Loading...
LncRNA GSEC ба амны хөндийн хавтгай хучуур эсийн өмөн хоорондын хамаарлыг судалсан нь
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
189
End Page
193
ISSN
2959-6947
Хураангуй
Үндэслэл: Дэлхийн Эрүүл Мэндийн Байгууллагын (ДЭМБ) үзүүлэлтээр амны хөндийн хорт хавдар нь толгой, хүзүүний хорт хавдрын хамгийн түгээмэл хавдрын нэг бөгөөд тохиолдлоор нийт хавдрын 16-рт орж байна. Амны хөндийн хавдрын 90 орчим хувийг хавтгай хучуур эсийн өмөн эзэлж байна. Тус хавдрыг үүсэхэд олон эрсдэлт хүчин зүйлс нөлөөлөх ба бие махбодын зарим генийн үйл ажиллагаа чухал нөлөөтэй байдаг. lncRNA GSEC нь хавдартай холбоотой эсэхийг орчин үед их сонирхон судалж байна. Зорилго: Энэхүү судалгаа нь амны хөндийн хавтгай хучуур эсийн өмөн (АХХХЭӨ)-гийн эсийн үйл ажиллагаанд lncRNA GSEC хэрхэн нөлөөлж байгааг туршилтын амьтанд судлахаар зорилго тавин ажиллалаа. Арга, аргачлал: Судалгаанд хүний амны хөндийн хорт хавдрын шугаман эс (CAL27)-ийн GSEC нь хавдрын эсийн пролиферацид хэрхэн оролцож байгааг эрүүл 5 долоо хоногтой BALB/c 15 нүцгэн хулганыг ашиглан 3 бүлэгт хувааж арьсан дор нь нэгдүгээр бүлэгт CAL27 эсийг дангаар, хоёрдугаар бүлэгт хяналтын si-NC CAL27 эсийг, гуравдугаар бүлэгт si-GSEC CAL27 бүхий эсийг тарьж биеийн жин, хавдрын эзэлхүүнийг хэмжив. Туршилтын 13 дахь хоногт хулганыг егүүтгэж, хавдрын эдийг авч, жинлэж, хавдрын эдийг гематоксилин-эозин (HE) болон иммуногистохимийн аргаар будаж эсийн пролиферацид оролцдог уургууд болох Ki67, PCNA судлав. Үр дүн: Судалгааны 3 бүлэг хулганын 13 дах хоног хүртэлх жин хооронд ялгаа байгаагүй боловч хулганыг егүүтгэсний дараа ялгаж авсан хавдрын эдийн хэмжээ болон жин нь si-GSEC CAL27 бүлэгт si-NC CAL27 болон дан CAL27 эс тарьсан бүлгийнхээс статистик ач холбогдол бүхий бага байлаа (p <0.001). Мөн түүнчлэн хавдрын эдийг гематоксилин-эозин (HE)-ээр будаж харахад si-GSEC бүлгийн эд, эсийн бүтэц бусад бүлгүүдтэй харьцуулахад харьцангуй эмх цэгцтэй, эсүүдийн ялгарал сайн, хорт хавдрын эсийн тоо цөөн, бөөмийн хуваагдлын тоо буурсан, хавдрын хувирал бага харагдаж байлаа. Хавдрын эд дэх Ki67, PCNA уургуудийг иммуногистохимийн шинжилгээгээр судлахад хорт хавдрын эдэд нэг төрлийн бус тархсан байх бөгөөд захын бүс болон эсийн ялгаралт муутай хэсгүүдэд нягтрал ихтэй, кератинжсан ба үхжилтийн бүсүүдэд бага тархсан байлаа. Харин si-GSEC бүлэгт Ki67, PCNA уургууд бусад хоёр бүлэгтэй харьцуулахад мэдэгдэхүйц буурсан байлаа. Дүгнэлт: АХХХЭӨ-гийн эсийн GSEC нь in vivo орчинд хавдрын эсийн пролиферацийг дэмжих үйлдэлтэй байна.
Background: According to the World Health Organization (WHO), oral cancer is one of the most common malignancies of the head and neck region, ranking 16th among all cancers worldwide. Approximately 90% of oral cancers are oral squamous cell carcinomas. The development of this malignancy is influenced by multiple factors, and some genes plays a crucial role in development of the cancer. In recent years, the potential association between lncRNA GSEC and cancer has attracted significant research interest. Aim: This study aimed to investigate some functions of lncRNA GSEC in oral squamous cell carcinoma (OSCC) in vivo experimental model. Materials and Methods: To examine the role of GSEC in the proliferation of human oral cancer cells (CAL27), fifteen healthy 5-week-old BALB/c nude mice were divided into three groups: group Blank (CAL27 cells alone), NC (control si-NC CAL27 cells), and si-GSEC (si-GSEC CAL27 cells). The mice were subcutaneously injected with CAL27 cells alone, control si-NC CAL27 cells and si-GSEC CAL27 cells. Body weight and tumor size of the mice were measured throughout the experiment. On day 13, the mice were sacrificed, tumor tissues were excised and weighed, and the tumor tissues were stained using hematoxylin–eosin (HE) and immunohistochemistry to examine the expression of proliferation-related proteins Ki-67 and PCNA. Results: No significant differences in body weight were observed among the three groups of the mice up to day 13. However, the excised tumors from the si-GSEC CAL27 group were significantly smaller and lighter than those from the siNC CAL27 and CAL27-only groups (p < 0.001). HE staining showed that tumor tissues in the si-GSEC group had more organized structure, better cellular differentiation, fewer malignant cells, decreased nuclear division, and reduced tumor transformation compared with the other groups. Immunohistochemical analysis revealed that Ki-67 and PCNA expression in tumor tissues was heterogeneously distributed, with higher density in peripheral and poorly differentiated regions, and lower expression in keratinized and necrotic areas. Notably, expression levels of both Ki-67 and PCNA were markedly reduced in the si-GSEC group compared with the other two groups. Conclusion: lncRNA GSEC promotes tumor cell proliferation in vivo in oral squamous cell carcinoma.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1313
Эшлэл
Deleheibateer (Дэлхийбаатар), Б.Од, А.Шийрэвнямба. LncRNA GSEC ба амны хөндийн хавтгай хучуур эсийн өмөн хоорондын хамаарлыг судалсан нь. Эрүүл мэндийн шинжлэх ухаан. 2025;21(6):189-193.