Loading...
Өсвөр үеийнхний нийгмийн сүлжээний хэрэглээг үнэлэх асуумжийн хүчин төгөлдөр байдлыг судалсан үр дүн
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
67
End Page
72
ISSN
2959-6947
Хураангуй
Үндэслэл: Сүүлийн жилүүдэд нийгмийн сүлжээний хэрэглээ эрчимтэй өсөж, хүмүүс хоорондоо мэдээллийг цаг хугацаа алдалгүй хүлээн авах, бусадтай хуваалцах боломжийг бүрдүүлж байна. Үүнтэй уялдан нийгмийн сүлжээний нөлөөг хувь хүний өдөр тутмын амьдралд хэрхэн тусгаж байгааг хэмжих олон төрлийн судалгааны хэрэгсэл, хэмжүүрүүд боловсруулагдсан боловч эдгээр нь зөвхөн ашиглах хугацаа, давтамжид төвлөрсөн байдгаас шалтгаалан нийгмийн сүлжээний бодит нөлөөг бүрэн хэмжээнд судлах хэрэгцээ шаардлага байсаар байгаа нь энэхүү судалгааны үндэслэл болно. Зорилго: Өсвөр үеийнхний нийгмийн сүлжээний хэрэглээг үнэлэх асуумжийн найдвартай, хүчин төгөлдөр байдлыг тодорхойлох. Арга, аргачлал: Судалгааг аналитик агшингийн загвараар 12–17 насны (15.1±3.6) нийт 421 сурагч (эрэгтэй 43.7%, эмэгтэй 56.3%) хамруулан хийж гүйцэтгэсэн. Судалгаанд Нийгмийн сүлжээний хэрэглээг үнэлэх асуумж (SMUIS)-ийн Монгол хувилбарын хүчин төгөлдөр ба найдвартай байдлыг үнэлсэн. Судалгааны хүчин төгөлдөр байдлыг хүчин зүйлийн шинжилгээ (EFA, CFA)-ээр, найдвартай байдлыг Кронбахын альфа коэффициентоор тооцлоо. Үр дүн: Нийгмийн сүлжээний хэрэглээг үнэлэх асуумжийн Монгол хувилбарыг өсвөр үеийнхэн дунд ашиглахад 2 дэд бүлэг (e<1.0) тодорхойлогдож, үндсэн бүрэлдэхүүн тодорхойлох шинжилгээгээр 10 хувьсагчийн латент хувьсагчид үзүүлэх ачаалал 0.4 ба түүнээс дээш хангалттай, давхар ачаалал үүсгэсэн хувьсагч тогтоогдоогүй (<0.4). Бүтцийн регрессийн шинжилгээгээр дэд бүлгүүдийн хувьсагчдад үзүүлэх нөлөөлөл эерэг хангалттай байна (B=0.42-0.82). Хүчин төгөлдөр асуумжийн найдвартай байдлыг үнэлэхэд Кронбахын альфа 0.6-аас дээш байлаа. Дүгнэлт: Нийгмийн сүлжээний хэрэглээг үнэлэх асуумжийн Монгол хувилбарын хүчин төгөлдөр, найдвартай байдал хангалттай, өсвөр үеийн цахим хэрэглээний байдлыг үнэлэхэд хэрэглэх бүрэн боломжтой байна. Цаашид энэхүү асуумжийн Монгол хувилбарын найдвартай байдлыг бусад хүн амын бүлэгт судлах, хэрэглэх хэрэгцээтэй байна.
Background: In recent years, the use of social networking sites has rapidly increased, enabling people to communicate more efÏciently, quickly, and effectively, as well as to access and share information in real time. Accordingly, various research tools and measurement instruments have been developed to assess the impact of social media on individuals’ daily lives. However, most of these instruments primarily focus on the duration and frequency of use, failing to comprehensively capture the true influence of social media. Therefore, there remains a need to evaluate social media use more broadly. Aim: Determine the reliability and validity of the Social Media Use Scale among adolescents. Material and Methods: This analytic cross-sectional study was conducted among 421 students aged 12–17 years (mean age 15.1±3.6), including 43.7% male and 56.3% female participants. The study assessed the reliability and validity of the Mongolian version of the Social Media Use Integration Scale (SMUIS). Construct validity was examined using Exploratory Factor Analysis (EFA) and Confirmatory Factor Analysis (CFA), while reliability was evaluated using Cronbach’s alpha coefÏcient. Results: The Mongolian version of the Social Media Use Integration Scale revealed two subfactors (eigenvalue > 1.0). In the principal component analysis, all 10 items showed sufÏcient factor loadings (≥ 0.4) with no cross-loading items (<0.4). Structural regression analysis indicated positive and significant effects among the subfactors (B=0.42–0.82). The reliability of the validated questionnaire was acceptable, with Cronbach’s alpha values above 0.6. Conclusion: The Mongolian version of the Social Media Use Integration Scale demonstrated satisfactory validity and reliability and can be appropriately used to assess adolescents’ electronic media use. Further studies are recommended to test the reliability of this instrument among other population groups.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1294
Эшлэл
Б.Бадамням, М.Сугармаа, Д.Энхмаа. Өсвөр үеийнхний нийгмийн сүлжээний хэрэглээг үнэлэх асуумжийн хүчин төгөлдөр байдлыг судалсан үр дүн. Эрүүл мэндийн шинжлэх ухаан. 2025;21(6):67-72.