Loading...
“Какамон” бэлдмэлийн шархны эдгэрэлтэнд үзүүлэх фармакологийн үйлдлийн судалгаа
Зохиогч
Он
2020 оны нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
1
Start Page
62
End Page
68
ISSN
2959-6947
Хураангуй
Үндэслэл: Уламжлалт анагаах ухаанд өргөн хэрэглэгддэг эмийн ургамлуудын биологийн идэвх, түүнийг нөхцөлдүүлэгч бодисуудыг шинжлэн судлах, улмаар эх орны эмийн сан хөмрөгийг байгалийн гаралтай бэлдмэлээр баяжуулах нь судлаачдын өмнө тавигдаж буй чухал зорилтын нэг юм. Манай улсад сүүлийн жилүүдэд хүн амын дунд амны салстын дахилтат афтозот үрэвслийн тохиолдол нэмэгдэх хандлагатай байгаа бөгөөд амны хөндийн үрэвсэлт өвчнүүдийн үед эмчилгээнд хэрэглэх хэсэг газрын үйлдэлтэй эмийн бэлдмэл харьцангуй хомс байна. Иймээс бид уламжлалт анагаах ухаанд өргөн хэрэглэгддэг Илдэн игүүшин (Cacalia hastate L.), Азийн төлөгч өвс (Achillea asiatica Serg.), Морин зээргэнэ (Ephedra equisetina Bunge) зэрэг эмийн ургамлуудыг 1:1:0.5 харьцаагаар авч, 1:10 харьцаатай идээшмэл бэлтгэсэн. Хандмал бэлтгэхдээ түүхий эд болон 50°-ийн спиртийг 1:10 харьцаатай авч усан халаагуурт 70°С-ийн температурт эргэх хөргүүрээр 6 цаг хандлав. Нийлмэл найрлагатай бэлдмэлийг “Какамон” гэж нэрлэн, шархны эдгэрэлтэнд нөлөөлөх үйлдлийг тогтоох судалгааг хийлээ. Материал арга зүй: Бид 36 толгой эр BALB/c үүлдрийн цагаан хулгана ашиглан тус судалгааг хийсэн ба амьтдыг 4 бүлэгт хувааж 1-р бүлэгт “Какамон” хандмал 400 мг/кг тунгаар, 2-р бүлэгт “Какамон” идээшмэл 400 мг/кг тунгаар, 3-р бүлэгт мөнгөжүүлсэн сульфадиазин, 4-р бүлэгт Вазелин тосон түрхэц хэрэглэн эмчилсэн. “Какамон” бэлдмэлийн шархны эдгэрэлтэнд нөлөөлөх үйлдлийг “Туршилтын цагаан хулганы нурууны арьсанд шархны эмгэг загвар”10 үүсгэж 4, 7 ба 10 дахь хоногт шархны ирмэгээс дээж авч, гистологийн шинжилгээ хийж, үр дүнгийн боловсруулалтыг SPSS-21 программын ANOVA, Tukey test ашиглан хийлээ. Үр дүн: Туршилтын 4 ба 7 дахь өдөр шархны ирмэгээс авсан эдэд шинжилгээ хийхэд мөнгөжүүлсэн сульфадиазин ба “Какамон” хандмал болон идээшмэлээр эмчилсэн бүлгийн үрэвслийн эсийн тоо сөрөг хяналтын бүлгээс бага, фибробласт эсийн идэвх, мөхлөгөнцөрт эдийн үүсэлт, холбогч эдийн ургалтыг харьцуулахад ач холбогдол ялгаа бүхий илүү байсан. Туршилтын 10 дахь өдөр “Какамон” бэлдмэлийн идээшмэл ба хандмалаар эмчилсэн бүлгийн амьтдын шархны фибробласт эсийн идэвхи, мөхлөгөнцөрт эдийн үүсэлт, холбогч эдийн ургалт, эпидермисийн суурийн давхарга, сорви үүсэлт, шархны гадаргуу дах арьсны өнгөц давхаргын үүсэлт зэрэг нь сөрөг хяналтын бүлгээс ач холбогдол бүхий илүү байв. Мөн мөнгөжүүлсэн сульфадиазин, “Какамон” хандмал ба идээшмэлээр эмчилсэн бүлгийн бүлгүүдийн үрэвслийн эсийн тоо нь сөрөг хяналтын бүлгээс ач холбогдол бүхий бага байсан. Дүгнэлт: “Какамон” бэлдмэлийн идээшмэл болон хандмал нь шархны эдгэрэлтэнд түргэсгэх, нөхөн төлжилтийг сайжруулах үйлдэлтэй болох нь тогтоогдлоо.
Background: Nowadays investigating bioactivity of medicinal herbs, which are widely used in traditional medicine, and their substances, further enriching domestic drug stockpile with natural medicinal herbs are one of the most important objectives for researchers. Recently recurrent oral mucous aphthous ulcers case is increasing in numbers, especially severe and complicated types of the disease are dominantly encountered in our country. But our country is relatively lacking in herbal pharmaceutical preparations with local effect for treatment of oral mucous aphthous ulcer and periodontitis. Therefore, we have prepared a novel herbal preparation from commonly used herbals in traditional medicine practice, Cacalia hastate L., Achillea asiatica Serg. and Ephedra equisetina Bunge with herbal extract ratio of 1:10, in which the ratio of herbs used as 1:1:0.5. Raw materials and 50° spirit were used with 1:10 ratio to be extracted in rotary refrigerator for 6 hours in 70°С using water heater. The complex preparation is called “Kakamon”. We evaluated the effects of “Kakamon” on wound healing. Materials and Methods: Thirty six male BALB/c mice were experimented. The mice were divided into four groups: the first group received topical administration of “Kakamon” 400 mg/kg ethanol extract, second group “Kakamon” 400 mg/kg aqueous extract, third group received silver sulfadiazine topical cream and fourth group received cold cream for treatment. A cut wound (superficial fascia depth) was made locally. On 4th, 7th and 10th days, excisional biopsies were performed and wound healing was evaluated histopathologically. The data were analyzed by the ANOVA and Tukey tests on SPSS-21. Results: Results of 4th and 7th day tests done in the tissue collected from wound edges showed significantly lower numbers of inflammatory cells and higher fibroblast cell activity, follicular cell production and keratinization in the silver sulfadiazine and “Kakamon” preparation-treated groups compared to the control groups. The 10th day test results showed higher fibroblast cell activity, follicular cell production and keratinization, as well as better formation of basic layer of epidermis, scar, and top layer of the wound surface in the “Kakamon” preparation-treated animals. In addition, the numbers of inflammatory cells in “Kakamon” preparation and silver sulfadiazine-treated groups were significantly lower than the control groups. Conclusion: “Kakamon” preparation and extract are effective in accelerating wound healing process and improving regeneration.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1461
Эшлэл
Э.Лхагвасүрэн, Ч.Ерөөлт, Ц.Түвшинжаргал. “Какамон” бэлдмэлийн шархны эдгэрэлтэнд үзүүлэх фармакологийн үйлдлийн судалгаа. Эрүүл мэндийн шинжлэх ухаан. 2020;17(1):62-68.