Loading...
Ходоодны хорт хавдрын үед ийлдсэнд пепсиногенийг тодорхойлсон дүн
Зохиогч
Он
2020 оны тавдугаар сарын 1
Төрөл
journal article
Journal
Эрүүл мэндийн шинжлэх ухаан
Volume
16
Issue
2
Start Page
74
End Page
77
ISSN
2959-6947
Хураангуй
үндэслэл: Монгол улс дэлхийн хэмжээнд ходоодны хорт хавдрын нас баралтын түвшингээр хамгийн өндөр байна. Ходоодны хавдрыг эрт илрүүлж эмчлэх нь ходоодны хавдрын нас баралтыг бууруулахад чухал ач холбогдолтой юм. Иймээс ходоодны хавдрыг эрт үед нь оношлох чадвартай, хүн амын дунд эрт илрүүлэг хийхэд тохиромжтой, хялбар оношилгооны арга шаардлагатай байна. Зорилго: Ходоодны хорт хавдартай өвчтөнүүдийн ийлдсэнд пепсиноген I, II, пепсиноген I/II маркеруудыг үнэлэх. Судалгааны хэрэглэгдэхүүн ба арга зүй: Судалгааг тохиолдол хяналтын судалгааны загварыг ашиглан 2019-2020 оны хооронд Анагаах ухааны хүрээлэн (АУХ)-ийн Хавдар судлалын сектор болон Хавдар судлалын үндэсний төв (ХСҮТ)-ийг түшиглэн хийж гүйцэтгэсэн. Судалгаанд хамрагдсан 2 бүлгийн ийлдсэнд ПГI, ПГII, ПГI/ II харьцааг тодорхойлох шинжилгээг фермент холбох урвал - ELISA (enzyme linked immunosorbent assay) аргаар АУХ-ийн Эрдэм шинжилгээний төв лабораторид Финлянд улсын BIOHIT HealthCare үйлдвэрийн GastroPanel Elisa Kit ашиглан цомог үйлдвэрлэгчийн заавар, удирдамжийн дагуу тодорхойлсон болно. үр дүн: Бидний судалгаанд нийт 25-87 насны 80 оролцогч хамрагдсан бөгөөд дундаж нас 61.21, стандарт хазайлт 13.75 байлаа. Судалгааны бүлгүүдийн шинжилгээний үзүүлэлтүүдийн дундаж нь PGI 78.76±60.56, PGII 17.45±13.14, PGI/II 5.28±4.18 байсан ба статистик ач холбогдлыг нарийвчлан үнэлэхийн тулд хэт өндөр хэлбэлзэл бүхий утгуудыг хасч тооцсон ба тохиолдлын бүлгийг хяналтын бүлэгтэй харьцуулан үнэлэхэд PGI дундаж нь хавдартай бүлэгт 43.35±36.67 µg/l, эрүүл бүлэгт 68.11±35.39 µg/l байсан ба статистикийн ач холбогдол бүхий ялгаатай (p=0.009), PGII дундаж нь хавдартай бүлэгт 14.94±10.44 µg/l, эрүүл бүлэгт 13.29±5.98µg/l байсан ба ач холбогдол бүхий ялгаагүй (p=0.434), PGI/II харьцаа хавдартай бүлэгт 3.40±2.56, эрүүл бүлэгт 5.49±2.83 байсан ба статистикийн ач холбогдол бүхий ялгаатай (p=0.004) байна. Дүгнэлт: Ходоодны хорт хавдрын үед ийлдсийн PGI болон PGI/ II харьцаа буурч байна.
Introduction: Mongolia has the highest mortality rate of gastric cancer (GC). Early detection and treatment can reduce the mortality of GC. Therefore, it is important to establish an efÏcient and better cost effective screening method for early detection of gastric cancer in regular mass survey. Purpose: The purpose of this study is to evaluate serum pepsinogen I, II and PGI / II in patients with gastric cancer in our country. Materials and methods: We investigated subjects with histologically proven adenocarcinoma who underwent GC-related operative treatment either at National Cancer Center in 2019-2020. In addition, relatively healthy people were age and gender adjustably selected from the department of endoscopy. In the two categories of the study, the PGI, PGII, PGI / II ratio screening test were performed by ELISA (enzyme linked immunosorbent assay) using the GastroPanel Elisa Kit from BIOHIT HealthCare, Finland and BIOBASE-EL10A reader album of Biobase Biodustry of China guidelines. Results: A total of 80 subjects (44 males, 36 females) were eligible for this study, and their mean age was 61.21 (±13.75) years. The mean serum PG I and PG II levels and PG I/II ratio were 78.76(±60.56), 17.45 (±13.14) µg/l, and 5.28(±4.18), respectively. The characteristics of the subjects without neoplasms and those with gastric neoplasms were compared; among the serological markers evaluated, the PG II level was not significantly different between the 2 groups (13.29± 5.98 vs 14.94±10.44 ng/mL, P=0.434). However, significant differences were found in the serum PG I level (68.11±35.39 vs 43.35±36.67 ng/mL, P<.009) and PG I/II ratio (5.49±2.83 vs 3.4 ±2.56, P<.004). Conclusion: The serum PGI and PGI / II ratios are decreasing in stomach cancer. ‑
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1394
Эшлэл
А.Дашмаа, Л.Тулгаа, Д.Ганчимэг, Б.Батболд, Г.Сэржбаяр, М.Адилсайхан нар. Ходоодны хорт хавдрын үед ийлдсэнд пепсиногенийг тодорхойлсон дүн. Эрүүл мэндийн шинжлэх ухаан. 2020;16(2):74-77.