Loading...
Өндгөвч уйланхайжих хам шинжтэй эмэгтэйчүүдийн бодисын солилцооны өөрчлөлт ба антропометрийн зарим үзүүлэлтийг уялдуулан судалсан дүн
Зохиогч
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
64
End Page
67
ISSN
2959-6947
Хураангуй
Үндэслэл: Өндгөвч уйланхайжих хам шинжийн үед нөхөн үржихүйн эрхтэн тогтолцоо талаас тогтмол бус биений юмны мөчлөг, дааврын тэнцвэргүй байдал, гиперандрогенизмийн шинж тэмдэг, өндгөвчинд олон фолликул байх зэрэг шинж илэрч цаашид үргүйдэл, эндометрийн хавдар, жирэмсний хүндрэлийн шалтгаан болдог. ӨУХШ нь зөвхөн нөхөн үржихүйн тогтолцоонд нөлөөлөх бус бодисын солилцоо, зүрх судасны эмгэгийн эрсдэлийг нэмэгдүүлдэг архаг эмгэг байдлаараа онцлог бөгөөд эмэгтэйчүүдийн амьдралын чанарт урт хугацааны сөрөг үр дагаврыг авчирдаг нь судалгаагаар тогтоогдсон. Сүүлийн жилүүдэд ӨУХШ-тэй эмэгтэйчүүдийн бодисын солилцооны өөрчлөлт, шээсний хүчил ихсэлт, антропометрийн шинэ үзүүлэлт болох хүзүүний тойргийн ач холбогдлыг судлах судалгааны ажлууд нэмэгдэж байна. ӨУХШ бүхий Монгол эмэгтэйчүүдийн ийлдэс дэх шээсний хүчлийн хэмжээг зарим антропометрийн үзүүлэлттэй харьцуулан дүгнэх хэрэгцээ, шаардлага байгаа нь энэхүү судалгааны үндэслэл болж байна. Зорилго: Өндгөвч уйланхайжих хам шинж бүхий эмэгтэйчүүдийн антропометрийн зарим үзүүлэлтийг ийлдэс дэх шээсний хүчлийн хэмжээтэй харьцуулан судлах. Арга, аргачлал: Бид энэхүү судалгааг аналитик судалгааны нэг агшингийн загвараар эмнэлэгт суурилсан ажиглалтын аргаар 120 эмэгтэйг (15–35 нас) хамруулан тус бүрээс асуумж бөглүүлж, нас, биений юмны мөчлөгийн онцлог, эмийн хэрэглээний талаар мэдээллийг цуглуулж, зарим антропометрийн (биеийн өндөр, жин, хүзүү, бэлхүүс, өгзөгний тойрог) хэмжилтийг хийсэн. ӨУХШ бүхий эмэгтэйчүүдийг Роттердамын шалгуураар оношлож, биохимийн шинжилгээгээр ийлдэс дэх шээсний хүчлийн түвшинг тодорхойлсон. Статистик боловсруулалтад t-test болон Pearson корреляцийн шинжилгээг ашиглав. Үр дүн: Нийт 120 эмэгтэйг судалгаанд хамруулснаас 45.8% (55) нь Роттердамын шалгуураар ӨУХШ оношлогдож, үлдсэн 54.2% (65)-д оношлогдоогүй бөгөөд хэвийн бүлэгт хамруулав. ӨУХШ бүхий бүлгийн хүзүүний тойргийн хэмжээ 36.2±2.5 см, эрүүл бүлгийн хүзүүний тойргийн хэмжээ 31.5±1.8 см (p<0.001) байв. Харин бэлхүүсний тойргийн хэмжээ ӨУХШ бүлэгт 88.4±7.9 см, эрүүл бүлэгт 75.8±6.7 см (p<0.001) байсан бол өгзөгний тойргийн хэмжээ ӨУХШ бүхий бүлэгт 103.5±6.5 см, эрүүл бүлэгт 94.7±5.5 см (p<0.01) тус тус тодорхойлогдсон нь ӨУХШ бүхий бүлэгт илүү үзүүлэлттэй байгаа ажиглагдлаа. Түүнчлэн бэлхүүс, өгзөгний тойргийн харьцаа нь ӨУХШ бүлэгт 0.85±0.07, эрүүл бүлэгт 0.80±0.05 буюу статистикийн хувьд ач холбогдолтой (p<0.05) байв. ӨУХШ бүхий 55 эмэгтэйд биохимийн шинжилгээгээр шээсний хүчлийн хэмжээг тодорхойлоход 476±8.5 мкмоль/л байсан нь эмэгтэйчүүдийн лавлах дээд утга (400мкмоль/л)-аас их биш боловч дундаж хэмжээнээс ялимгүй их байгаа ажиглагдлаа. Дүгнэлт: ӨУХШ бүхий эмэгтэйчүүдийн цусан дахь шээсний хүчлийн түвшин нь лавлах дээд утгаас их биш боловч дундаж хэмжээнээс ялимгүй их байгаа нь ӨУХШ бүхий эмэгтэйчүүдэд бодисын солилцооны зарим өөрчлөлт байж болзошгүйг бөгөөд үүнийг илтгэх боломжтой үзүүлэлт гэж үзэж байна. ӨУХШ-тэй эмэгтэйчүүдийн антропометрийн зарим үзүүлэлт эрүүл эмэгтэйчүүдтэй харьцуулахад илүү байна. Шээсний хүчил болон хүзүүний тойргийн хэмжээ хооронд хүчтэй хамаарал илэрсэн нь хүзүүний тойрог нь БЖИ болон бэлхүүс, өгзөгний тойргийн харьцаанаас илүү мэдрэг үзүүлэлт байж болохыг харуулж байна.
Background: Polycystic ovary syndrome (PCOS) is characterized by menstrual irregularities, hormonal imbalance, clinical or biochemical hyperandrogenism, and the presence of multiple ovarian follicles. It is one of the major causes of infertility, endometrial carcinoma, and pregnancy-related complications. PCOS is not limited to the reproductive system; it is a chronic disorder associated with metabolic abnormalities and increased cardiovascular risk, which can negatively affect women’s long-term quality of life.In recent years, growing attention has been given to the metabolic alterations seen in women with PCOS-particularly hyperuricemia-and to the emerging role of novel anthropometric indicators such as neck circumference. Given the limited data on these parameters among Mongolian women with PCOS, this study aimed to investigate the relationship between serum uric acid levels and selected anthropometric measurements. Aim: To examine the association between serum uric acid concentration and selected anthropometric parameters in women with polycystic ovary syndrome. Materials and Methods: This analytical cross-sectional study was conducted in a clinical setting and included 120 women aged 15–35 years. Participants completed a structured questionnaire that collected information on age, menstrual cycle characteristics, and medication use. Anthropometric measurements-including height, weight, neck, waist, and hip circumference—were recorded. PCOS was diagnosed based on the Rotterdam criteria. Serum uric acid levels were determined through biochemical testing. Statistical analyses were performed using the t-test and Pearson correlation test. Results: Of the 120 women enrolled, 45.8% (n=55) were diagnosed with PCOS according to the Rotterdam criteria, while 54.2% (n=65) were classified as controls. The mean neck circumference was 36.2±2.5 cm in the PCOS group and 31.5±1.8 cm in the control group (p<0.001). The mean waist circumference was 88.4±7.9 cm in the PCOS group and 75.8±6.7 cm in the control group (p<0.001). The mean hip circumference was 103.5±6.5 cm among women with PCOS and 94.7±5.5 cm in the control group (p<0.01). The waist-to-hip ratio was significantly higher in the PCOS group (0.85±0.07) compared to controls (0.80±0.05, p<0.05). Among women with PCOS, the mean serum uric acid concentration was 476±8.5 µmol/L, which-although not exceeding the upper reference limit for women (400 µmol/L) was slightly higher than the average value in healthy individuals. Conclusion: Compared with healthy controls, women with PCOS demonstrated significantly higher anthropometric indices. Although serum uric acid did not surpass the reference maximum, elevated mean levels indicate a potential risk marker for metabolic disorders. The strongest correlation was observed between uric acid and neck circumference, suggesting this parameter may serve as a more sensitive anthropometric indicator than BMI or waist-to-hip ratio.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1261
Эшлэл
А.Хулан, Б.Оюунтөгс, Б.Болорчимэг. Өндгөвч уйланхайжих хам шинжтэй эмэгтэйчүүдийн бодисын солилцооны өөрчлөлт ба антропометрийн зарим үзүүлэлтийг уялдуулан судалсан дүн. Эрүүл мэндийн шинжлэх ухаан. 2025;21(5):64-67.