based on the most suitable granules, tablet and capsule dosage forms were prepared and standardized according to the methods outlined in the Mongolian National Pharmacopoeia. Results: The Hepaclin-4 tablets were found to be round, well-formed, smooth, with intact edges, a slight characteristic odor, no unpleasant taste, and light yellow in color. The friability resistance of the 0.5 g tablet was 99.6±0.08%, hardness was 1.07±0.12 MPa, weight variation ranged from -2.6% to +3.9%, all within the acceptable 5% limit. The disintegration time was 4.23±0.05 minutes, and dissolution was 95.4±0.47%, meeting the permissible standards. When flavonoids in the tablets were detected by Thin Layer Chromatography (TLC), brownish-yellow spots appeared at Rf values identical to standard quercetin (Rf=0.94) and rutin (Rf=0.48). The total flavonoid content, determined by Spectrophotometric Method (SPM), was 0.165±0.01%. Conclusion:Tablets were successfully developed from the thick extract of the Hepaclin-4 herbal compound. Upon evaluation, the tablets met all the required technical specifications.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1211
Эшлэл
Б.Отгонцэцэг, М.Хүслэн, Г.Бямбасүрэн, Б.Цэрэндолгор. Хепаклин-4 жороос шахмал эмийн хэлбэр гарган авах технологийн судалгаа. Эрүүл мэндийн шинжлэх ухаан. 2025;21(4):38-41.