Loading...
Тав хүртэлх насны хүүхдийн эрүүл мэндийн дэвтрийн талаарх мэдлэг, хөтлөлт, нөлөөлөх хүчин зүйлийн судалгаа
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
200
End Page
203
ISSN
2959-6947
Хураангуй
Үндэслэл: Тав хүртэлх насны хүүхдийн эрүүл мэндийн дэвтэр нь жирэмсний хяналтаас хүүхдийн 5 нас хүртэлх үеийн эрүүл мэнд, дархлаажуулалт, хөгжлийн үе шатыг бүртгэдэг урт хугацааны эрүүл мэндийг хянах хэрэгсэл юм. Эцэг эх болон эрүүл мэндийн ажилтан дэвтрийг хамтран хөтөлснөөр эцэг эхийн эрүүл мэндийн боловсролыг нэмэгдүүлэхээс гадна хүүхдийг болзошгүй хөгжлийн хоцрогдол, өвчлөлөөс урьдчилан сэргийлэх, эрт илрүүлэх боломжтой. Олон улсад ТХНХЭМД-ийг ашиглан эрсдэлтэй жирэмслэлтийг илрүүлэх, жирэмсний хяналтын тоог сайжруулах, эхийн эндэгдэл, нялхсын болон тав хүртэлх насны хүүхдийн эндэгдлийг бууруулах, хөхөөр хооллолтыг дэмжих, эцэг эх, асран хамгаалагчдын мэдлэгийг сайжруулахад ашиглаж байгаа хэдий ч манай оронд Тав хүртэлх насны хүүхдийн эрүүл мэндийн дэвтэрийн хөтлөлтийн талаар хийгдсэн судалгааны ажил хангалтгүй байгаа нь энэхүү судалгааны ажлын үндэслэл боллоо. Зорилго: Эцэг эх, асран хамгаалагчдын “Тав хүртэлх насны хүүхдийн эрүүл мэндийн дэвтэр”-ийн мэдлэг ойлголт, дэвтрийн хөтлөлтийг үнэлэх. Арга, аргачлал: Судалгааг аналитик судалгааны агшингийн загвараар санамсаргүй түүврийн аргаар Улаанбаатар хотын 4 дүүргийн 1-4 насны хүүхэдтэй, нийт 373 эцэг эхчүүд, асран хамгаалагчдыг судалгаанд хамруулав. Мэдлэгийг үнэлэхдээ зөв хариултыг оноожуулан, бүлэглэн үнэлсэн. Хөтлөлтийг үнэлэхдээ эцэг эхчүүдийн бөглөх хэсгийг хөтөлсөн эсэхээр оноожуулан үнэлэв. Үр дүн: Судалгаанд оролцогчдын дундаж нас 33.5±6.5 жил байв. Дэвтрийг бүрэн уншиж, хөтлөлт хийсэн байдал нь (p=0.0001) мэдлэгийг сайжруулахад (p=0.0001) статистик ач холбогдолтой байв. Дэвтрийн хөтлөлтөд нөлөөлөх хүчин зүйлсийг судлахад жирэмсний нас (OR=0.956, 95% CI [0.923, 0.990]), төрөлтийн тоо (OR=1.206, 95% CI [1.002, 1.452]) зэрэг статистик ач холбогдолтой байв. Дэвтрийн талаарх мэдлэгт нөлөөлөх хүчин зүйлсээс жирэмсний нас (OR=0.954, 95% CI [0.918, 0.992]) нөлөөлж байв. Дүгнэлт: Тав хүртэлх насны хүүхдийн эрүүл мэндийн дэвтрийн талаарх мэдлэгт эхийн жирэмсэн үеийн нас (p=0.017) нь нөлөөлөх хүчин зүйлс болж байв. Дэвтрийн хөтлөлтөд жирэмсний нас (p=0.011), төрөлтийн тоо (p=0.048), дэвтрийг бүрэн уншсан эсэх (p=0.008) нь нөлөөлөх хүчин зүйлст тус тус тооцогдов.
Background: The Maternal and Child Health Handbook is a long-term health monitoring tool that records children’s health, immunization, and developmental stages from the prenatal period to age five. By using the MCH handbook together with parents and health workers, it is possible to increase health education for parents and prevent, and detect potential developmental delays in children at an early age. Aim: To detect the knowledge and attitudes toward family use of the MCH handbook Materials and Methods: The study was conducted using an analytical study using cross-sectional design and included a total of 373 parents and caregivers with children aged 1-4 in 4 districts of Ulaanbaatar city. When assessing knowledge, correct answers were scored and grouped. When assessing the attitude, the parents were scored based on whether they were recorded in the MCH handbook. To determine the relationship between influencing factors, a one-way logistic regression analysis was performed, which was considered statistically significant at a 95% confidence interval and p<0.05 and was performed using the SPSS 25 program. Results: The mean age of the study participants was 33.5±6.5. Reading and keeping a handbook completely (p=0.0001) was statistically significantly related to improving knowledge (p=0.0001). In studying the factors affecting handbook records, the following were statistically significant: gestational age (OR=0.956, 95% CI [0.923, 0.990]), number of births (OR=1.206, 95% CI [1.002, 1.452]). Factor influencing knowledge about the notebook is gestational age (OR=0.954, 95% CI [0.918, 0.992]). Conclusion: The factor influencing knowledge about the health notebook of children under five years of age were gestational age (p=0.017). The factors influencing the maintenance of the notebook were gestational age (p=0.011), number of births (p=0.048), and whether the notebook was read completely (p=0.008).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1241
Эшлэл
А.Халиун, Д.Мягмарцэрэн, Л.Ундрам. Тав хүртэлх насны хүүхдийн эрүүл мэндийн дэвтрийн талаарх мэдлэг, хөтлөлт, нөлөөлөх хүчин зүйлийн судалгаа. Эрүүл мэндийн шинжлэх ухаан. 2025;21(4):200-203.