Loading...
Архангай аймгийн хүн амын дундах гепатитын С вирусийн халдварын тархалт, генотип, эрсдэлт хүчин зүйлсийн судалгаа
Зохиогч
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
18
End Page
24
ISSN
2959-6947
Хураангуй
Үндэслэл: Гепатитын С вирус (ГСВ)-ийн халдвар нь цусаар дамжин халдварлагддаг вирусийн гаралтай элэгний өвчний нэг бөгөөд улмаар архаг хэлбэрт шилжсэн тохиолдолд элэгний хатуурал, хорт хавдар үүсэх эрсдэл өндөртэй. Манай улсад ГСВ-ийн тархалт харьцангуй өндөр байгаа нь эрүүл мэндэд ноцтой үр дагаврыг учруулсаар байгаа бөгөөд дэлхий нийтээр 2030 он гэхэд гепатитын В, С вирусийн халдварын тархалтыг зогсоох зорилго тавин ажиллаж буй энэ үед Архангай аймгийн хүн амын дундах ГСВ-ийн халдварын тархалт, генотип, эрсдэлт хүчин зүйлийг судлах нь бидний судалгааны ажлын үндэслэл боллоо. Зорилго: Архангай аймгийн харьцангуй эрүүл хүн амын дундах гепатитын С вирусийн халдварын тархалтын түвшинг тогтоож, генотип, эрсдэлт хүчин зүйлсийг судлах. Аргачлал: Судалгааг аналитик судалгааны агшингийн загвараар олон шатлалт түүврийн аргаар 0-80 насны 2304 хүнийг хамруулав. Судалгаанд хамрагдагсдаас асуумж болон цусны сорьц цуглуулан, Архангай аймгийн Нэгдсэн эмнэлгийн лабораторийн тасагт anti-HCV, HBsAg үзүүлэлтийг фермент холбоот эсрэг биеийн урвалын аргаар илрүүлэв. Anti-HCV эерэг илэрсэн үйлчлүүлэгчдийн сорьцыг авч ийлдэсийг ялган -800С хэмд хөлдөөж хадгалан, зориулалтын дагуу УБ хот руу тээвэрлэн БХ-ПГУ-ын шинжилгээгээр HCV RNA тоон ачааллыг тодорхойлж, улмаар молекул биологийн шинжилгээгээр гепатитын С вирусийн генотипыг тодорхойлов. Судалгааны тоон мэдээллийн статистик боловсруулалтыг SPSS 26.0 програм ашиглан гүйцэтгэв. Үр дүн: Судалгаанд аймгийн төв, 8 сумын 2304 оролцогч хамрагдсан бөгөөд эмэгтэй хүйс 57.8% байв. Гепатитын С вирусийн халдварын тархалт 12.0%, архаг С вируст гепатит 7.16%, ГСВ-ийн халдвартай үйлчлүүлэгчдийн 98.2%-д 1b генотип тодорхойлогдлоо. Бидний судалгаагаар халдварын эрсдэлт хүчин зүйлсээс гоо сайхны ажилбар болон эмнэлгийн бус нөхцөлд хийлгэсэн тариа, хануур, сахлын машин дамжуулж хэрэглэсэн зэрэг хүчин зүйлүүд нь гепатитын С вирусийн халдварт өртөхөд статистик ач холбогдолтойгоор хамааралтай байна. Дүгнэлт: Архангай аймгийн харьцангуй эрүүл хүн амын дунд гепатитын С вирусийн халдварын тархалт 12.0%, архаг С гепатиттай өвчтөнүүдийн дунд С вирусийн 1b генотип 98.2% байгаа нь тогтоогдлоо. Эрсдэлт хүчин зүйлсийг судлахад гоо сайхны ажилбар хийлгэх 2.3 дахин, хануур хийлгэсэн 1.7 дахин, эмнэлгийн бус нөхцөлд тариа хийлгэх 2.4 дахин, сахлын машин сольж хэрэглэх 1.5 дахин халдварт өртөж байгаа нь гепатитын С вирусийн халдварт өртөхөд статистикийн хувьд бие даасан хүчин зүйл болж байна(<0.001).
Background: Hepatitis C virus (HCV) is a blood-borne infectious disease that, if left untreated, can lead to chronic infection, liver cirrhosis, and hepatocellular carcinoma. In Mongolia, the prevalence of HCV is relatively high, posing significant public health concerns. In alignment with the global goal to eliminate hepatitis B and C by 2030, this study aimed to investigate the prevalence, genotype distribution, and associated risk factors of HCV infection among the general population in Arkhangai province, Mongolia. Aim: To determine the prevalence of hepatitis C virus infection among the relatively healthy population of Arkhangai Province and to study its genotypes and risk factors. Materials and Methods: A cross-sectional analytical study was conducted using a two-stage sampling method, enrolling 2,304 individuals aged 0–80 years. Participants completed a structured questionnaire, and blood samples were collected for anti-HCV and HBsAg testing using enzyme-linked immunosorbent assay (ELISA) at the central laboratory of the provincial hospital. Serum from anti-HCV positive individuals was preserved at –80°C and transported to Ulaanbaatar for HCV RNA quantification via real-time polymerase chain reaction (RT-PCR) and genotyping through molecular diagnostics. Statistical analyses were conducted using SPSS version 26.0. Results: A total of 2,304 individuals from the provincial center and 8 soums participated in the study, of whom 57.8% were female. The overall HCV seroprevalence was 12.0%, with chronic HCV infection confirmed in 7.16%. Among patients with chronic HCV, genotype 1b was identified in 98.2% of cases. Risk factor analysis revealed statistically significant associations between HCV infection and undergoing cosmetic procedures, receiving injections in non-medical settings, cupping therapy, and sharing shaving equipment. Conclusion: This study HCV seroprevalence of 12.0% among the relatively healthy population in Arkhangai province, with genotype 1b detected in 98.2% of chronic HCV cases. The following risk factors were found to be independently associated with HCV infection: undergoing cosmetic procedures (OR: 2.3), cupping therapy (OR: 1.7), receiving nonmedical injections (OR: 2.4), and sharing shaving tools (OR: 1.5) (p<0.001).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1253
Эшлэл
Б.Амгалан, Ч.Цолмон, Б.Мягмаржалцан, Н.Наранзул, Н.Хүрэлбаатар, О.Баатархүү. Архангай аймгийн хүн амын дундах гепатитын С вирусийн халдварын тархалт, генотип, эрсдэлт хүчин зүйлсийн судалгаа. Эрүүл мэндийн шинжлэх ухаан. 2025;21(5):18-24.