Loading...
Шатаар буух үеийн өвдөгний үений кинематикт суналттай болон суналтгүй наалтын үзүүлэх нөлөөг судалсан нь
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
141
End Page
146
ISSN
2959-6947
Хураангуй
Үндэслэл: Өвдөгний үеэр нугалах, тэнийлгэх хөдөлгөөн хийх үед тойг ясны хянах хүчний тэнцвэргүй байдлаас тойг хажуу тийш гулсалт хийгдэж тойг дунд чөмгөний үенд хэвийн бус ачааллын үр дүнд өвдөгний урд хэсгийн өвдөлтийг үүсдэг. Өвдөгний урд хэсгийн өвдөлт (ӨУХӨ)-тэй өвчтөнүүдийн эмчилгээ нь ихэвчлэн мэс заслын бус арга байдаг. Зорилго: Шатаар буух үеийн өвдөгний үений хөдөлгөөнд суналттай болон суналтгүй наалтын үзүүлэх нөлөөг судлах. Арга, аргачлал: Судалгаанд нийт 60 эмэгтэй оролцогч хамрагдсан. Оролцогчдыг стандарт 20 см өндөртэй шатаар буух үед урд болон хажуу талын хавтгайгаас өндөр хурдны камерууд ашиглан бичлэг хийсэн. Туршилтыг наалт хэрэглээгүй болон суналттай, суналтгүй наалттай хэрэглэсэн үед хийсэн. Хөдөлгөөний дүн шинжилгээг “Motion Analysis Image J” программ ашиглан хийж, өвдөгний үений нугалах хөдөлгөөний далайц, өвдөгний үений дотогш шилжилт, өвдөгний Q өнцөг, аарцаг доош шилжих хөдөлгөөнийг тодорхойлсон. Үр дүн: Шатаар буух үед өвдөгний үений нугалах хөдөлгөөний далайц нь наалт хэрэглээгүй үед 61.47±5.72 градус, суналттай наалт хэрэглэсэн үед 61.35±6.33 градус, суналтгүй наалтыг хэрэглэсэн үед 60.21±8.60 градус байсан бөгөөд р утга 0.305 статистикийн хувьд ач холбогдол бүхий ялгаа ажиглагдаагүй. Харин өвдөгний үений Q өнцгийн үзүүлэлтүүдийг харьцуулахад наалт хэрэглээгүй үед 20.97±11.31 градус, суналттай наалт хэрэглэсэн үед 20.34±9.10 градус, суналтгүй наалт хэрэглэсэн үед 10.16±7.24 градус байсан бөгөөд р утга 0.001, өвдөгний үений дотогш шилжилтийн өнцгийн үзүүлэлтүүдийг харьцуулахад 8.14±5.72 градус байсан бөгөөд p утга 0.001, аарцгийн доош шилжилтийн өнцгийн үр дүнг харьцуулахад наалт хэрэглээгүй үед 10.19±6.31 градус, суналттай наалт хэрэглэсэн үед 9.06±5.31 градус, суналтгүй наалт хэрэглэсэн үед 5.17±4.15 градус байсан P утга 0.001 статистикийн хувьд ач холбогдолтой байна. Дүгнэлт: Шатаар буух үед суналтгүй наалт хэрэглэх нь өвдөгний үений дотогш шилжилтийн өнцгийг бууруулж байна харин суналттай наалт хэрэглэх нь аарцгийн доош шилжилтийг бууруулахад илүү үр дүнтэй байна. Суналттай болон суналтгүй наалт хэрэглэх нь наалт хэрэглээгүй үеийн нөхцөлтэй харьцуулахад өвдөгний үений Q өнцгийг ижил хэмжээгээр бууруулсан боловч өвдөгний үений нугалах хөдөлгөөний далайцад үр нөлөө үзүүлээгүй. Эдгээр үр дүнгээс үзэхэд суналтгүй наалт нь өвдөгний үений дотогш хэт хазайлтыг хянахад илүү үр дүнтэй, харин суналттай наалт нь өдөр тутмын үйл ажиллагааны үед аарцгийн тогтвортой байдлыг сайжруулахад илүү үр дүнтэй байна.
Background: During knee flexion and extension, imbalance in the forces controlling the patella can cause lateral displacement of the patella, resulting in abnormal loading on the femoral groove and leading to anterior knee pain (AKP). Management of AKP is typically non-surgical. Therefore, the purpose of this study was to investigate the effect of inelastic and elastic taping on knee kinematics during stair descent. Aim: To examine the effects of elastic and inelastic taping on knee joint kinematics during stair descent. Materials and Methods: A total of 60 female participants were recruited. Each participant descended a standardized 20 cm step while being recorded from sagittal and frontal plan using high-speed cameras. Three test conditions were assessed: no taping, elastic taping, and non-elastic taping. Motion analysis was performed using the “Motion Analysis Image J” program to measure knee flexion range of motion, knee valgus angle, Q-angle, and pelvic drop. Results: The mean knee flexion angles were 61.47±5.72 degree (no taping), 61.35±6.33 degree (elastic taping), and 60.21±8.60 degree (inelastic taping), with no significant difference (p=0.305). However, the knee Q-angle differed significantly among conditions: 20.97±11.31 degree (no taping), 20.34±9.10 degree (elastic taping), and 10.16±7.24 degree (inelastic taping) (p=0.001). Knee valgus angle also showed significant differences (8.14±5.72 degree p=0.001). Pelvic drop angles were 10.19±6.31 degree (no taping), 9.06±5.31 degree (elastic taping), and 5.17±4.15 (inelastic taping), with p=0.001, indicating statistical significance. Conclusion: During stair descent, the use of inelastic taping reduces the knee valgus angle, whereas elastic taping is more effective in reducing pelvic drop. Both elastic and inelastic taping reduced the knee Q-angle to a similar extent compared to the no-tape condition; however, neither had an effect on knee flexion range of motion. These findings suggest that inelastic taping is more effective for controlling excessive knee valgus, while elastic taping is more effective for improving pelvic stability during daily activities.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1306
Эшлэл
Э.Ануужин, Б.Мөнх-Эрдэнэ, Д.Батлхам. Шатаар буух үеийн өвдөгний үений кинематикт суналттай болон суналтгүй наалтын үзүүлэх нөлөөг судалсан нь. Эрүүл мэндийн шинжлэх ухаан. 2025;21(6):141-146.