Loading...
Z үеийн оюутнуудын суралцах сонирхол ба оролцооны түвшинг судалсан дүн
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
200
End Page
204
ISSN
2959-6947
Хураангуй
Үндэслэл: Судлаачдийн тэмдэглэснээр Z үеийн оюутнууд 1995 оноос хойш төрсөн хүмүүс ба онцлог шинж чанар нь нэг зэрэг олон ажил амжуулах чадвартай, уламжлалт суралцах арга барилыг таашаадаггүй, тэвчээр муутай, анхаарал төвлөрөл сул, багаар ажиллахаасаа илүү бие дааж ажиллахыг илүүд чухалчилдаг, уламжлалт суралцах арга барилыг таашаадаггүй, тэвчээр муутай, сэтгэцийн эмгэгт амархан өртдөг шинэ үеийн нэг хэсэг гэж тодорхойлсон байна. Зорилго: Сувилахуйн сургуульд суралцаж буй Z үеийн оюутнуудын хичээлд оролцох оролцооны түвшинг судлах. Арга, аргачлал: Судалгааг аналитик судалгааны агшингийн загвар, тоон судалгааны асуумжийн аргаар хийж гүйцэтгсэн. ба 2025 оны 2-р сарын 1-нээс 4-р сарын 1-ний хооронд гүйцэтгэсэн. Судалгаанд АШУҮИС-ийн Сувилахуйн сургуулийн сувилахуй, эх барихуй, хөдөлгөөн засал, хөдөлмөр засал, уламжлалт анагаахын сувилахуйн 420 оюутнуудыг хамруулав. Z үеийн оюутнуудын хичээлд оролцох оролцоог үнэлэхийн тулд Student Course Engagement Questionnaire (Handelsman, 2005)-хувилбарыг ашигласан. Асуумжийн найдвартай байдлыг үнэлэхэд Cronbach’s α=0.955 байв. Судалгааг статистик боловсруулалтын SPSS-25.0 программыг ашигласан ба P утга 0.05-аас бага тохиолдолд статистикийн үнэн магадлалтай гэж тооцов. Үр дүн: Судалгаанд нийт 420 оюутан оролцсон ба тэдний 91.9% нь эмэгтэй, 8.1% нь эрэгтэй оюутан байв. Мэргэжлээр нь авч үзвэл 57.1% нь сувилахуй, 22.6% нь эх барихуй, 8.8% нь хөдөлгөөн засалч, 11.5% нь бусад мэргэжлийн оюутнууд байв. Оюутнуудын хичээлийн идэвх оролцоо, хувийн хариуцлага ба хичээл зүтгэл, суралцах хандлага ба сонирхол гэсэн бүлгүүдэд хуваан, судалгаанд оролцогчдын нас, суралцаж буй мэргэжил, дамжаа зэрэг үзүүлэлтийн хоорондын хамаарлыг Пеарсоны корреляцийн шинжилгээгээр тооцоолоход суралцагчийн идэвх оролцоо нь хувийн хариуцлага хичээл зүтгэлтэй (r=0.828), суралцах хандлага ба сонирхолтой (r=0.825), хувийн хариуцлага, хичээл зүтгэл болон суралцах хандлага, сонирхол хооронд (r=0.903) шууд эерэг хамааралтай (p<0.01) байв. Харин судалгаанд оролцогчдын нас нь суралцаж буй дамжаатай (r=0.381) сул эерэг хамааралтай байсан бол суралцаж буй мэргэжил болон дамжаа хооронд (r=-0.146) сул урвуу хамааралтай (p<0.01) байна. Суралцаж буй дамжаа, суралцах хандлага ба сонирхол хооронд (r=-0.107, p<0.05) сул урвуу хамааралтай байна. Дүгнэлт: Судалгаанд хамрагдсан Z үеийн оюутнуудын суралцах сонирхол, хичээлд оролцох байдал нь тэдний хувийн хариуцлага, хичээл зүтгэл, суралцах хандлагатай өндөр хамааралтай (r=0.82–0.90, p<0.01) байна. Оюутнуудын ихэнх нь суралцах хүсэлтэй, хичээлдээ тогтмол оролцдог, уламжлалт арга барилд дургүй, дадлага сургалтад илүү сонирхолтой байна.
Background: Generation Z students, born after 1995, are characterized by their ability to multitask, low tolerance for traditional learning methods, impatience, short attention span, and preference for working independently rather than collaboratively. They are also considered more vulnerable to mental health challenges compared to previous generations. Aim: To assess the level of academic engagement among Generation Z students studying in the School of Nursing. Materials and Methods: This descriptive, cross-sectional quantitative study was conducted from February 1 to April 1, 2025. A total of 420 students majoring in nursing, midwifery, physical therapy, occupational therapy, and traditional medicine nursing at the School of Nursing, Mongolian National University of Medical Sciences, participated in the study. The Student Course Engagement Questionnaire (Handelsman, 2005) was used to evaluate students’ engagement levels. The reliability of the questionnaire was confirmed with a Cronbach’s α of 0.955. Statistical analysis was performed using SPSS version 25, and results were considered statistically significant at p<0.05. Results: Among the 420 participants, 91.9% were female and 8.1% were male. By major, 57.1% studied nursing, 22.6% midwifery, 8.8% physical therapy, and the remainder were from other disciplines. Student engagement was analyzed across three domains: academic involvement, personal responsibility and effort, and learning attitude and motivation. Pearson correlation analysis revealed strong positive correlations between academic involvement and personal responsibility/effort (r=0.828), learning attitude and motivation (r=0.825), and between responsibility/effort and learning attitude/ motivation (r=0.903) (p<0.01). Age showed a weak positive correlation with year of study (r=0.381), while major and year of study had a weak negative correlation (r= -0.146) (p<0.01). Year of study and learning motivation also showed a weak negative correlation (r=-0.107, p<0.05). Conclusion: The learning motivation and class engagement of Generation Z nursing students were found to be strongly correlated with their sense of responsibility, effort, and learning attitude (r=0.82–0.90, p<0.01). Most students demonstrated consistent participation and motivation to learn, showed less interest in traditional teaching approaches, and preferred practical training.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1315
Эшлэл
О.Отгонцэнд, Б.Ганбаатар, Б.Одгэрэл, Ж.Ариунаа, Д.Энхболд, С.Дэлгэрмаа нар. Z үеийн оюутнуудын суралцах сонирхол ба оролцооны түвшинг судалсан дүн. Эрүүл мэндийн шинжлэх ухаан. 2025;21(6):200-204.