Loading...
Өндөр настны нурууны хагалгааны дараах эрт үеийн танин мэдэхүйн бууралтын тохиолдол ба эрсдэлт хүчин зүйлсийн үнэлгээ
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
128
End Page
134
ISSN
2959-6947
Хураангуй
Үндэслэл: Өнөө үед дэлхийн хүн амын дундаж наслалт нэмэгдэж байгаатай холбоотой өндөр настай иргэдийн дунд нуруу нугасны эмгэг болон тэдгээрт үзүүлэх мэс заслын тусламжийн тоо, хэмжээ олширч байна. Хагалгааны дараах танин мэдэхүйн бууралт (ХДТМБ) өндөр настанд элбэг тохиолддог бөгөөд амьдралын чанарт ноцтой сөрөг нөлөө үзүүлдэг. Хэдийгээр судалгаа нэлээд хийгдсэн ч урьдчилан сэргийлэх, эмчлэх арга замуудыг цаашид тодруулах шаардлагатай байна. Зорилго: Нуруу нугасны мэс засал хийлгэсэн өндөр настай өвчтөнүүдийн ХДТМБ-ын тохиолдлын түвшинг тогтоон түүнд нөлөөлөх эрсдэлт хүчин зүйлсийг үнэлэх. Арга, аргачлал: Энэхүү проспектив когорт судалгаа нь Өвөр Монголын Анагаах Ухааны Их Сургуулийн харьяа хоёрдугаар эмнэлэгт хийгдсэн. Нурууны мэс засалд орсон 200 өндөр настнаас 122 нь судалгааны шалгуурыг хангаж хамрагдсан. Хагалгааны өмнө клиник үнэлгээ, мэс засал-мэдээгүйжүүлгийн үзүүлэлтүүдийг нарийвчлан бүртгэж, хагалгааны дараа стандартчилсан үнэлгээний аргуудаар танин мэдэхүйн үйл ажиллагааг хэмжсэн. Эдгээр үзүүлэлтүүдийг үндэслэн олон хүчин зүйлийн логистик регрессийн шинжилгээ хийв. Үр дүн: Мэс заслын хугацаа уртсах (OR=0.989; p=0.005), мэдээгүйжүүлгийн явцад артерийн даралт буурах (OR=0.964; p=0.009), хагалгааны дараах өвдөлтийн эрчим өндөр байх (OR=10.073; p=0.015), С-реактив уургийн түвшин нэмэгдэх (OR=1.039; p<0.001) нь ХДТМБ үүсэх эрсдэлт хүчин зүйлс болох нь тогтоогдлоо. Дүгнэлт: Нурууны мэс засал хийлгэсэн өндөр настанд хагалгааны дараах өвдөлтийн эрчим, үрэвслийн үзүүлэлт нэмэгдэх зэрэг хүчин зүйлүүд ХДТМБ үүсэх эрсдэлтэй холбоотой байна. Эмнэлзүйн практикт мэс заслын үеийн менежмент, мэдээгүйжүүлгийн аргачлалыг сайжруулах замаар танин мэдэхүйн бууралтын эрсдэлийг бууруулах боломжтой байгаа нь тодорхойлогдлоо.
Background: As global life expectancy increases, spinal disorders and the need for spinal surgery among elderly individuals are becoming more prevalent. Postoperative cognitive decline (POCD) is a common complication in this population, adversely affecting functional recovery and quality of life. Despite substantial research, effective preventive strategies for POCD remain limited. Aim: To determine the incidence of POCD and to identify perioperative risk factors associated with its development in elderly patients undergoing spinal surgery. Materials and Methods: A prospective cohort study was conducted at the Second AfÏliated Hospital of Inner Mongolia Medical University. Of 200 elderly patients who underwent spinal surgery between, 122 met the inclusion criteria and were enrolled. Preoperative clinical assessments, intraoperative surgical and anesthetic parameters, and postoperative evaluations were systematically collected. Cognitive function was assessed using standardized and validated tools both before and after surgery. Multivariate logistic regression analyses were performed to identify independent predictors of POCD. Results: POCD was observed in a notable proportion of patients postoperatively. Multivariate analysis revealed that prolonged surgical duration (OR=0.989; p=0.005), intraoperative hypotension (OR=0.964; p=0.009), higher intensity of postoperative pain (OR=10.073; p=0.015), and elevated postoperative C-reactive protein levels (OR=1.039; p<0.001) were significantly associated with an increased risk of developing POCD. Conclusion: In elderly patients undergoing spinal surgery severe postoperative pain, and systemic inflammatory responses contribute significantly to the development of POCD. Optimizing perioperative management, including minimizing surgical time, maintaining stable hemodynamics, and controlling postoperative inflammation and pain, may mitigate the risk of cognitive decline.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1228
Эшлэл
Тояа (Ya Tuo), С.Алтанчимэг, Н.Сувд-Эрдэнэ, Л.Ганболд. Өндөр настны нурууны хагалгааны дараах эрт үеийн танин мэдэхүйн бууралтын тохиолдол ба эрсдэлт хүчин зүйлсийн үнэлгээ. Эрүүл мэндийн шинжлэх ухаан. 2025;21(4):128-134.