Loading...
Ходоодны хорт хавдар болон ийлдсийн пепсиногений хамаарал
Зохиогч
Он
2020 оны дөрөвдүгээр сарын 13
Төрөл
journal article
Journal
Эрүүл мэндийн шинжлэх ухаан
Volume
16
Issue
3
Start Page
45
End Page
50
ISSN
2959-6947
Хураангуй
Монгол улс дэлхийд ходоодны хорт хавдрын нас баралтын түвшингээр хамгийн өндөр байна. Ходоодны хавдрыг эрт илрүүлж эмчлэх нь ходоодны хавдрын нас баралтыг бууруулахад чухал ач холбогдолтой юм. Иймээс ходоодны хавдрыг эрт үед нь оношлох чадвартай, хүн амын дунд эрт илрүүлэг хийхэд тохиромжтой, хялбар оношилгооны арга шаардлагатай байна. Зорилго: Ходоодны хорт хавдартай өвчтөнүүдийн ийлдсэнд пепсиноген I (ПГI), пепсиноген II (ПГII), пепсиноген I/II харьцаа (PGI/II) маркеруудыг үнэлэх. Судалгааны хэрэглэгдэхүүн ба арга зүй: Судалгааг тохиолдол хяналтын судалгааны загварыг ашиглан 2019-2020 оны хооронд Анагаах ухааны хүрээлэн (АУХ)ийн Хавдар судлалын сектор болон Хавдар судлалын үндэсний төв (ХСҮТ)-ийг түшиглэн хийж гүйцэтгэсэн. Судалгаанд хамрагдсан 2 бүлгийн ийлдсэнд ПГI, ПГII, ПГI/II харьцааг тодорхойлох шинжилгээг фермент холбох урвал-ELISA (enzyme linked immunosorbent assay) аргаар АУХ-ийн Эрдэм шинжилгээний төв лабораторид Финлянд улсын BIOHIT HealthCare үйлдвэрийн GastroPanel Elisa Kit цомог ашиглан Хятад улсын Biobase Biodustry үйлдвэрийн BIOBASE-EL10A reader төхөөрөмжөөр үйлдвэрлэгчийн заавар, удирдамжийн дагуу тодорхойлсон болно. Үр дүн: Бидний судалгаанд нийт 25-87 насны 82 оролцогч хамрагдсан бөгөөд дундаж нас 61.21, стандарт хазайлт 13.75 байлаа. Судалгааны бүлгүүдийн шинжилгээний үзүүлэлтүүдийн дундаж нь ПГI 78.76±60.56 нг/мл, ПГII 17.45±13.14 нг/мл, ПГI/II 5.28±4.18 байсан ба шинжилгээний үр дүнд боловсруулалт хийх зорилгоор хэт өндөр хэлбэлзэл бүхий утгуудыг хасч тооцоход тохиолдлын бүлэгт ПГI дундаж нь 43.35±36.67 нг/мл, хяналтын бүлэгт 68.11±35.39 нг/мл байсан ба статистикийн ач холбогдол бүхий ялгаатай (p=0.009), ПГII дундаж нь тохиолдлын бүлэгт 14.94±10.44 нг/мл, хяналтын бүлэгт 13.29±5.98 нг/мл байсан ба ач холбогдол бүхий ялгаагүй (p=0.434), ПГI/II харьцаа тохиолдлын бүлэгт 3.40±2.56, хяналтын бүлэгт 5.49±2.83 байсан ба статистикийн ач холбогдол бүхий ялгаатай (p=0.004) байна. Судалгаанд оролцогчдыг дундаж нас буюу 60-аас доош болон дээш гэж ангилан биомаркерын түвшинг үнэлэхэд PGI ба PGII түвшин <60 насанд 94.23±62.55 нг/мл, 21.47±16.03 нг/мл, >60 насанд 64.74±55.77 нг/мл, 13.79±8.49 нг/мл буюу нас ахих тусам PGI (p=0.027), PGII (p=0.007) түвшин статистикийн ач холбогдол бүхий ялгаатай буурч байна. Судалгаанд оролцогчдын ийлдсийн ПГI/II харьцаагаар бүлэглэн үнэлэхэд ийлдсийн ПГI (p=0.000) болон ПГI/II (p=0.000) харьцаа бүлэг хооронд статистикийн ач холбогдол бүхий ялгаатай буурч байна. Судалгааны бүлгүүдэд ПГI, ПГII, ПГI/II түвшинг олон хүчин зүйлийн регрессийн шинжилгээгээр харьцуулан судлахад ПГI ≤30нг/мл болон ПГI/II ≤4 багасах нь ходоодны хорт хавдартай статистик ач холбогдол бүхий хамааралтай байна(ПГI: OR=6.44, 95%CI 2.03-20.45, p=0.002; ПГI/II:OR=4.05, 95%CI 1.41-11.64, p=0.01). ПГI/II үзүүлэлтийн cut off хэмжээг 4 гэж үзэн мэдрэг, өвөрмөц чанарыг Youden-ий индексээр үнэлэхэд мэдрэг чанар 61%, өвөрмөц чанар 72.0% (PPV 67%, NPV 65%) байлаа. ПГI биомаркерын cut off хэмжээ 30 нг/мл, мэдрэг чанар 57%, өвөрмөц чанар 82% (PPV 72%, NPV 70%), ПГII биомаркерын cut off хэмжээ 14 нг/мл, мэдрэг чанар 50%, өвөрмөц чанар 58% (PPV 42%, NPV 65%) байна. Дүгнэлт: Ходоодны хорт хавдрын үед ийлдсийн ПГI түвшин болон ПГI/II харьцаа статистикийн ач холбогдол бүхий ялгаатай буурч байна. Ийлдсийн ПГ түвшин нас ахих тусам багасч байна. Ходоодны хавдрын үед ийлдсийн ПГII түвшингээс илүүтэй ПГI-н түвшин ач холбогдол өндөртэй байна. Ходоодны хорт хавдрыг оношлох cut off утга ПГI ≤30 нг/мл байхад мэдрэг чанар 57%, өвөрмөц чанар 82%, ПГI/II ≤4 байхад мэдрэг чанар 61%, өвөрмөц чанар 72.0% байна.
Introduction: Mongolia has the highest mortality rate of gastric cancer (GC). Early detection and treatment can reduce the mortality of GC. Therefore, it is important to establish an efÏcient and better cost effective screening method for early detection of gastric cancer in regular mass survey. Purpose: The purpose of this study is to evaluate serum pepsinogen I(PGI), pepsinogen II(PGII) and pepsinogen I/II ratio (PGI/II) in patients with gastric cancer in our country. Materials and Methods: We investigated subjects with histologically proven adenocarcinoma who underwent GC-related operative treatment either at National Cancer Center in 2019-2020. In addition, relatively healthy people were age and gender adjustably selected from the department of endoscopy. In the two categories of the study, the PGI, PGII, PGI/ II ratio screening test were performed by ELISA (enzyme linked immunosorbent assay) using the GastroPanel Elisa Kit from BIOHIT HealthCare, Finland and BIOBASE-EL10A reader album of Biobase Biodustry of China guidelines. Result: A total of 82 subjects (43 males, 39 females) were eligible for this study, and their mean age was 61.21 (±13.75) years. The mean serum PGI and PGII levels and PG I/II ratio were 78.76(±60.56) ng/ml, 17.45(±13.14) ng/ml ,and 5.28(±4.18), respectively. The characteristics of the subjects without neoplasms and those with gastric neoplasms were compared; among the serological markers evaluated, the PGII level was not significantly different between the 2 groups (13.29± 5.98 vs 14.94±10.44 ng/ml, p=0.434). However, significant differences were found in the serum PGI level (68.11±35.39 vs 43.35±36.67 ng/ml, p<.009) and PGI/II ratio (5.49±2.83 vs 3.4 ±2.56, p<.004). PGI and PGII levels were assessed at 94.23 ± 62.55 ng/ml, 21.47 ± 16.03 ng/ml at 60 under of age and 64.74 ± 55.77 ng/ml, 13.79 ± 8.49 ng/ ml at 60 over of age. This is age related levels of PGI (p = 0.027) and PGII (p=0.007) decrease with statistically significant differences. In the group assessment of the participants serum PGI/II ratio, the significant difference between the serum PGI (p=0.000) and PGI/II ratio (p=0.000) decreased. When comparing PGI, PGII, and PGI/II levels in the study groups by multivariate regression analysis, the reduction in PGI ≤30ng/ml and PGI/II ≤4 was statistically significant in gastric cancer (PGI: OR = 6.44, 95% CI 2.03 -20.45, p=0.002; PGI/II: OR = 4.05, 95% CI 1.41-11.64, p=0.01). The cut-off value of PGI/II was 4 and the sensitivity and specificity were rated at 61% and 72.0% (PPV 67% and NPV 65%) by the Youden index. PGI biomarker cut off 30ng/ml, sensitivity 57%, specificity 82% (PPV 72%, NPV 70%), PGII biomarker cut off 14ng/ml, sensitivity 50%, specificity 58% (PPV 42%) , NPV (65%). Conclusion: Serum PGI and PGI/II ratios are significantly reduced in gastric cancer. Serum PG levels decrease with statistical significance with age. In gastric cancer, PGI levels are more important than serum PGII levels. The cut-off value for the diagnosis of gastric cancer is 57% sensitivity, 82% specificity at PGI ≤30ng/ml and 61% sensitivity, and 72.0% specificity at PGI/II ≤4. ‑
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1439
Эшлэл
А.Дашмаа, Л.Тулгаа, Д.Ганчимэг, М.Чинзориг, Э.Эрхэмбаяр, М.Адилсайхан нар. Ходоодны хорт хавдар болон ийлдсийн пепсиногений хамаарал. Эрүүл мэндийн шинжлэх ухаан. 2020;16(3):45-50.