Loading...
Эх хүүхдийн эрүүл мэндийн үндэсний төвд хэвтэн эмчлүүлсэн жирэмсэн эмэгтэйчүүдийн антибиотикийн зохистой хэрэглээг үнэлсэн дүн
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
178
End Page
183
ISSN
2959-6947
Хураангуй
Үндэслэл: Жирэмсэн үед эмэгтэйчүүдийн дархлаа тогтолцоо, бодисын солилцоо, эрхтэн тогтолцооны үйл ажиллагаанд олон төрлийн физиологийн өөрчлөлт гардаг бөгөөд халдвар авах эрсдэл нэмэгддэг тул антибиотик хэрэглэх шаардлага үүсдэг. Жирэмсэн эмэгтэйчүүдийн антибиотикийн хэрэглээний зохистой байдлыг үнэлэх нь эмнэлгийн түвшинд антибиотикийн хэрэглээний удирдамжийг боловсронгуй болгох, эмнэлзүйн эм зүйн тусламжийг сайжруулах, улмаар бичил биетний тэсвэржилтийн эрсдэлийг бууруулахад чухал ач холбогдолтой юм. Жирэмсэн эмэгтэйчүүдийн антибиотикийн зохистой хэрэглээг тогтмол судалж, эмийн эмчилгээний үр дүн, аюулгүй байдлыг хангах шаардлагатай байдаг нь энэхүү судалгааны үндэслэл боллоо. Зорилго: Эх, хүүхдийн эрүүл мэндийн үндэсний төв (ЭХЭМҮТ)-ийн Эх барих, эмэгтэйчүүдийн эмнэлэг (ЭБЭЭ)-ийн Эрсдэлтэй жирэмслэлт судлалын тасаг (ЭЖСТ) болон Дутуу төрөлт судлалын тасаг (ДТСТ)-т хэвтэн эмчлүүлэгчдийн антибиотикийн зохистой хэрэглээг үнэлэх. Арга, аргачлал: ЭХЭМҮТ-ийн ЭБЭЭ-ийн ЭЖСТ болон ДТСТ-т хэвтэн эмчлүүлэгчдийн антибиотикийн зохистой хэрэглээг тусгайлан боловсруулсан судалгааны карт ашиглан ретроспектив судалгааны аргаар үнэлэв. Судалгааны өгөгдөлд SPSS-29.0 статистикийн программыг ашиглан тойм статистик боловсруулалт хийв. Үр дүн: Судалгаанд нийт 348 жирэмсэн эмчлүүлэгч хамрагдсан бөгөөд дундаж нас 31.6±6.9 жил байв. Эмчлүүлэгчдийн дундаж ор хоног ЭЖСТ-т 5.9±2.0, ДТСТ-т 12.5±5.0 хоног байсан нь статистикийн хувьд ялгаатай (p < 0.001) байв. Антибиотик хэрэглэсэн тохиолдлын 39.1%-д эмчилгээний заалтаар, 33.0%-д урьдчилан сэргийлэх зорилгоор, 21.3%-д тодорхой заалтгүйгээр антибиотикийг хэрэглэсэн байв. Хамгийн түгээмэл хэрэглэгдсэн антибиотикийн сонголт нь β-лактам + метронидазол (29%) хослол байв. Цефазолин, цефотаксимын тун дийлэнх тохиолдолд тохиромжтой байсан бол азитромицины тун дийлэнх тохиолдолд ихэдсэн байв. Жирэмсний үеийн FDA ангиллаар авч үзвэл нийт хэрэглэсэн 762 антибиотикийн 87.0% нь B ангилал, 8.8% нь C ангилал, 4.2% нь D ангилалд багтаж, жирэмсний триместр хооронд статистикийн ялгаагүй (p=0.695) байв. Дүгнэлт: ЭХЭМҮТ-д хэвтэн эмчлүүлсэн жирэмсэн эмэгтэйчүүдийн антибиотикийн хэрэглээний зохистой байдлыг үнэлэхэд нийт хэрэглээний 39.1% нь эмчилгээний заалтаар, 33.0% нь урьдчилан сэргийлэх зорилгоор антибиотик хэрэглэсэн бол 21.3% нь заалт тодорхойгүй хэрэглээ байв. Хамгийн түгээмэл хэрэглэгдсэн антибиотик нь β-лактамын бүлгийн антибиотик байсан бөгөөд ихэвчлэн метронидазолтой хавсарч хэрэглэсэн байна. FDA-ийн ангиллаар хэрэглэсэн антибиотикийн 87% нь B, 8.8% нь C, 4.2% нь D ангиллын антибиотик байв. Энэхүү үр дүн нь антибиотикийн хэрэглээ зохисгүй бөгөөд мэдрэг чанарын шинжилгээний хэрэгжилт хангалтгүй байгааг харуулж байна. Иймд антибиотикийн хэрэглээний удирдамжийг чанд мөрдөх, эмнэлзүйн эм зүйн тусламж үйлчилгээг сайжруулах шаардлагатай байна.
Background: Pregnancy induces multiple physiological, metabolic, and immunological alterations that increase susceptibility to infections, often necessitating antibiotic therapy. Evaluating the rational use of antibiotics among pregnant women is crucial for optimizing antimicrobial stewardship at the hospital level, improving clinical pharmacy services, and reducing the risk of antimicrobial resistance. Aim: To assess the rational use of antibiotics, including indication, selection, dosage, and treatment duration—among hospitalized pregnant women in the Department of High-Risk Pregnancy and the Department of Preterm Birth at the National Center for Maternal and Child Health. Materials and Methods: A retrospective study was conducted using a specifically designed data collection form to assess antibiotic use among inpatients at the National Center for Maternal and Child Health. Descriptive statistical analyses were performed using SPSS version 29.0. Results: A total of 348 pregnant inpatients were included, with a mean age of 31.6 ± 6.9 years. The mean length of hospital stay was significantly longer in the Department of Preterm Birth (12.5 ± 5.0 days) compared to the Department of High-Risk Pregnancy (5.9 ± 2.0 days; p < 0.001). The indications for antibiotic use were therapeutic in 39.1%, prophylactic in 33.0%, and unspecified in 21.3% of cases. The most frequently prescribed antibiotic regimen was a combination of β-lactams and metronidazole (29%). While the dosing of cefazolin and cefotaxime was largely appropriate, notable dosing discrepancies were observed in the dosing of ampicillin and azithromycin. Based on the U.S. FDA pregnancy risk classification, among a total of 762 antibiotic prescriptions, 87.0% belonged to category B, 8.8% to category C, and 4.2% to category D, with no significant variation across trimesters (p = 0.695). Conclusion: The assessment of antibiotic use among hospitalized pregnant women at the National Center for Maternal and Child Health revealed that 39.1% of the prescriptions were therapeutic, 33.0% were prophylactic, and 21.3% lacked a clear indication for use. β-lactam antibiotics were the most commonly used agents, frequently combined with metronidazole. Based on the FDA classification system, 87% of the prescribed antibiotics belonged to category B, 8.8% to category C, and 4.2% to category D. These findings indicate inappropriate antibiotic use and insufÏcient implementation of antimicrobial susceptibility testing. Therefore, strict adherence to antibiotic stewardship programs and strengthening of clinical pharmacy services are necessary to improve antibiotic use practices.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1311
Эшлэл
В.Оюунгэрэл, М.Тэмүүлэн, А.Сосорбарам, С.Пүрэвсүрэн, Б.Тунгалаг. Эх хүүхдийн эрүүл мэндийн үндэсний төвд хэвтэн эмчлүүлсэн жирэмсэн эмэгтэйчүүдийн антибиотикийн зохистой хэрэглээг үнэлсэн дүн. Эрүүл мэндийн шинжлэх ухаан. 2025;21(6):178-183.