Loading...
Амьсгалын доод замын бөглөрлийг илрүүлэх маннитолтой сорил ба аллергены мэдрэгшлийн байдал
Зохиогч
Он
2019 оны арван нэгдүгээр сарын 18
Төрөл
journal article
Journal
Эрүүл мэндийн шинжлэх ухаан
Volume
16
Issue
2
Start Page
5
End Page
9
ISSN
2959-6947
Хураангуй
Багтраа өвчний тархалт, өвчлөл нь дэлхий дахинд сүүлийн жилүүдэд хурдацтай нэмэгдэж өнөөгийн байдлаар дэлхий дахинд 339 сая хүн багтраатай байна.1 Манай орны хот суурин газрын агаарын бохирдол мэдэгдэхүйц нэмэгдэж байгаатай холбоотойгоор багтраа өвчний өвчлөл, тархалт жилээс жилд нэмэгдэх хандлагатай байгааг судлаачид тогтоосон. 2010 оны байдлаар Улаанбаатар хотын 6-7 насны хүүхдүүдийн дундах багтрааны тархалт 20.9%, насанд хүрэгсдийн оношлогдсон багтрааны тархалт 4.7% байгааг тодорхойлсон.2-6 Энэ удаад бид гуурсан хоолойн маннитолтой сорилоор амьсгалын замын урвалж байдлыг тодорхойлж багтрааг эрт илрүүлэн аэроаллергены мэдрэгшилтийн байдалтай уялдуулан судлах зорилго тавьсан. Хэрэглэгдэхүүн ба арга зүй: Судалгаанд олон улсын судалгааны стандарт асуумжийн аргыг хэрэглэсэн. 40 төрлийн аллергены өвөрмөц IgE эсрэгбиеийг шингэний бичил орчинд суурилсан дархлааны урвалын бүрэн автомат төхөөрөмжөөр (Agnitio Technology and Sciences Inc, Taiwan), уушгины агааржилтын үйл ажиллагааг (Spirostar USB, Spiro pro 3.1.2 software Medikro OY) спирометрээр тодорхойлов. Маннитолтой сорилыг 9 шатлалаар (Aridol/Osmohale, Pharmaxis Ltd Frenchs Forest, Sydney Australia) хуримтлагдсан тун 635 мг хүртэл нэмэгдүүлэн FEV1 үзүүлэлт 15%-иас дээш бууралтыг ач холбогдолтой гэж үзсэн. Үр дүн: Судалгаанд 18–69 насны (дундаж нас 32±8.8, 95%CI: 23.4–49.6) эрэгтэй 95, эмэгтэй 101 нийт 196 хүнийг хамруулсан. Харшлын багтраатай судалгаанд хамрагдсад ургамлын тоос 163 (83.1%), амьтаны хучуур эд 24 (21.6%), латекс 24 (21.6%), тоосны хачиг 8 (9.6%) аллергенд мэдрэгшсэн байна. Захын цусанд илрэх аллерген-өвөрмөц IgE эсрэгбиеийн хэмжээгээр тогтооход шарилжинд хүчтэй (9.2±6.7 AU), адуу (6.5±4.2AU), муур (5.9±4.5AU), дурваалиг (5,75±3.5 AU), буудай (5.6±4.4 AU), хус (5.5±4.0 AU) аллергенд тус тус дунд зэргийн эрчимтэй мэдрэгшил үүсгэж байна. Маннитолтой сорилоор postFEV1 үзүүлэлт нь preFEV1 үзүүлэлтээс эрэгтэйчүүдэд 48.3±8.6%, эмэгтэйчүүдэд 38.3±9.6%-ийн бууралтад хүргэж байв. Дүгнэлт: Судалгаанд хамрагдагсдын маннитолын хуримтлалын хэмжээ ихсэх тусам FEV1 үзүүлэлт буурч гуурсан хоолойн хэт урвалж байдал илэрсэн бөгөөд гуурсан хоолойн хэт урвалж байдлын сэдрэлтэд шарилжны цэцэглэлт, тоосжилтын улирал голлон нөлөөлж байна.
Background: Prevalence and morbidity of asthma is dramatically increasing in the last decades and there are 339 million people with asthma globally. In our country, asthma morbidity and prevalence is increasing year by year. In 2010, prevalence of asthma among 6-7 years old children is 20.9% and current asthma is 15.8%, physician diagnosed asthma is 4.7% among adults in our country2-6. We have a possibility to detect asthma earlier with airways hyperresponsiveness by the bronchial challenge test. Aim: The main aim this study was to defined association between aeroallergen sensitization and detection of airways hyperresponsiveness by mannitol challenge test. Method and materials: We were detected 40 different allergen-scpecific IgE by the automated microfluidic-based immunoassay system (Agnitio Technology and Sciences Inc, Taiwan) and for detection of airway ventilation function by the spirometry (Spirostar USB, Spiro pro 3.1.2 software Medikro OY). Mannitol challenge tests were used 9 steps protocol (Aridol/Osmohale, Pharmaxis Ltd Frenchs Forest, Sydney Australia) and cumulative doses was increased 635 mg. We were evaluated the significant decreasing of FEV1 was 15%. Results: We were chosen 196 subjects with 18-69 years old (mean age 32±8.8, 95%CI: 23.4–49.6) 95 males and 101 females. Allergic asthma subjects were sensitized to pollen 163 (83.1%), animal dander 24 (21.6%), latex 24 (21.6%), dust mites 8 (9.6%). Allergen specific IgE of peripheral blood were detected strongly sensitized to weeds 9.2±6.7 AU, medium sensitized to horse (6.5±4.2AU), cat (5.9±4.5AU), grasses (5,75±3.5 AU), wheat (5.6±4.4 AU) and birch (5.5±4.0 AU). There was statistically significant decreased of postFEV1 than preFEV1 parameters in male 48.3±8.6% and in female 38.3±9.6% by the mannitol challenge test. Conclusion: The season of mugwort pollination period of time was associated with bronchial hyperresponsiveness detected by mannitol challenge test.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1323
Эшлэл
С.Мөнхбаярлах, Б.Баяр-Өлзий, Н.Төвшинтөр, Л.Наранцэцэг. Амьсгалын доод замын бөглөрлийг илрүүлэх маннитолтой сорил ба аллергены мэдрэгшлийн байдал. Эрүүл мэндийн шинжлэх ухаан. 2019;16(2):5-9.