Loading...
Хепатитийн С вирусийн архаг халдварын үед илрэх сийвэнгийн криоглобулинеми ба эмнэлзүйн хамаарлын судалгаа
Зохиогч
Г.Амин-Эрдэнэ
Д.Гантогтох
Ц.Юмчинсүрэн
Д.Долгион
Х.Энхмэнд
Ө.Болор
Н.Отгонгэрэл
Д.Ганчимэг
Л.Тулгаа
Ц.Сарнай
Б.Батболд
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
92
End Page
99
ISSN
2959-6947
Хураангуй
Үндэслэл: ХСВ-ийн халдварын үед эмнэлзүйд элэгний болон элэгний бус шинжүүд илэрдэг хамгийн түгээмэл илэрдэг шинж тэмдэгт холимог криоглобулинеми ордог ба энэ нь цусанд агуулагддаг тодорхой уургууд 370С-ээс доош хэмд (in vitro) тунадасжиж, бүлэгнэн жижиг болон дунд судаснуудын хананд хуримтлагдаж васкулитийг үүсгэснээр эмнэлзүйд үе мөч өвдөх, ядарч сульдах, хөлийн шилбээр тууралт гарах гэсэн гурвал шинж тэмдгээр илэрдэг. ХСВ-ийн халдвартай хүмүүст криоглобулинеми түгээмэл тодорхойлогддог бөгөөд тархалт 10-70%-ийн хооронд байна. Криоглобулинемийн илэрсэн үед үүссэн васкулит нь арьс, бөөр, захын мэдрэлийн жижиг судсуудад голчлон нөлөөлж бусад эрхтэн тогтолцоонд хүндрэлийг үүсгэдэг байна. Манай орны хувьд эдгээр өвчтөнүүдэд элэгний шинж тэмдгүүдэд чиглэсэн үзлэг, оношилгоо хийдэг бөгөөд тухайн өвчтөнүүдийн элэгний бус шинж тэмдгүүдэд чиглэсэн, ялангуяа криоглобулинемийн талаар хийсэн судалгаа, мэдээлэл нэн ховор байгаа юм. Тиймээс бид ХСВийн архаг халдварын үеийн криоглобулинемийн эмнэлзүй судалгааг хийх шаардлагатай байгаа нь энэхүү судалгааг хийх үндэслэл боллоо. Зорилго: ХСВ-ийн халдвартай хүмүүст криоглобулинемийн тархалтыг тодохойлж, элэгний фиброзын үе шаттай уялдуулан судалж, эмнэлзүйн хамаарлыг тогтоох. Арга, аргачлал: судалгаанд оролцогчдыг хамруулах болон хасах шалгуурын дагуу дагуу ХСВ-ийн архаг халдвартай 200 хүнийг хамруулсан. Оролцогч тус бүрээс таниулсан зөвшөөрлийн хуудсаар зөвшөөрөл авсны дараа асуумжийн хуудсаар мэдээлэл авч, бие махбодийн хэмжилт хийж захын цусны сорьц цуглуулав. цусны дэлгэрэнгүй шинжилгээ, биохимийн шинжилгээ (элэг, бөөрний үйл ажиллагаа) хийсэн. Элэгний фиброзын зэргийг инвазив бус (APRI, FIB-4) аргаар үнэлсэн. Түүдгэнцрийн шүүлтийн хурдыг MDRD GFR Equation цахим аргаар тооцлоо. Арьсны үзлэг хийж криоглобулинемийн хөлийн шилбэ, шагай хэсгийн тууралт, шарх шархлаа, сорвижилтын байдлыг үнэлсэн. Криоглобулинемиг тодорхойлохдоо үл бүлэгнүүлэгч агуулаагүй хуруу шилэнд 8 мл цус авч, авсан дээжийг бүлэгнэж дуустал 1 цаг хөдөлгөөнгүй, тасалгааны хэмд байлгасан. Дээжийг центрифугт эргүүлж, ийлдсийг ялгасны дараа +4С хэмийн хөргөгчид 7 хоногийн турш хадгалж, улмаар тасалгааны температурт 30 минут байлгасны дараа тунадас арилсан байдлыг илрүүлсэн. Үр дүн: Судалгаанд нийт 200 хүн хамрагдсан ба үүнээс эрэгтэй 71 (35.5%), дундаж нас 53.38±13.09 нэгж оруулах жил байв байв. Криоглобулинемийн уургийн тунадсыг нийт 148 хүнд тодорхойлсон ба үүнээс эрэгтэй 50 (33.8%), дундаж нас 52.95±13.0 жил байв. Криоглобулинемийн уургийн тунадас 89 хүнд буюу судалгаанд оролцогчдын 60.1% илэрсэн. Нийт судалгаанд оролцогчдоос элэгний архаг үрэвсэлтэй (ЭАҮ) 176 (88.0%) байв. Үүнээс криоглобулинеми илэрсэн ЭАҮ-тэй нийт 57 хүн байсан. Лаборториийн шинжилгээний үзүүлэлтүүдийг харьцуулахад криоглобулинемитэй бүлэгт элэгний үйл ажиллагаанаас ГГТ-ийн дундаж түвшин криоглобулинеми илэрсэн бүлэгт илрээгүй бүлэгтэй харьцуулахад статистик ач холбогдол бүхий их тодорхойлогдлоо (p=0.039). Харин лаборториийн шинжилгээний үзүүлэлтүүдийг ихэссэх багассан байдлаар бүлэглэн үзэхэд АсАТ болон АлАТ түвшин нь Криоглобулинеми илэрсэн ЭАҮ-тэй бүлэгт мэдэгдэхүйц өндөр байсан нь элэгний эсийн гэмтэл илүү байгааг илтгэнэ (p<0.000). Креатининий хэмжээ нэмэгдсэн нь бөөрний үйл ажиллагааны алдагдлын эрсдэлтэй холбоотой байж болзошгүй. FIB-4 индекс болон APRI индекс нь фиброзын илүү хүнд шатлал Криоглобулинеми илэрсэн бүлэгт түгээмэл байгааг харуулж байна (p<0.005; p<0.000). Нэг хүчин зүйлийн логистик регрессийн шинжилгээгээр криоглобулинеми илрэхэд нас (OR = 2.48; 95% CI:1.31–4.70; p=0.005) хамааралтай байгаа нь тодоорхойлогдлоо. Тромбоцитын хэмжээ нэг олон хүчин зүйлийн шинжилгээнд статистикийн ач холбогдолтой эерэг нөлөө үзүүлсэн байв (OR=14.38; 95% CI: 1.26–163.89; p=0.032). Дүгнэлт: ХСВ-ийн халдвартай өвчтөнүүдийн дунд криоглобулинемийн тархалт 60.1%, халдвартай хүмүүсийн дунд нас ахих болон тромбоцитийн хэмжээ багасах нь криоглобулинемийн тунадас үүсэхтэй хамааралтай байна.
Background: The most common clinical manifestation of HCV infection, which includes both hepatic and extrahepatic manifestations, is mixed cryoglobulinemia, which is characterized by the precipitation of certain proteins in the blood at temperatures below 37°C (in vitro), aggregation, and deposition in the walls of small and medium-sized vessels, causing vasculitis, which is clinically manifested by a triad of joint pain, fatigue, and rash on the soles of the feet. Cryoglobulinemia is commonly diagnosed in people with HCV infection, with a prevalence ranging from 10% to 70%. Vasculitis that occurs when cryoglobulinemia is detected mainly affects the small vessels of the skin, kidneys, and peripheral nerves, causing complications in other organ systems. Aim: To determine the prevalence of cryoglobulinemia in people with HCV infection, study it in relation to the stage of liver fibrosis, and determine its clinical relevance. Materials and Methods: 200 chronic HCV infected individuals were included in the study according to the inclusion and exclusion criteria. After obtaining informed consent from each participant, a questionnaire was used to collect information, perform physical measurements, and collect peripheral blood samples. Complete blood count and biochemical tests (liver and kidney function) were performed. The degree of liver fibrosis was assessed non-invasively (APRI, FIB4). The glomerular filtration rate was calculated electronically using the MDRD GFR Equation. Skin examination was performed to assess the presence of rash, ulcers, and scarring on the shins and ankles of cryoglobulinemia. To determine cryoglobulinemia, 8 ml of blood was collected in a tube without anticoagulant, and the sample was kept motionless for 1 hour at room temperature until clotting was complete. After centrifugation, the samples were separated and stored in a refrigerator at +4°C for 7 days, and then at room temperature for 30 minutes, the precipitate was detected. Results: A total of 200 people participated in the study, of which 71 were men (35.5%), the average age was 53.39±13.0. Cryoglobulinemia protein precipitates were determined in a total of 148 people, of which 50 were men (33.8%), the average age was 52.95±13.0. Cryoglobulinemia protein precipitates were detected in 89 people, or 60.1% of the study participants. Of the total study participants, 176 (88.0%) had chronic hepatitis C (CHC). Of these, 57 people had CHC with cryoglobulinemia. Comparing laboratory parameters, the mean GGT level in the cryoglobulinemia group was statistically significantly higher than in the non-cryoglobulinemia group (p=0.039). However, when laboratory parameters were grouped by increasing or decreasing, AST and ALT levels were significantly higher in the cryoglobulinemia group, indicating more hepatocellular damage (p<0.000). Increased creatinine levels may be associated with the risk of renal dysfunction. The FIB-4 index and APRI index showed a more severe degree of fibrosis in the cryoglobulinemia group (p<0.005; p<0.000). Univariate logistic regression analysis showed that age was associated with the occurrence of cryoglobulinemia (OR=2.48; 95% CI:1.31–4.70; p=0.005). Platelet count had a statistically significant positive effect in multivariate analysis (OR=14.38; 95% CI:1.26–163.89; p=0.032). Conclusion: The prevalence of cryoglobulinemia among HCV-infected patients was 60.1%, and older age and decreased platelet count among infected individuals were associated with the occurrence of cryoglobulinemia.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1222
Эшлэл
Г.Амин-Эрдэнэ, Д.Гантогтох, Ц.Юмчинсүрэн, Д.Долгион, Х.Энхмэнд, Ө.Болор нар. Хепатитийн С вирусийн архаг халдварын үед илрэх сийвэнгийн криоглобулинеми ба эмнэлзүйн хамаарлын судалгаа. Эрүүл мэндийн шинжлэх ухаан. 2025;21(4):92-99.