Loading...
Оюутнуудын хоол тэжээлийн байдал, эрүүл мэндийн зан үйлийн судалгаа (Өвөр Монголын Анагаах Ухааны Их Сургуулийн жишээ дээр)
Зохиогч
Урга (Wu RI Ya)
Д.Оюунбилэг
Д.Гантуяа
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
55
End Page
59
ISSN
2959-6947
Хураангуй
Үндэслэл: Өнөөгийн нийгэмд оюутнуудын хооллолт нь нийгмийн эрүүл мэндийн тулгамдсан асуудлын нэг юм. Өвөр Монголын оюутнуудын хоол тэжээлийн бүтэц, эрүүл мэндийн байдал нь бүс нутгийн соёл, уламжлалт хоолны дэглэмээс хамааран өвөрмөц онцлогтой байдаг. Энэхүү судалгаа нь оюутнуудын хоол тэжээлийн дэглэм, эрүүл мэндийн зан үйлийг тодорхойлж, интервенцийн оновчтой стратеги боловсруулахад чиглэсэн. Зорилго: Өвөр Монголын оюутнуудын хооллолтын зан үйл ба эрүүл мэндийн байдлыг тодорхойлох. Арга, аргачлал: Судалгааг агшингийн загвараар хийсэн бөгөөд Өвөр Монголын Анагаах Ухааны Их Сургуулийн 3-5-р дамжааны 218 оюутанг санамсаргүй түүврийн аргаар сонгосон. Хооллолтын зан үйлийн талаар асуумж боловсруулан мэдээллийг цуглуулсан. Үр дүн: Xүний их эмчийн ангид суралцдаг оюутнуудын 133 нь эрэгтэй (61.01%), 85 нь эмэгтэй (38.99%), дундаж нас 21.0±1.5 жил байв. Судалгаанд хамрагдсан оюутнуудын 87.61% нь өдөр бүр жимс, хүнсний ногоо хэрэглэдэг гэж хариулсан боловч ердөө 73.39% нь зөвлөмжид заасан өдөрт таван төрлийн хүнсний ногоо болон жимс хэрэглэх хэмжээнд хүрч байв. Хангалтгүй хэрэглээний гол шалтгаан нь хязгаарлагдмал хүртээмж (51.38%), өндөр үнэ (31.65%), болон бэлтгэх цагийн хомсдол (16.97%) гэжээ. Элсэн чихэр болон давсны хэрэглээний хувьд, 53.21% нь өглөөний цайны үеэр элсэн чихэр ихтэй хүнс хэрэглэдэг байсан бол 62–64% нь ундаа, цайнд нэмэлт сахар хийдэг эсвэл амтлагдсан зууш, амттан тогтмол хэрэглэдэг байв. Давсны өндөр хэрэглээ нь ихэвчлэн боловсруулсан хүнсний хэрэглээтэй холбоотой байсан. Биеийн идэвхтэй хөдөлгөөний түвшин харьцангуй бага буюу 36.24% нь долоо хоногт нэг удаа, 25.69% нь хоёр удаа, харин ердөө 10.09% нь долоо хоногт дөрөв болон түүнээс олон удаа дасгал хийдэг байлаа. Мөн оюутнуудын 68.81% нь архи, согтууруулах ундаа хэрэглэдэг байв. Дүгнэлт: Өвөр Монголын Анагаах Ухааны Их Сургуулийн оюутнуудад тэнцвэргүй хооллолт, элсэн чихэр, давс ихтэй, тосны зохисгүй хэрэглээ, хооллох цаг тогтмол бус байхаас гадна дасгал хөдөлгөөн хангалтгүй, усны хэрэглээ бага, согтууруулах ундаа хэрэглэдэ, талаас илүү хувь нь цусны даралт ихсэх эрсдэлтэй байгаа тул өөрийн эрүүл мэнддээ анхаарах, зөв хооллох зан үйлийг яаралтай хэвшүүлэх шаардлагатай байна.
Background: Nutritional status among university students is a critical public health issue. Students often face undernutrition or overeating due to social, cultural, and academic pressures. This study aimed to assess the dietary habits and health behaviors of students at Inner Mongolia Medical University to inform targeted intervention strategies. Aim: To examine the differences in dietary patterns among students and their effects on health outcomes. Materials and Methods: A cross-sectional study was conducted among 218 students (133 males, 85 females; ages 19–24) from the 3rd to 5th year of the Clinical Medicine program. Participants were randomly selected. Data were collected via a structured questionnaire based on the “Chinese Resident Dietary Guidelines (2022)” and relevant domestic and international literature. Variables included demographic information, dietary intake (fruits, vegetables, fats, starches, sugar, salt, water, alcohol, dairy), and physical activity patterns. Data were analyzed using SPSS 26.0, with frequencies and percentages for categorical variables and means ± SD for continuous variables. Results: The 87.61% of students consumed fruits and vegetables daily, but only 73.39% met the recommended five types per day. The main barriers were limited availability (51.38%), high cost (31.65%), and lack of preparation time (16.97%). 67.89% preferred low-fat foods; 47.25% used vegetable oil, 22.94% butter, 22.02% margarine; daily fat consumption averaged 1–2 tablespoons. 77.98% consumed fried or roasted foods. 53.21% consumed sugar-rich products at breakfast; 62–64% added sugar to beverages or consumed sweetened snacks; high salt intake was common through processed foods. The 36.24% exercised once per week, 25.69% twice; only 10.09% exercised four or more times per week. 68.81% consumed alcohol at varying frequencies; beer, red wine, and white wine were common. Over half of students were at risk of high blood pressure due to dietary and lifestyle factors. Conclusion: Students at Inner Mongolia Medical University face significant dietary challenges, including unbalanced diets, high sugar and salt intake, irregular meals, and inadequate physical activity. There is an urgent need for personal and institutional interventions to promote healthy dietary and lifestyle habits.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1259
Эшлэл
Урга (Wu RI Ya), Д.Оюунбилэг, Д.Гантуяа. Оюутнуудын хоол тэжээлийн байдал, эрүүл мэндийн зан үйлийн судалгаа (Өвөр Монголын Анагаах Ухааны Их Сургуулийн жишээ дээр). Эрүүл мэндийн шинжлэх ухаан. 2025;21(5):55-59.